Isayas 26:20 - Hanunuu

²⁰ Manga kasimanwa, pagsulud kamu sa kanyu manga balay ag talakpan niyu kanyu sabian. Pagpatagu dapu kamu tugka sa madura ti pangagalit Panginuun.

Isayas 26:20 Iomraidhean Croise

Gimpuunan 7:1

Magkun ti Panginuun sa kan Nuwi, “Pagsulud kawu sa barku kaibahan kanmu buu magtal-anakan. Dahil sa tanan tawu sa inda pag sinulput kawu lang ti nakitan niku matadlung.

Hub 14:13

“Panginuun, nu mahimu itagu yi lang nimu aku sa ulian manga namatay tugka sa madura kanmu pangagalit, ag pagtagka kawu udas kuntay alalahanun nimu aku ati.

Kanta 143:9

Ribrihan aku sa kang manga kalaban, Panginuun, dahil sa kanmu aku maghagad awat.

Kanta 17:8

Alagai aku parihu sa pag-alaga tawu sa kay mata, ag alagai aku parihu sa pag-alaga manuk sa kay manga butu sa sirung niya manga pakpak.

Kanta 27:5

Dahil sa udas kaguluhan itagu niya aku ag alagaan sa kay Balay. Ipauli niya aku sa abwat pag batu, sa rugar nu naan ribri aku sa kaguluhan.

Kanta 30:5

Dahil kay pangagalit balaw magdugay, dapat kay kaayadan pumarargu hanggan aban. Mahimu sa yabi maglumi kita, dapat rumas-ug ti surip may kabayaan kita.

Kanta 31:20

Pag-itagu nimu sida sa rugar nu naan asan kanmu kadayawan, ag ati ribri sida sa maglibak hanggan sa magsurug manga tawu.

Kanta 32:7

Kawu kang palalan-iban; alagaan nimu aku sa udas kakurian, ag sangputun nimu aku manga tawu maghuruyawan sa kabayaan dahil sa kanmu pagribri sa kangku.

Kanta 57:1

Diyus, kaawai aku dahil sa kanmu aku magdangup parihu sa butu manuk magpatagu sa sirung manga pakpak niya ina. Manhagad aku awat sa kanmu tugka sa lumawuy ti manga kadamhakan.

Kanta 57:2

Magtawag aku sa kanmu, Kaabwat-abwatan pag Diyus, kawu ti magtupad kanmu turunu sa kangku.

Kanta 91:1

Una si unu ti magpangulian sa arani Kaabwat-abwatan pag Diyus Makapangyarihan alagaan siya.

Kanta 91:4

Dahanan niya kawu parihu sa pag-alaga manuk sa kay manga butu sa sirung niya manga pakpak. Sa kay katapatan, ingatan niya kawu ag apinan.

Kanta 94:13

Pagtudluan nimu siya hampay may kahusayan siya sa udas kakurian tugka sa udas parusahan nimu ti manga daut.

Kabagawan 18:10

Ti Panginuun parihu sa marig-un pag bantayaw, darangpan manga matadlung sa udas kakurian.

Kabagawan 22:3

Mag-aman ti madunung pag tawu nu masulang niya ti kadilikaduhan, dapat unman mag-aman ti tawu kurang kay intindi, nakan mag-agwanta siya.

Isayas 10:25

Dahil balaw yi dumugay madura yi kang pangagalit sa kanyu ag sa kanda maan niku inda pag ibuhus tugka sa magkaramatay sida.

Isayas 10:5

Magkun ti Panginuun, “Kaawaawa ti manga taga Asirya. Sida kang gamitun pamakul hampay parusahan kang manga pagkadat-an.

Isayas 13:5

Ginan sida sa ararayu pag rugar. Gubaun Panginuun hanggan niya manga sundalu ti buu daga dahil sa kay pangagalit.

Isayas 34:2

Dahil magkagalit ti Panginuun sa tanan nasyun; magkagalit siya sa kanda manga sundalu. Nakan rurisun niya sida lubus. Matyun gid niya sida tanan.

Isayas 51:16

Itinudlu niku sa kanyu kang bagaw, ag pagbaliwahan niku kamu sa panab-anan niku kamaskihan. Aku ti nagpauli langit hanggan paratukawan kalibutan, ag aku ti magkumun sa Israil, ‘Kawu kang nasakupan.’ ”

Isayas 51:4

“Manga nasakupan niku, pagpatingi kamu sa kangku. Patingihi niyu aku, nasyun niku! Ipakaun niku kang kasuguan ag sumirbi inda sulu sa manga nasyun.

Isayas 66:14

Nu makitan niyu inda kang pagbuwatun, makabaya kamu, lumangba ga tanum. Ipakakit Panginuun kay kamaskihan sa kay manga manugsirbi, dapat ipakakit niya kay pangagalit sa kay manga kalaban.

Hirimyas 31:14

Pakan-an niku mayamu pag handug ti manga manughandug. Busugun niku abunda pag papalad kang manga nasakupan. Aku, ti Panginuun, ti magbagaw inda.”

Hirimyas 7:23

sinugu diman niku sida kaindaay: ‘Sundun niyu aku, aku bumaliw yi kanyu Diyus ag kamu bumaliw yi nasakupan niku. Mangabuhi kamu angay sa palakaw pag-isugu niku sa kanyu hampay mayad kanyu kahamtangan.’

Isikil 11:16

“Nakan sabihi ti kaibahan nimu sa pagkabihag, aku, ti Panginuun Diyus, magbagaw magkun, ‘Ipinabihag niku kamu ag ipinanwayak sa iba pag manga nasyun, dapat kaibahan kang kadayawan sa kanyu sa inda pag manga rugar.

Danyil 11:36

“Buwatun hari Sirya una hintay kay gustu buwatun. Kilalan-un niya kay sadili abwat man sa tanan diyus, ag puyaan niya ti Diyus abwat man sa tanan pag diyus. Magmarapanalu siya tugka sa udas ipakakit Diyus kay pangagalit, dahil kailangan gid mangyari ti manga bagay ihinanda Diyus mangyari.

Sipanyas 2:3

Kamu waydi pag manga mapinakumbabaun ag masurundun sa manga sugu Panginuun, pagpakarani kamu sa kanya. Pagparargu kamu sa pagbuwat matadlung ag pagpakumbaba kamu. Barang abi alagaan kamu Panginuun sa sirang ibuhus niya kay pangagalit.”

Matiyu 23:37

Sinabi ni Hisus, “Hirusalim, Hirusalim, pagpanmatyun nimu ti manga purupita, pagbatuhun nimu ti manga sinugu Diyus tabug sa kanmu. Kapira yi ginan kang hinanap ti manga mag-uli sa kanmu sulud, hampay kang likumun, parihu ga inaan manuk mag-ukub sa kay manga butu, dapat dayu di ngap kamu.

Matiyu 6:6

Dapat nu tabug mandarangin kamu, paslud kamu sa kanyu sulud-sulud, talakpan niyu kanyu sabian bag-u kamu mandarangin sa kanyu Ama, sa unman mag-akitan sa mata. Gantihan kamu niyu Ama, dahil siya ti nakakit sa kanyu buwat mayad unman ipinasulay niyu sa manga iba.

2 Kurintu 4:17

Ti malpus-malpus pag kakurian kanmi paglakawan inda bilang ngalay-ngalay lang. Kay pakinabang aban imaw ti kaayadan unman may katapusan. Unman may tumimbang kakurian sa siti pag kaayadan.