Isayas 26:2 - Hanunuu

² Bukasan ti manga puwirtahan banwa hampay makaslud ti nasyun matadlung, matinupadun sa Panginuun.

Isayas 26:2 Iomraidhean Croise

Kanta 106:5

hampay matanggap diman niku ti kaabundahan nimu pinili pag nasyun ag hampay makasamit diman aku kanda kabayaan, ag makapaminsan aku sa kanda pagdayaw sa kanmu.

Kanta 118:19

Bukasi ti manga sabian Balay Diyus Panginuun para sa kangku, dahil sumaka aku ag manpasalamat sa Panginuun.

Kanta 118:20

Imaw inda ti sabian Panginuun nu naan ti manga matadlung wata ti makasaka.

Kanta 24:7

Bukasi ti manga sabian Balay Diyus, ti unman may katapusan pag manga sabian, hampay makasaka ti may kadayawan pag Hari!

Pag-ighit 19:6

dapat piliun niku kamu hampay kang yi manga nasakupan, ag bumaliw kamu usa ka kaharian magsirbi sa kangku bilang manga manughandug.’ Inda ti sabihun nimu sa manga Israilita.”

Isayas 45:25

Sa awat Panginuun ti tanan linahi ni Israil makalakaw panalu may katuwiran ag dumayaw sida sa kanya.

Isayas 54:14

Bumaliw marig-un kawu dahil mamuhi matadlung kanmu manga nasakupan. Malagiw kanmu manga kalaban, nakan unman kawu may kadalaan. Udyi makapakarani sa kanmu ti manga kalaban nimu hampay padalaun kawu.

Isayas 54:17

Unman may una hintay pag armas ti binuwat hampay manalu laban sa kanmu, ag masagut nimu una hintay ti ibangdan laban sa kanmu. Inda ti ipamana niku sa kang manga manugsirbi. Pakan-an niku sida panalu. Aku, ti Panginuun, ti magsabi inda.”

Isayas 58:8

Nu buwatun niyu tunda, rumas-ug sa kanyu ti karibrihan ga rayaw maghanag-hanag sa surip, ag paayadun niku kamu. Aku kanyu Panginuun matadlung ti mangunahan sa kanyu ag apinan niku kamu sa panab-anan niku kadayawan.

Isayas 60:11

Pagpirmi mabukasan kanmu sabian una yabi una sirang para tumanggap manga kayamanan manga nasyun. Nakaparada ti manga hari pasulud sa kanmu.

Isayas 60:18

Unman yi may mabaritaan kahigpitan sa kanmu daga. Unman diman may rumas-ug kadamhakan sa kanmu. Palibutan kawu karibrihan ga alad batu, ag dumayaw sa kangku ti manga magsulud sa kanmu sabian.

Isayas 60:21

Ti tanan nimu nasakupan bumaliw matadlung, ag sida yi ti umapu daga Israil hanggan aban. Binwat niku sida ga halaman kang itinanum para sa kang kadayawan.

Isayas 62:1

Dahil pagmahalun niku ti Hirusalim, balaw umapas kang darangin tugka sa ud rumas-ug kay kapanaluhan hanggan katuwiran ga magbadbad sirang, ag tugka sa mapasa-kanya ti karibrihan ga maglabdaban sulul-an.

Isayas 62:10

Manga taga Hirusalim, pagluwas kamu sa kanyu puwirtahan banwa, ialistu niyu ti lakawan niyu iba waya pag manga kakilala. Rayawa niyu kanda lakawan. Bul-a niyu kay manga batu, pagpatindug kamu bandira magpakilala sa manga tawu pinauli yi Panginuun kay manga nasakupan.

Isayas 62:2

Hirusalim, makitan manga nasyun hanggan nida manga hari kanyu kadayawan, ag katuwiran. Pakan-an kawu Panginuun bag-u pag ngaran.

Sakaryas 8:20

Mayamu pag manga nasakupan ginan sa tuhay-tuhay pag banwa ti umatag sa Hirusalim.

Binwat 2:47

Magdayaw sida sa Diyus. Ag ti tanan tawu nagbaya gid sa manga patar-ari. Sirang-sirang may idinagdag maan sa kanda ti Panginuun manga tawu kay irinibri.

1 Pidru 2:9

Dapat kamu ungud usa ka pinili pag lahi. Parihu sa manga manughandug sa Balay Diyus, kanyu pagsirbihan si Kiristu pag Hari. Kamu usa ka nasyun binukud para sa Diyus. Pinili kamu Diyus hampay kamu kay sadili yi pag nasakupan ag hampay ipaburayhaw niyu kay manga buwat makadululaw. Siya diman waydi ti nagtawag sa kanyu ginan sa kadudulman tabug sa kaladulawan pag karayawan niya.

2 Pidru 3:13

Dapat ay angay sa kay taratu Diyus may pag-alagdun kita bag-u pag langit hanggan bag-u pag daga, kay ululianan katadlungan.

Hudas 1:3

Mahal niku pag manga patar-ari, kang gid mana gustu magsurat tag sa kanyu tungkul sa karibrihan nita tanan. Dapat ay pilit aku sumurat pumaanyu sa kanyu hampay kanyu ingatan ti katutuuhanan tungkul sa kanta pagsarig una may manga kalaban. Inda pag katutuuhanan kas-a lang ginan iinintirga sa manga napasakup sa Diyus.

Ipinakakit 21:24

Ginan sa rayaw banwa pag marayawan ti tanan nasyun tawu. Ati diman tag pag daran-un manga hari sa babaw daga kanda kayamanan.

Ipinakakit 5:9

Nagkanta sida inda pag bag-u kanta magkun, “Kawu ti may karampatan magbuul sa kasuratan malulunan ag magbukas kay manga kula, dahil kawu ti minatay ag dahil sa kanmu dugu may linukat kawu manga tawu ginan sa kada linahi, pamagaw, banwa ag nasyun hampay sida manga sakup yi Diyus.