Isayas 26:18 - Hanunuu

¹⁸ Nagtawag kami dahil sa kakurian, dapat unman diman kami may ilinusad. Unman kami may nabwat hampay iribri ti daga nimi, ag dapat unman diman kami may nabuwat una hintay.

Isayas 26:18 Iomraidhean Croise

2 Hari 19:3

Magkun sida sa kan Isayas, “Inda ti pagsabihun ni Isikyas: ‘Mag-agwanta kita taynguna pag udas; pagparusahan ag pagpakay-ahun kita. Parihu kita sa magpanganak unman yi may kusug ilusad kay anak.

Kanta 17:14

Ribrihan aku sa inda pag manga tawu magkahilig lang sa manga bagay sitay sa kalibutan. Parusahi sida parusa iinalistu nimu sa kanda, hanggan yi kanda manga kalay-awan. Alistuhi diman parusa kanda manga laki.

Isayas 33:11

Kamu manga taga Asirya, unman may pulus kanyu manga gayak ag manga pagbuwatun. Kanyu pangagalit parihu sa apuy imaw ti pumadamhak sa kanyu.

Isayas 37:3

Pagka rinmas-ug sida sa kan Isayas, magkun sida sa kanya, “Inda ti pagsabihun ni Isikyas: Inda ti udas kakurian, pagtadlung ag kakay-ahan. Parihu kita sa usa ka babayi arani yi manganak unman may kusug hampay ilusad kay lapsag.

Isayas 59:4

Balaw niyu pag-isipun ti katadlungan; ti manga bangdan niyu sa kanyu manga kaparihu pudu kapudilan. Daut kanyu manga pag-isipun, bag-u imaw tida kanyu pagbuwatun.

Husyas 13:13

“May panahun kamu magbag-u buhi dapat dahil unman kamu may intindi, pag-ipasipala niyu inda. Parihu kamu sa lapsag balaw magkaibug lumwas sa tiyan sa kay kaudasan.

Huwan 7:7

Ti manga tawu taga kalibutan unman may pag-ikadaut sa kanyu. Dapat aku kanda pagkadat-an, dahil pirmi pag-ipaburayhaw niku kanda manga buwat daut.

1 Huwan 5:19

Magkaalaman nita kita nianak Diyus, dapat ti bilug kalibutan sakup di kapangyarihan ni Satanas.

1 Samwil 11:13

Dapat magkun si Saul, “Unman kailangan may matyun taynguna pag sirang, dahil taynguna irinibri Panginuun ti Israil.”

1 Samwil 14:45

Dapat magkun ti manga tawu sa kan Saul, “Si Hunatan duy ti nagpanalu sa kanta, dapat taynguna, matyun nita siya? Balaw duy mahimu! Magsumpa kami sa Panginuun buhi, unman gid una di usa kay buhuk niya ti maragdag sa daga, dahil Diyus duy ti nag-awat sa kanya sa kay binwat taynguna pag sirang.” Nakan balaw ngani minatay si Hunatan dahil irinibri siya manga Israilita.