Isayas 26:16 - Hanunuu

¹⁶ Panginuun, pinarusahan nimu kanmu manga nasakupan, sa kanda manga kakurian nandangup ag nanawag sida sa kanmu.

Isayas 26:16 Iomraidhean Croise

Kanta 142:2

Pagsabihun niku sa kanmu kang manga riklamu ag manga kakurian.

Kanta 27:8

Tinandug nimu kang tagipusuun kuntay pagdangup aku sa kanmu, nakan nagdangup aku sa kanmu, Panginuun.

Kanta 42:4

Mag-alangan kang buut nu magkaimatun-an niku kaybi pagpangunahan niku ti mayamu pag manga tawu atag sa kanmu Balay. ag magdaus kami may huruyawan sa kabayaan ag pagpasalamat sa kanmu.

Kanta 50:15

Pagdangup kamu sa kangku sa udas kakurian, dahil iribri niku kamu, ag dayawun niyu aku.”

Kanta 77:3

Nu pag-isipun niku ti Diyus mag-arup aku aba ag magpanlumuy aku.

Kanta 78:34

Pagka minatay niya ti iba sa kanda, ti nasawad nagdangup sa kanya, nag-ampu ag nagpasirung gid sa kanya.

Kanta 91:15

Nu mandangup siya sa kangku, sagtun niku siya; nu udas may kakurian, ibahan niku siya; iribri niku siya ag pakan-an kadayawan.

Isayas 37:3

Pagka rinmas-ug sida sa kan Isayas, magkun sida sa kanya, “Inda ti pagsabihun ni Isikyas: Inda ti udas kakurian, pagtadlung ag kakay-ahan. Parihu kita sa usa ka babayi arani yi manganak unman may kusug hampay ilusad kay lapsag.

Hirimyas 2:27

Pagsabihun niyu kuntay ti kayu kanyu ama ag ti batu kanyu ina. Dinayu niyu aku, dapat nu magkakurian kamu, maghagad awat kamu sa kangku.

Hirimyas 22:23

“Kamu pag manga mag-uli sa balay hari sa Hirusalim binuwat sa kayu sidru ginan sa Libanun, kaawaawa kamu nu rumas-ug yi sa kanyu ti kakurian, ga babayi magkakurian sa magpanganak,

Hirimyas 29:12

Nu katida, manawag ag mandarangin kamu sa kangku, patingihan niku kamu.

Karukuan 2:19

Pagbangun kamu sa yabi ag paghagad awat sa Panginuun. Ipadnug ti tanan niyu kabuyatan sa kanya, ga sa magbulus kamu danum. Ipaabwat kanyu manga kamang sa darangin para sa buhi niyu manga anak magkalipung sa lun-us sa manga karsada.

Husyas 5:15

Pagkatapus, bumalik aku sa kang rugar tugka sa akuun nida kanda manga kasalanan. Ag mandangup gid sida sa kangku sa kanda kakurian.”

Husyas 7:14

Balaw tutuu kanda magtawag sa kangku. Maglumi sida sa kanda manga igyaan, pagbiyagan nida kanda bilug mintaras maghagad manga ani hanggan irinmun ubas sa kanda manga diyus-diyusan. Magpakarayu sida sa kangku.

Bilang 21:7

Nag-ati sa kan Muysis ti manga tawu ag magkun, “Nagsalan kami sa pagbagaw nimi laban sa Panginuun hanggan sa kanmu. Idarangin nimu sa Panginuun bul-un niya sa kanmi inda pag manga ulay.” Nakan nandarangin si Muysis para sa manga tawu.

Ipinakakit 3:19

Ti kada tawu kang pagmahalun kang waydi pagtadlungun hanggan pagpariganan. Nakan ngani pagmasipag kawu, ampui yi patlikudi yi kanmu kasalanan.

Talaghusay 10:15

Dapat magkun sida sa Panginuun, “Nagkasala kami sa kanmu, nakan buwata ti pagkaibgan nimu buwatun sa kanmi. Dapat kaawai duy nimu kami, ribrihan kami taynguna.”

1 Samwil 1:15

Sinmagut si Hana, “Balaw duy aku langu, unman aku nakainum una hintay pag kalasi intus. Pag-iampu lang niku sa Panginuun kang mag-asaydan kakurian.