Isayas 26:15 - Hanunuu

¹⁵ Panginuun pinadaka nimu kanmi nasyun. Pinaluang nimu kanmi tab-anan, ag inda ti nakapakaun kagalangan sa kanmu.

Isayas 26:15 Iomraidhean Croise

Gimpuunan 12:2

Buwatun niku bantug pag nasyun kanmu linahi. Papaladan niku kawu ag bumaliw bantug kanmu ngaran. Sa panab-anan nimu, mayamu ti makatanggap papalad.

Gimpuunan 13:16

Payamuun niku kanmu linahi ga taypuk sa kalibutan kay kayamu. Ti taypuk dayu mabilang, nakan kanmu linahi balaw diman mabilang.

1 Hari 8:46

Nu magkasala sida sa kanmu — dahil unman waydi una di usa ti unman magsalan — ag sa kanmu pangagalit ipinatalu nimu sida sa kanda manga kalaban ag binihag sida sa arayu ngatay sa arani pag rugar,

2 Hari 17:23

tugka sa pinaighit sida Panginuun sa kay atubangan, angay sa kay ipinasandam sa kanda sa panab-anan niya manga manugsirbi pag manga purupita. Nakan binihag Asirya ti nasakupan Israil, ag ati sida pag nangulian tugka taynguna.

2 Hari 17:6

Pagka sa ikasiyam pag timpu kay maghari ni Husyas, nasakup hari Asirya ti Samarya, ag dinara niya ti manga taga Israil sa Asirya bilang manga bihag. Ipinatahan niya sida sa banwa Hala, sa manga rugar arani sa Sapa Habur sa Gusan, hanggan sa manga banwa manga Midyanita.

2 Hari 23:27

Nakan nagsabi ti Panginuun, “Paighitun niku ti manga taga Huda sa kanda rugar pakarayu sa kang atubangan parihu sa binuwat niku sa manga taga Israil. Ag dayuun niku ti Hirusalim, ti pinili niku pag banwa, hanggan inda pag Balay Diyus, ti pagsabihun niku asan aku pag dayawun.”

Nihimyas 9:23

Pinayamu nimu kanda manga linahi, parihu sa manga pamgasan sa langit. Dinara nimu sida sa daga kanmu itinaratu sa kanda manga ginurang hampay suldun ag apuun.

Hub 12:23

Pagpabisugun niya ti manga nasyun, dapat pagtaluhun diman niya inda ag ipagpadamhak.

Isayas 10:22

Una waya ga baras sa baybay dagat kay kayamu ti manga Israilita, pira lang ti makabalik. Nakatagka yi ti parusa para sa buu Israil. Pihu tupadun inda Panginuun Diyus Makamaskihan.

Isayas 33:17

Manga Israilita, makitan niyu ti usa ka may kadayawan pag hari, mandumara sa daka pag kaharian.

Isayas 40:5

Miburayhaw ti kadayawan Panginuun, ag makitan inda tanan nasakupan. Mangyari gid inda dahil sinabi Panginuun.”

Isayas 44:23

Langit, pagkanta kawu sa kabayaan! Kalibutan, pagringgit kawu kamatnug! Manga bantud hanggan manga kayu sa katalunan, pagkanta kamu. Dahil iribri Panginuun ti linahi ni Hakub; ipakakit niya kay kadayawan sa Israil.

Isayas 6:12

Tugka sa palayasun niku ti manga Israilita ag kanda manga daga mapabay-anan yi.

Isayas 60:21

Ti tanan nimu nasakupan bumaliw matadlung, ag sida yi ti umapu daga Israil hanggan aban. Binwat niku sida ga halaman kang itinanum para sa kang kadayawan.

Isayas 9:3

Panginuun, pakan-i duy nimu sida daka pag kabayaan, ag makabaya sida sa atubangan nimu parihu sa manga tawu magbaya nu udas tig-arani, aw ngatay parihu diman sa manga tawu magdaus sa maghururayan kanda naagaw sa girahan.

Hirimyas 30:19

Bag-u kumanta sida manga pasalamat ag manhuyaw sa kasulungan. Payamuun ag pakan-an niku sida kadayawan.

Hirimyas 32:37

Tipunun niku ti manga nasakupan niku ginan sa tanan nasyun kinalatan niku sa kanda dahil sa kang masyadu pag galit sa kanda. Utru niku sida darahun sa inda pag rugar ag mangabuhi sida sa mahusay.

Isikil 36:24

Dahil bul-un niku kamu sa tuhay-tuhay pag manga nasyun bag-u pabalikun sa kanyu sadili daga.

Isikil 5:12

Tungaun niku kamu sa tulu ka bahagi. Kay usa ka bahagi magkaramatay sa panab-anan lun-us hanggan manga durungugun siyun sa banwa. Kay usa waya ka bahagi magkaramatay sa panab-anan baladaw sa luwas banwa. Ag ti masawad pag bahagi sarwagan sa durus, wayakun niku sa buu kalibutan, ag lagsun sida niku baladaw.

Bilang 23:10

Unman may bumilang sa linahi ni Hakub sa kanda kayamuun parihu sa galbuk. Pasnuan mana nimu kang kamatayan parihu sa kanda sa manga matadlung.”

Lukas 21:24

Matyun sida manga sundalu may armas baladaw, kay iba bihagun darahun tag sa una naan pag nasyun. Tatatataan manga balaw Hudiyu ti Hirusalim hanggan sa udwaya lumawuy ti kaudasan kapangyarihan manga balaw Hudiyu.”

Huwan 15:8

Nu parargu kamu magburak mayamu, kang Ama dayawun manga tawu, ag siyun pag makitan kamu kang manga tuludluan.

Huwan 17:1

Pagka sinabi ni Hisus tunda, nagtangda siya sa langit bag-u sinabi niya magkun, “Amang, inda yi ngani ti taning pag kaudasan. Ipaburayhaw nimu ti kadayawan nimu Anak hampay kanmu Anak pumaburayhaw waydi kanmu pag kadayawan.

Diyuturunumiyu 10:22

Katpung atabug kanyu manga ginurang sa Ihiptu, 70 lang sida tanan. Dapat kainda pinayamu kamu Panginuun niyu Diyus parihu sa pamgasan sa langit kay kayamu.

Diyuturunumiyu 28:25

“Ipatalu kamu Panginuun sa kanyu manga kalaban. Magkarausa kamu man-gira sa kanda, dapat mamululagan kamu malagiw ginan sa kanda. Kadat-an kamu tanan kaharian sa kalibutan.

Diyuturunumiyu 28:64

“Wayakun kamu Panginuun sa tanan nasyun, sa kada suuk kalibutan. Ag ati pag mansamba kamu sa iba pag manga diyus buwat sa kayu ag batu, balaw niyu kilala una niyu manga ginurang.