Isayas 26:14 - Hanunuu

¹⁴ Tigbak yi sida taynguna, balaw yi mabuhi waya. Pinarusahan niyu sida ag minatay hampay malimtan sa balaw yi maimatun-an.

Isayas 26:14 Iomraidhean Croise

Hub 18:17

Unman yi may makaalala sa kanya sitay sa kalibutan. Malimtan yi gid siya.

Hub 24:20

Udyi sida alalahanun waya nu unman kalimtan yi sida una nida ina. Rurisun sida ga kayu pinukan ag kan-un sida manga sapat.

Hub 7:9

Nu kabitay ti rurum magkaparaw ag unman yi mag-akitan, katida diman waydi ti magkamatay, udyi mag-ibalik.

Kanta 106:28

Isinagda nida kanda sadili sa diyus-diyusan si Baal imaw ti ati sa Bantud Piyur ag nagkaun sida manga handug ihinandug sa manga namatay.

Kanta 109:13

Mana magkaramatay kay manga linahi hampay malimtan yi sida sa dumasun pag sinulput.

Kanta 135:17

may manga tuli, dapat unman makadnug, ag unman inda mag-arup.

Kanta 36:12

Midamhak gid inda pag daut manga tawu ag udyi gid makabangun.

Kanta 9:6

Rinuris nimu lubus kang manga kalaban, ag balaw yi gid sida makitan hanggan aban. Pinandaut nimu kanda manga banwa, ag udyi gid sida maimatun-an waya.

Pag-ighit 14:30

Sa ati pag sirang, irinibri Panginuun ti manga Israilita sa kamang manga Ihipsiyu. Ag nakitan manga Israilita ti manga bangkay manga Ihipsiyu mahuprasayan sa baybay.

Kabagawan 10:7

Ti matadlung pag tawu pirmi pag-alalahanun, dapat ti daut pag tawu magkalimtan.

Manugtudlu 9:5

Ag alam nida mamatay sida. Dapat ti namatay unman yi may alam. Udyi hanggan may matanggap pirimyu ag kalimtan yi.

Isayas 10:3

Hintay ti buwatun niyu sa sirang pagsintinsiya sa kanyu? Hintay ti buwatun niyu nu rumas-ug ti kadamhakan ginan sa arayu? Sa kantapu kamu pag manhagad awat? Ag naan niyu pag-itagu kanyu kayamanan?

Isayas 26:19

Dapat utru mabuhi kanmu manga nasakupan namatay. Bumangun kanda manga bangkay ag kumanta sa kabayaan. Nu kabitay ti tun-ug magparamig sa daga, kawu diman Panginuun ti utru bumuhi sa manga namatay.

Isayas 29:6

Ti Hirusalim alalahanun niku, ag aku, ti Panginuun Makamaskihan, rumas-ug may linti, may linug, may ingay, may buhawi, may bagyu, ag maglabdaban pag apuy.

Isayas 37:19

ag pinan-sunug ti manga diyus-diyusan nida. Dahil balaw duy tutuu tunda pag manga diyus nu unman manga batu ag kayu lang binwat tawu.

Isayas 8:19

Nu may magsabi sa kanyu paghagad kamu pasandam ginan sa manga namatay sa panab-anan manga panhirian ag manga pandaniwan magbudung-budung, danga niyu pagbuwata tida. Unman aw kailangan sa Diyus kamu paghumagad pasandam? Hayga sa manga namatay kamu pag mamaingana para sa buhi?

Matiyu 2:20

Magkun ti anghil, “Pagbangun kawu, daran-a nimu ti anak hanggan kay ina, pag-uli maan kamu sa daga Israil, dahil tigbak yi ti manga magkaibug mumatay sa anak.”

Diyuturunumiyu 4:28

Ag ati yi kamu pag mansamba sa manga diyus-diyusan buwat sa kayu ag batu, balaw maghiling, unman diman magdungug hanggan magkaun ngatay maghungaw.

Ipinakakit 20:5

Inda ti un-an pagkabuhi uman ginan sa kamatayan. Pagka nakalawuy ti usa ka libu ka timpu binuhi diman uman ti manga iba pag manga namatay.