Isayas 26:13 - Hanunuu

¹³ Panginuun nimi Diyus, pagdumarahan kami tuhay pag panginuun, dapat kawu lang kanmi pagsambahun.

Isayas 26:13 Iomraidhean Croise

2 Krunika 12:8

Dapat ipasakup niku sida sa kanya hampay maalaman nida mas mayad ti magsirbi sa kangku kaysa magsirbi sa manga makababaw daga pag manga hari.”

Isayas 10:11

Winayak yi niku ti Samarya hanggan kay manga diyus-diyusan. Katida diman kang buwatun sa Hirusalim hanggan sa kay manga diyus-diyusan.”

Isayas 12:4

Pagras-ug ati pag sirang, manganta kamu: “Dayawa niyu ti Panginuun! Sambaha niyu siya! Tultulan niyu sa manga nasyun kay manga binuwat. Tultulan niyu siya ti kailangan dapat dayawun.

Isayas 2:8

Mayamu sida diyus-diyusan, pagsambahun nida inda madi sida diman waydi ti nagbuwat.

Isayas 26:8

Panginuun, kanmi sinunud kanmu manga sugu ag nagsarig kami sa kanmu. Hingbut nimi kawu kanmi madayaw.

Isayas 51:22

Inda ti pagsabihun Panginuun niyu Diyus ti mag-apin sa kanyu: “Pagpatingi kamu! Bin-ul yi niku kang pangagalit ga intus makapalangu sa kanyu. Balaw yi niku kamu painmun utru inda.

Isayas 63:7

Ipaburayhaw niku ti pagmahal Panginuun. Dayawun niku siya sa tanan niya pag binwat sa kanta. Pagkayamu kay binwat sa kanta sa kay nasakupan Israil dahil sa daka niya pag pangaawa ag pagmahal.

Isayas 64:5

Pagtanggapun nimu ti manga magbaya magbuwat matadlung ag magsunud sa kanmu manga palakaw. Dapat nangisug kawu sa kanmi dahil parargu nimi paglabagun kanmu manga palakaw. Nakan kabitay kami maribri?

Amus 6:10

Ti namatay bul-un niya katawuhan kay bangkay hampay sunugun. Bag-u paingan-un niya ti mataguan sa sulud balay, “May kaibahan aw waya kawu asan?” Nu sumagut siya, “Unman” sumabi ti tawu nagpaingana, “Danga mag-ingay! Barang masampit waya nimu ti ngaran Panginuun ag maparusahan kita.”

Mikas 4:5

Una waya sundun manga tawu kanda manga diyus-diyusan, kami parargu di gid sumunud sa Panginuun nimi Diyus hanggan aban.

Huwan 8:32

Makilala niyu ti katutuuhanan bag-u ti katutuuhanan ti makaribri sa kanyu ginan sa kanyu pagkapanawuhun.”

Ruma 6:22

Dapat taynguna kamu pinaribri yi ginan sa kasalanan, kamu manga panawuhun yi Diyus bag-u gamitun kamu Diyus sa kay turunu tungkul sa buhi unman may katapusan.

1 Kurintu 4:7

Hintay ti nagsabi sa kanyu kuntay kamu mayad man sa manga iba? Unman kamu may imaw nu unman ipinakaun Diyus. Dapat nu ipinakaun Diyus sa kanyu hayga pag-ipadayaw-dayaw niyu ga unman may nagpakaun sa kanyu?

Hibriyu 13:15

Magdayaw kita pirmi sa Diyus bilang kanta handug sa kanya. Mabuwat nita inda sa pagpahayag kuntay kilala nita si Hisus.

Huswi 23:7

Danga kamu magpausa sa siyun pag manga nasyun nasawad sa kanyu karaw-an, ag danga kamu magbanggit ngaran nida manga diyus ngatay manumpa sa ngaran nida. Danga diman kamu magsamba ngatay magsirbi sa kanda,