Isayas 26:11 - Hanunuu

¹¹ Panginuun, alistu yi duy kawu pumarusa sa kanda, pat-ay balaw nida alam. Paandami nimu sida, Panginuun. Pakay-aha sida. Ipakakit nimu sa kanda nu kabitay nimu kamahal kanmu manga nasakupan. Rurisun nimu sa panab-anan apuy kanmu manga kalaban.

Isayas 26:11 Iomraidhean Croise

Hub 34:27

Pagbuwatun niya inda dahil nag-apas sida sa pagsunud sa kanya, ag unman nida pagsundun kay manga palakaw.

Kanta 10:12

Malu duy, Panginuun Diyus, parusahi yi ti manga daut! Danga pagpabay-ani ti manga pugri.

Kanta 21:8

Kanmu kapangyarihan imaw ti tumalu sa tanan nimu manga kalaban.

Kanta 28:5

Dahil pag-ipasipala nida kanmu manga pagbuwatun. Nakan padamhakan nimu sida ag pabay-ani sa inda pag kahamtangan.

Kanta 78:63

Sinunug kanda manga anak lalaki, nakan naduraan arasawan-un kanda manga daraga.

Kanta 86:17

Ayawi aku puruyba kanmu kaayadan hampay makitan inda niku manga kalaban ag mangay-a sida. Dahil kawu, Panginuun, ti mag-awat ag magpasulung sa kangku.

Pag-ighit 9:14

Dapat nu unman, mamadara aku masyadu pag sarut mamarusa sa kanmu, hanggan sa kanmu manga may kangaranan ag nasakupan nimu hampay maalaman nimu unman aku may kaparihu sa buu kalibutan.

Isayas 1:31

Ti manga may kapangyarihan sa kanyu bumaliw parihu sa layung kayu madali pag maktan, ag ti daut nida buwat bumaliw ga sikrab apuy umirub sa kanda. Unman may makapsa sa tunda pag apuy.

Isayas 10:16

Nakan mamadara sakit ti Makamaskihan Panginuun, imaw ti pumalumuy sa makurasug pag sundalu Asirya. Irubun Panginuun ti manga kayamanan niya sa maglabdaban pag apuy.

Isayas 10:17

Ti Panginuun ti pinagkasulu ag banal pag Diyus Israil bumaliw ga maglabdaban apuy umirub sa manga dugihan niya pag halamanan sa sulud lang usa ka sirang.

Isayas 11:13

Madura yi ti inggit Israil sa Huda ag ti galit Huda sa Israil.

Isayas 18:3

Kamu tanan mag-ulian sa kalibutan, bantayi niyu ti pag-abwat bandira sa babaw bantud, ag patingihi niyu ti tunug budyung.

Isayas 37:32

Dahil may manga masawad buhi mangalat ginan sa Hirusalim, sa Bantud Siun. Pihuun gid Panginuun Makamaskihan matupad inda.

Isayas 42:13

Gumira ti Panginuun ga usa ka sundalu alistu yi gid lumaban. Manringgit siya bilang pasandam girahan yi, ag manalu siya sa kay manga kalaban.

Isayas 44:18

Inda pag manga tawu unman may alam ngatay unman makaintindi sa kay pagbuwatun. Tinakluban nida kanda manga mata nakan unman sida makakit. Tinakluban diman nida kanda manga isip, nakan unman sida makaintindi.

Isayas 44:9

Unman may pulus ti tanan magbuwat diyus-diyusan. Tunda pag manga diyus-diyusan kanda pagpahalgaan unman may pulus. Sida diman ti makapagsabi tunda unman may pulus. Dahil tunda unman maghiling, unman diman may alam. Nakan ngani mangay-a ti manga magsamba siyun.

Isayas 5:24

Nakan miparihu kamu sa dayami ngatay sa layung ilamnun mairub apuy. Miparihu diman kamu sa tanum kay manga gamut magkaluu ngatay busang pag-ipayag durus ga taypuk, dahil ipinurya niyu ti Kasuguan Panginuun Makamaskihan, ti Banal pag Diyus Israil.

Isayas 59:17

Ti katadlungan imaw kay panangga sa kay dubdub ag kalu baul ti karibrihan. Isulung niya ga rutay ti manhimalus ag masyadu gid niya pag-isug.

Isayas 60:14

Ti manga anak manga nag-api sa kanmu pumakarani sa kanmu ag gumalang. Manluhud sa kanmu atubangan ti manga magpuya sa kanmu, ag kawu ingarnan nida, ‘Banwa Panginuun’ ngatay ‘Siun, ti Banal pag Banwa Diyus Israil.’

Isayas 63:15

Bantayan duy nimu kami ginan sa langit, imaw kanmu banal ag abwat pag ulian. Naan yi kanmu pasunaid sa kanmi hanggan kanmu ipinakakit pag kamaskihan kaybi sa kanmi? Naan yi kanmu pagmahal ag pangaawa sa kanmi?

Isayas 66:15

Pagpatingi kamu! Rumas-ug ti Panginuun may dara apuy. Sumakay siya sa kay kalisa pan-gira parihu sa buhawi. Ipakakit niya kay galit sa kay manga kalaban, ag parusahan niya sida maglabdaban pag apuy.

Isayas 66:24

Sa pagluwas manga nagsamba sa kangku sa Hirusalim, makitan nida ti manga bangkay manga tawu naglaban sa kangku. Ti magkaun sa kanda pag manga sapat balaw magkamatay hanggan ti sumunug pag apuy sa kanda ud magkapsa. Ag kurim-udan sida tanan tawu.”

Isayas 66:5

Kamu manga may dala sa bagaw Panginuun, patingihi niyu kay padakit, “Dahil kamu matinupadun sa kangku, kinadat-an ag binugyahan kamu manga iba niyu manga kasimanwa. Pag-aringun nida kamu magkun, ‘Ipakakit yi mana Panginuun kay kamaskihan hampay makitan nimi kanmu kabayaan!’ ” Dapat mangay-a sida.

Isayas 9:18

Dahil kanda kadautan parihu sa apuy maghirut sa ilamnun madugi. Maglangyaban ga apuy maghirut sa kayu, ag ti madamul pag anus magpanalikuub.

Isayas 9:19

Dahil sa pangagalit Panginuun Makamaskihan, magkarairub kanda daga, ag bumaliw sida ga pamagba kan-un apuy. Dayu nida kaawaan una kanda kaparihu Israilita.

Isayas 9:7

Unman may katapusan kay pagdumara mayad ag may kahusayan. Siya ti mumana kay kaharian ni Dabid. Parig-unun niya inda ag humari ti katadlungan ag ti katuwiran hanggan aban. Siguraduhun Panginuun Makamaskihan matupad inda.

Hirimyas 44:28

Nu may imaw man masawad sa girahan ag makabalik sa Huda, pira-pira lang. Dahil sitay, maalaman manga nasawad mag-ulian taynguna sitay sa Ihiptu nu kantapu pag bagaw ti masunud — sa kanda aw ngatay sa kangku.

Hirimyas 5:3

Bag-u magkun aku, “Panginuun, magligaw duy kawu tawu matinupadun. Pinakurian nimu duy kanmu manga nasakupan dapat balaw mahalaga inda sa kanda. Pinarusahan nimu sida dapat dayu sida magpatudlu. Pinaganit nida kanda manga tagipusuun, dayu sida mag-ampu.

Mikas 5:9

Manalu ti manga Israilita laban sa kanda manga kalaban. Rurisun nida sida tanan.

Mikas 7:10

Makitan inda nita manga kalaban ag mangay-a sida. Dahil pagpuyaan nida kita kaybi. Magkun sida, ‘Naan yi ti Panginuun niyu Diyus?’ Udyi dugay makitan nita ti kadamhakan nida. Bumaliw sida ga lutuk tatatataan sa karsada.”

Mikas 7:16

Inda makitan manga nasyun ag mangay-a sida madi makapangyarihan sida. Ag udyi sida mamatingi aw ngatay mamagaw manga pamuya sa kanmi.

Malakyas 4:1

Magkun ti Panginuun Makamaskihan, “Pihu gid rumas-ug ti sirang kaparusahan. Bumaliw inda ga maglabdaban pugun. Parusahan niku ti tanan mayabang hanggan magbuwat daut parihu sa magtutud dayami. Bumaliw sida ga tinutdan kayu unman gid may nasawad una di sanga hanggan gamut.

Matiyu 25:41

“Kumumun maan ti Hari sa manga tawu sa wala baliwa, ‘Pagpakarayu kamu sa kangku ginan, kamu ti manga sinaadan, pag-ati kamu sa apuy unman magkapsa inalistu para sa diyablu hanggan sa kay manga anghil.

Lukas 16:23

Hanggan ti mayaman namatay waydi, nag-agwanta gid siya ati sa rugar manga namatay. Bag-u nagbantay siya, nakitan niya ati sa arayu si Abraham hanggan si Lasaru sa kan Abraham arani.

Binwat 28:27

Dahil maganit yi kay tagipusuun inda pag manga tawu. Pinut-an nida kanda manga tuli. Ipinikat nida kanda manga mata, hampay unman makakit kanda manga mata, ag unman makadnug kanda manga tuli, ag hampay unman diman umintindi kanda tagipusuun. Magkun ti Diyus, nakan katida hampay sida unman bumalik sa kangku. Dayu waydi paayadun niku sida.’”

2 Tisalunika 1:8

Rumas-ug siya sa karaw-an maglalabdaban pag apuy. Bag-u parusahan niya ti tanan tawu dayu magpaniwala sa Diyus ag ti manga dayu magsunud sa Mayad pag Barita tungkul sa kanta Panginuun Hisus.

Hibriyu 10:27

Udyi may iba paraan nu unman mag-alagad lang kita sa madala gid pag patabgan pag sintinsiya aban, bag-u kay pangagalit Diyus tigpapas ga apuy sa manga kalaban niya.

1 Pidru 3:16

Dapat pagmaalumanay kamu paggalang nu kamu magpaliwanag. Pag-ugali kamu sa malumpiyu kanyu tagipusuun hanggan naisipan hampay mangay-a ti manga magmuransa sa kanyu hanggan ti manga mag-away sa kanyu mayad ugali, dahil ngani kamu kay suruguun ni Kiristu.

Ipinakakit 19:20

Nabihag ti hayup malangas, nabihag diman waydi ti pudilun pag purupita imaw ti manugbuwat makadululaw pag tanda sa atubangan hayup malangas. Tunda ngani pag manga tanda makadululaw ti ginamit niya pandaya sa manga tawu nakatanggap marka hayup malangas, sa manga magsamba sa kay tawu-tawu. Ti hayup malangas ag ti pudilun pag purupita iyinmut buhi tag sa maglabdab danaw apuy asupri.

Ipinakakit 3:9

Malu, ti manga sakup ni Satanas manga magpabalhinguun kuntay sida Hudiyu dapat bukun waydi Hudiyu, manga pudilun lang. Paludhun niku sida sa kanmu atubangan, bag-u maalaman nida kawu kang gid pagmahalun.

1 Samwil 6:9

Dapat bantayi niyu nu naan sida pag umatag. Nu tumukad sida sa Bit Simis, usa sa manga banwa manga Israilita, maalaman nita ti Panginuun imaw ti nagpadara inda pag masyadu sarut sa kanta. Dapat nu unman sida atabug sa Bit Simis, maalaman nita balaw ti Panginuun ti nagpakuri sa kanta. Nu unman nitaun lang inda.”