Isayas 26:10 - Hanunuu

¹⁰ Una pagkaawaan nimu ti daut, unman diman sida magdunung mangabuhi matadlung. Una waya sida nangulian kaibahan manga matadlung, parargu di gid sida sa kanda buruwatun daut, ag balaw nida pagkilalan-un kanmu kamaskihan.

Isayas 26:10 Iomraidhean Croise

2 Hari 13:6

Dapat unman sida magpatlikud sa pagsunud sa manga kasalanan magtal-anakan ni Hirubuam, imaw ti dahilan nida pagsimray. Unman diman nida pagdautun ti tulduk tanda diyusa si Asira sa Samarya.

Kanta 106:43

Mayamu ulit irinibri sida Diyus, dapat pagpalabihun waya gid nida maglaban sa kanya, nakan ngani pinakaababa sida dahil sa kanda kasalanan.

Kanta 143:10

Tudlui aku sa pagsunud sa kanmu kagustuhan, dahil kawu kang Diyus. Mana kanmu mayad pag Ispiritu mag-antabay sa kangku sa kahamtangan balaw may kadamhakan.

Kanta 69:27

Dugangan waya gid inda sa kanda manga salan ag danga sida pagribrihan.

Pag-ighit 8:15

Dapat pagka nakitan hari Ihiptu udyi ti manga pikaw, nagmaganit yi maan siya, balaw siya naniwala sa kanda ni Muysis ag ni Aarun, parihu sa sinabi Panginuun.

Pag-ighit 9:30

Dapat alam niku kawu ag ti manga may kangaranan nimu unman waya magkadala sa Panginuun Diyus.”

Pag-ighit 9:34

Pagka nakitan hari Ihiptu inmapas yi ti uran, ti yilu ag ti linti, utru siya nagkasala. Nagpaganit siya hanggan ti manga may kangaranan niya.

Kabagawan 1:32

Dahil ti malinabagun manga unman may alam imaw ti makamatay sa kanda, ag ti patawhay-tawhay manga unman may buut makapadamhak sa kanda.

Manugtudlu 3:16

Nakitan diman niku sitay sa kalibutan ti kadautan imaw ti maghari kaysa katadlungan ag pagkamatadlung.

Manugtudlu 8:11

Nu ti tawu nagsalan balaw rargu sinintinsiyahan, ti iba mag-isip diman bumwat kasalanan.

Isayas 1:21

Bantayi niyu ti banwa Hirusalim. Matinupadun inda kaybi, dapat taynguna ga babayi baraydan. Kaybi manga tawu matadlung ti mag-uli sitay, dapat taynguna manga manugmatay-tawu.

Isayas 2:10

Manga taga Israil, pagpalagiw kamu atag sa manga lukib ag manga kali hampay patagu sa pangagalit Panginuun hanggan sa kay kamaskihan.

Isayas 24:5

Ti kalibutan inuringan niya manga nasakupan, dahil balaw nida sinunud ti Kasuguan Diyus hanggan kay manga surundanun. Linabag nida ti unman may katapusan pag taratu Diyus sa kanda.

Isayas 27:13

Nu tumunug ti budyung mabisug, magbinalik sa Hirusalim ti magkakurian pag manga Israilita nabihag Asirya ag Ihiptu. Sambahun nida ti Panginuun sa banal pag bantud Hirusalim.

Isayas 32:6

Dahil kayabangan ti pagbagawun manga luku-luku, ag ti daut niya naisipan maggayak bumuwat kadautan. Magtultul siya kapudilan tungkul sa Panginuun, ag pag-irangan niya ti manga magkalun-us hanggan magkauwaw.

Isayas 32:7

Daut kay manga paraan manugdaya. Pag-ipadamhak niya ti manga pugri sa panab-anan niya kapudilan, una sa udas nida maghagad katadlungan.

Isayas 5:12

May manga patunug waya kamu hanggan manga intus sa kanyu manga karan-an. Dapat balaw niyu pag-intindihun ti pagbuwatun Panginuun.

Hirimyas 2:7

Ati ginan dinara niku sida sa marinu pag daga hampay makakinabang sa abunda pag patubas. Dapat pagka ati yi sida, inuringan nida ti magkaapu niku pag daga bag-u binuwat nida inda mayagting.

Hirimyas 31:23

Magkun ti Panginuun Makamaskihan, ti Diyus Israil, “Nu maibalik yi niku ti nasakupan Huda sa kanda daga ginan sa pagkabihag, kanda maan sabihun, ‘Papaladan mana Panginuun ti banal pag bantud Hirusalim ti pag-ulian niya.’

Husyas 11:7

Sida kang nasakupan nagpasya yi pumakarayu sa kangku. Nakan una waya manawag sida tanan sa kangku, balaw niku awatan.

Husyas 13:6

Dapat pagka pinapaladan niku kamu ag pinaabunda, nagmarapadayaw kamu ag kinalimtan yi niyu aku.

Husyas 9:3

Umighit kamu ginan sa Israil, sa daga Panginuun, ag bumalik kamu sa Ihiptu. Ti iba sa kanyu atabug sa Asirya, mangaun kamu ati manga karan-unun pagbaliwun niyu mag-uring.

Mikas 2:10

Nakan kainda, pag-ighit yi kamu sitay ginan sa Israil dahil inda pag rugar unman yi makapakaun kahusayan sa kanyu. Dahil inuringan niyu inda niyu manga kasalanan. Madaut inda pag banwa ag udyi makinabangan.

Matiyu 4:5

Bag-u tinaban siya diyablu tag sa Hirusalim sa banal pag banwa, ati sa pinakaabwat pag bahagi Balay Diyus.

Diyuturunumiyu 32:15

Nagmaalwan ti manga Israilita dapat naglaban sida. Nagtabul sida ag nagbisug, dapat pinatlikudan nida ti Diyus, ti naglalang sa kanda, ag binugyahan nida ti palalan-iban nida pag batu imaw ti kanda Manugribri.

Ipinakakit 2:21

Pinakan-an niku siya rugar hampay iampu niya kay manga kasalanan, dapat unman may gustu siya magbag-u kay ugali sa magpanguragin.

1 Samwil 15:17

Magkun si Samwil, “Una diit kanmu pamantay sa kam sadili kaybi, pinili di gid kawu Panginuun humari sa tanan linahi Israil.