Isayas 25:1 - Hanunuu

¹ Panginuun, kawu kang Diyus! Dayawun niku kawu ag kilalahun dahil makadululaw kanmu manga binwat. Tinupad nimu kanmu manga gayak ginan waya kaybi pag panahun.

Isayas 25:1 Iomraidhean Croise

Kanta 111:4

Pag-ipaalaala gid niya sa kanta kay makadululaw pag manga binwat. Marapakaun siya ag maawaun;

Kanta 118:28

Panginuun, kawu kang Diyus; magpasalamat aku ag magdayaw sa kanmu.

Kanta 145:1

Dayawun niku kawu, kang Diyus ag Hari. Dayawun niku kawu hanggan aban

Kanta 146:2

Dayawun niku siya sa buu niku buhi. Kantahan niku kang Diyus manga pagdayaw habang aku magkabuhi.

Kanta 31:15

Kang kapaladan asan sa kanmu; ribrihan aku sa kang manga kalaban maglagas sa kangku.

Kanta 40:5

Panginuun niku Diyus, unman may makaparihu sa kanmu. Mayamu pag makadululaw manga bagay ti binwat nimu, ag mayamu kanmu gayak sa kanmi. Balaw niku inda mitultul tanan dahil masyadu mayamu.

Kanta 40:6

Balaw nimu pagkaibgan ti tuhay-tuhay pag kalasi manga handug. Balaw kawu maghagad manga handug pagsunugun hanggan handug sa paglumpiyu. Bagkus ngap, binwat nimu aku matinupadun sa kanmu.

Kanta 46:10

Magkun siya, “Apasi yi niyu ti paggira. Ag kilalan-a niyu aku ti Diyus. Kamu pag manga nasyun sa buu kalibutan dumayaw sa kangku.”

Kanta 75:2

Magkun kawu, “May itinagka aku udas sa pagsintinsiya, ag sumintinsiya aku may katadlungan.

Kanta 78:4

Danga nita inda ipaulam sa kanta manga anak; itultul nita inda sa dumasun pag manga sinulput. Itultul nita sa kanda ti kamaskihan Panginuun hanggan kay kadayawan ag kaladulawan pag manga buwat.

Kanta 89:1

Panginuun, kantahun niku pirmi kanmu daka pag pagmahal. Itultul niku kanmu katapatan hanggan aban.

Kanta 98:1

Manganta kita bag-u pag kanta sa Panginuun, dahil nagbuwat siya makadululaw pag manga bagay! Sa panab-anan niya sadili kamaskihan ag kabisugan tinalu niya kanta manga kalaban.

Kanta 99:5

Dayawa ti Panginuun kanta Diyus. Sambaha siya sa kay Balay. Banal siya!

Pag-ighit 15:2

Ti Panginuun ti magpakaun sa kangku bisug, ag siya kang pagkantahun. Siya ti nagribri sa kangku. Siya kang Diyus, dayawun niku siya. Siya ti Diyus niku ama, pag-ipaabwat niku siya.

Isayas 11:5

Ipalantap niya ti katadlungan hanggan ti katutuuhanan, inda ti pinagka huragkus niya.

Isayas 12:1

Sa ati pag sirang, manganta kamu: “Panginuun, pagdayawun niku kawu. Nagalit kawu sa kangku, dapat unman yi taynguna, ag kainda pagpasulungun yi nimu aku.

Isayas 26:13

Panginuun nimi Diyus, pagdumarahan kami tuhay pag panginuun, dapat kawu lang kanmi pagsambahun.

Isayas 26:8

Panginuun, kanmi sinunud kanmu manga sugu ag nagsarig kami sa kanmu. Hingbut nimi kawu kanmi madayaw.

Isayas 28:29

Inda pag kinaalman ginan sa Panginuun Makamaskihan. Mayad kay manga paanyu, makadululaw kay kinaalman.

Isayas 40:27

Kamu pag nasakupan Israil, linahi ni Hakub, hayga kamu magriklamu kanyu manga gayak ag karampatan binul-an halaga Diyus?

Isayas 46:10

Sa umpisa di waya, sinabi yi niku ti manga mangyari sa aratubangun. Kang manga ibinurayhaw pihu gid matupad, buwatun niku ti tanan niku gustu buwatun.

Isayas 46:11

Manawag aku usa ka tawu ginan sa butlakan sa arayu pag rugar, siya ti bumuwat kang manga gayak. Maipaparihu niku siya sa usa ka manuk manugdagit. Buwatun niku kang manga pagsabihun hanggan kang ginayak.

Isayas 49:4

Dapat magkun aku, “Kang kakurian unman may pulus; inuyang niku kang kabisugan sa ud may pulus.” Dapat iinintirga niku inda sa Panginuun niku Diyus. Siya ti mamakaun pirimyu sa kang manga binwat.

Isayas 49:5

Ti Panginuun ti nagpili sa kangku hampay manugsirbi niya, hampay pabalikun sa kanya ag tipunun ti manga Israilita. Kinilala aku Panginuun niku Diyus ag pinakan-an kabisugan.

Isayas 61:10

Magbaya aku sa kang Panginuun Diyus, dahil aku ga kay pinasulungan karibrihan hanggan kapanaluhan. Parihu aku sa lalaki ikasal may sulung rutay marinu panmanughandug, ngatay parihu sa babayi ikasal may pamarinu.

Isayas 7:13

Magkun si Isayas: Pagpatingi kamu manga linahi ni Dabid. Udwaya aw lugud kang-ud kanyu mag-alukayu sa manga tawu? Taynguna, kang Diyus aw maan ti kanyu pag-alukayuhun?

Huwil 2:26

Abunda kamu kainda sa karan-unun ag pihu gid mabsug kamu. Nu katida, dayawun niyu aku kanyu Diyus, ti nagbuwat manga makadululaw para sa kanyu. Kamu kang nasakupan balaw yi gid mangay-a hanggan aban.

Bilang 23:19

Ti Diyus balaw tawu magpudil ngatay magkauman kay naisipan. Magbagaw aw siya balaw niya pagbuwatun? Magtaratu aw siya unman niya pagtupadun?

Ipisu 1:11

Dahil sa kan Kiristu, kami ti pinili Diyus ag ibinukud hampay kanya. Diyus ti nagbuwat tanan bagay angay sa kay turunu niya kagustuhan. Kainda kay turunu niya gayak,

Ipinakakit 15:3

Bag-u kinanta nida ti kanta ni Muysis kay suruguun Diyus hanggan ti kanta Anak Karanidu magkun, “Kawu ti Panginuun Diyus ti makamaskihan sa tanan. Makapangyarihan ag makadululaw kanmu manga buwat. Kawu ti Hari manga nasyun tawu. Matadlung ag tutuu ti turunu nimu manga buwat.

Ipinakakit 19:11

Bag-u nakitan niku ti langit mabukasan ag may kabayu malagti. Ti masakyan siti pag kabayu imaw ti pag-ingarnan Masarigan, hanggan Tutuu, dahil matadlung siya nu magsintinsiya hanggan kay maggira.

Ipinakakit 7:12

Magkun sida, “Amin, sa kanta Diyus ti kapurihan, ti kadayawan, ti kadunungan, ti pasalamat, ti paggalang, ti kamaskihan, ti kabisugan hanggan waya aban. Amin.”