Isayas 24:6 - Hanunuu

⁶ Nakan sinaadan Diyus ti kalibutan, nakan may saragtun ti manga nasakupan dahil sa kanda manga kasalanan. Sunugun sida ag pira-pira wadi ti masawad.

Isayas 24:6 Iomraidhean Croise

2 Hari 24:12

Sinmuku sa kanya si Hari Hihuyakin, kaibahan kay ina, ag kay manga suruguun, ag kay bantug pag manga tawu, hanggan kay manga takinan. Pagka sa ikawalu pag timpu kay maghari ni Nabukudunusur sa Babilunya, binihag niya si Hihuyakin.

2 Hari 25:12

Dapat pinabay-anan niya ti iba ka pinakapugri pag manga tawu agud mangalaga ubasan hanggan tanman.

Isayas 1:31

Ti manga may kapangyarihan sa kanyu bumaliw parihu sa layung kayu madali pag maktan, ag ti daut nida buwat bumaliw ga sikrab apuy umirub sa kanda. Unman may makapsa sa tunda pag apuy.

Isayas 1:9

Nu ti Panginuun Makamaskihan balaw lang nagsawad una di pira sa kanta, parihu yi kita sa Suduma ag Gumura.

Isayas 34:5

Pagka natapus gamitun Panginuun kay baladaw sa langit, mitama maan inda sa Idum hampay parusahan ag rurisun.

Isayas 43:28

Nakan ipinauli niku sa kakay-ahan kanmu manga manughandug, ag kawu Israil ipinabahala niku sa kadamhakan hanggan sa kakay-ahan.”

Isayas 5:24

Nakan miparihu kamu sa dayami ngatay sa layung ilamnun mairub apuy. Miparihu diman kamu sa tanum kay manga gamut magkaluu ngatay busang pag-ipayag durus ga taypuk, dahil ipinurya niyu ti Kasuguan Panginuun Makamaskihan, ti Banal pag Diyus Israil.

Isayas 9:19

Dahil sa pangagalit Panginuun Makamaskihan, magkarairub kanda daga, ag bumaliw sida ga pamagba kan-un apuy. Dayu nida kaawaan una kanda kaparihu Israilita.

Hirimyas 12:4

Kapira duy nguna tugka ti pagkauga daga ag pagkarubay manga ilamnun? Magkaramatay yi duy ti manga hayup hanggan manga manuk dahil sa kadautan manga tawu mag-uli sa inda pag daga. Pagsabihun waya nida, “Unman may labut ti Diyus sa kanta malakawan.”

Hirimyas 5:14

Nakan inda ti pagsabihun sa kangku Panginuun Diyus Makamaskihan: “Dahil katida ti sinabi tunda pag manga tawu, pakan-an niku kawu padakit parihu sa apuy umirub sa kanda ag bumaliw sida ga kayu magkasunug.”

Isikil 5:3

Dapat pagsawad kawu ka pira lang pag buhuk ag saputa inda sa kanmu rutay.

Libitiku 26:22

Padaran-an niku kamu manga maisug pag manga hayup bag-u matyun nida kanyu manga anak hanggan manga hayup, ag dahil siyun pira wadi ti masawad sa kanyu ga udyi may maglakaw sa kanyu manga dalan.

Malakyas 3:9

Imaw tunda nu hayga pagsaadan niku kanyu buu nasyun.

Malakyas 4:1

Magkun ti Panginuun Makamaskihan, “Pihu gid rumas-ug ti sirang kaparusahan. Bumaliw inda ga maglabdaban pugun. Parusahan niku ti tanan mayabang hanggan magbuwat daut parihu sa magtutud dayami. Bumaliw sida ga tinutdan kayu unman gid may nasawad una di sanga hanggan gamut.

Malakyas 4:6

Ibalik niya ti mayad pag pagkarausa manga gurang ag manga anak, hampay sa pagras-ug niku balaw niku saadan kanyu daga.”

Matiyu 27:25

Sinmabi di gid maan ti manga tawu, “Saragtun nimi hanggan nimi manga anak kay kamatayan niya.”

Matiyu 7:14

Dapat diit lang ti sabian ag makuri pag dalan tabug sa buhi, balaw mayamu pag tawu ti maglakaw siti pag dalan.”

Ruma 9:27

Ainalsa kay busis ni purupita Isayas kay nagtultul tungkul sa taga Israil magkun, “Una ga baras dagat kay kayamu ti manga linahi ni Israil, pira-pira lang sa kanda ti maribri.

Diyuturunumiyu 28:62

Una parihu kamu ga pamgasan sa langit kay kayamu, pira lang ti masawad sa kanyu dahil unman kamu nagtupad sa Panginuun niyu Diyus.

Diyuturunumiyu 4:27

Panwayakun kamu Panginuun tabug sa iba manga nasyun, ag pira wadi ti masawad sa kanyu ati sa manga nasyun nu naan kamu pag ipinauli Panginuun.

2 Pidru 3:10

Rumas-ug ti kaudasan Panginuun parihu sa mananakaw. Sa tunda pag udas madnugan ti matnug gid pag tunug ag madura ti manga langit. Mairub ti init, ti bulan, hanggan ti manga pamgasan. Ti daga hanggan ti tanan bagay sa babaw daga madura diman.