Isayas 24:5 - Hanunuu

⁵ Ti kalibutan inuringan niya manga nasakupan, dahil balaw nida sinunud ti Kasuguan Diyus hanggan kay manga surundanun. Linabag nida ti unman may katapusan pag taratu Diyus sa kanda.

Isayas 24:5 Iomraidhean Croise

2 Samwil 23:5

Katunda ngani kang linahi sa magbantay Diyus, ag nagbuwat siya kasunduan unman may katapusan sa kangku. Inda pag kasunduan mayad ag malinaw, unman inda mauman. Nakan pihu aku pirmi di iribri Diyus ag ipakaun niya sa kangku ti tanan niku pagkaibgan.

2 Hari 21:12

Nakan aku, ti Panginuun Diyus Israil, mamadara kadamhakan sa Hirusalim ag Huda, ti kada makadnug inda dalaun gid.

2 Hari 21:15

Mangyari inda sa kanda dahil daut kanda binuwat sa kang magbantay ag paggalitun nida aku, ginan waya sa pagpalwas sa kanda manga ginurang sa Ihiptu hanggan taynguna.”

2 Krunika 33:9

Dapat ginarya ni Manasis ti manga nasakupan Huda ag Hirusalim sa pagbuwat daut, ag ti binwat nida mas subra waya sa binwat manga nasyun ipinaruris Panginuun sa manga Israilita.

Kanta 105:10

Ipinarargu niya inda pag kasunduan sa kan Hakub, pag ingarnan diman Israil, ag pumarargu inda pag kasunduan tugka aban.

Kanta 55:5

Pagtakigan aku sa kadalaan, sa masyadu gid pag kadalaan.

Isayas 10:6

Suguun niku sida giraha ti nasyun balaw maka-diyus hanggan ti kang pagkagalitan, hampay wayakun ag tatatataan ga lutuk sa baklayan, ag bul-un ti tanan nida kasiyunan.”

Isayas 30:9

Dahil manga manuglaban sida, pudilun, ag dayu mamatingi sa manga adal niku.

Isayas 33:8

Udyi may maglawuy ngatay maglakaw sa baklayan. Paglabagun yi ti kasunduan balaw yi pagpahalgaan ti manga kastigus. Udyi may tawu pag-igalang.

Isayas 50:1

Magkun ti Panginuun sa kay manga nasakupan, “Ipinurya aw lugud niku ti Hirusalim parihu sa usa ka lalaki nanayak sa kay asawa? Puruybahan niyu! Ipinabihag yi aw niku kamu parihu sa usa ka tawu ipinabili kay manga anak sa kay inutangan hampay buwatun suruguun bayad sa kay utang? Unman gid! Ipinabili kamu dahil sa kanyu kasalanan. Dinayu ti Hirusalim dahil sa kanyu paglapastangan.

Isayas 9:17

Nakan balaw magbaya ti Panginuun sa manga kalay-awan nida lalaki, ag balaw niya pagkaawaan ti manga ilu ag manga buranday nida. Dahil daut ti tanan ag balaw maka-diyus; makakaray-a ti tanan pagsabihun nida. Nakan balaw gid madura ti pangagalit Panginuun, alistu di gid siya pumarusa sa kanda.

Hirimyas 11:10

Hinuwad nida ti manga binwat kasalanan nida manga ginurang balaw gid nagpaniwala sa kang manga bagaw. Nagsamba diman sida sa manga diyus-diyusan. Ti nasakupan Israil hanggan Huda parihu naglabag sa binwat niku kasunduan sa kanda manga ginurang.

Hirimyas 50:5

Mamaingana sida sa dalan atabug sa Hirusalim ag umati sida. Mamuwat sida unman may katapusan pag kasunduan sa kangku, ag unman yi gid nida inda kalimtan.

Isikil 16:59

Inda waya gid ti pagsabihun Panginuun Diyus: “Parusahan niku kawu nu hintay ti dapat sa kanmu, dahil binul-an nimu halaga kang taratu sa panab-anan paglabag sa kanta kasunduan.

Isikil 20:13

“ ‘Dapat naglaban di maan sida sa kangku ati sa pangawakawaan. Unman nida sinunud kang manga sugu hanggan manga surundanun, nu tupadun mana nida mangabuhi sida. Unman gid nida pinahalgaan ti manga Sirang Pamahari kang ipinatupad sa kanda. Nakan magkun aku ipaagum niku sa kanda kang pangagalit hampay midamhak sida lubus ati sa pangawakawaan.

Isikil 20:24

dahil unman nida sinunud kang manga sugu hanggan manga surundanun, ag unman nida pinahalgaan ti manga Sirang Pamahari kang ipinatupad sa kanda. Ipinalabi waya nida ti pagsamba sa manga diyus-diyusan nida manga ginurang.

Isikil 37:26

Mamuwat aku usa ka kasunduan sa kanda kuntay bumaliw mayad kanda kahamtangan ag inda pag kasunduan pumarargu tugka aban. Pauliun niku sida sa kanda daga ag payamuun niku sida, bag-u ipatindug niku kang Balay Diyus sa kanda karaw-an sa unman may katapusan.

Danyil 7:25

Bumagaw siya manga bagaw laban sa Kaabwat-abwatan pag Diyus, ag unu-unuhun niya ti manga pinili Diyus hampay maging banal. Pilitun niya bag-uhun ti manga pista ag kasuguan. Ag ipasirung sa kanya ti manga pinili Diyus hampay maging banal, sa sulud tulu ka timpu may tunga.

Danyil 9:10

Unman kami nagsunud sa kanmu dahil balaw nimi sinunud ti ipinakaun nimu pag manga sugu sa kanmi sa panab-anan nimu manga manugsirbi pag manga purupita.

Danyil 9:5

Nagkasala kami sa kanmu. Nagbuwat kami manga kadautan ag ipinasipala nimi kanmu manga sugu hanggan surundanun.

Husyas 6:7

Parihu sa kan Adam, dinaut niyu ti kasunduan niku sa kanyu. Nagpudil kamu sa kangku asan sa kanyu rugar.

Libitiku 20:22

Tupada niyu ti tanan niku manga surundanun hanggan manga sugu hampay dayu kamu mapaighit sa daga inalistu niku sa kanyu imaw kanyu ulian.

Mikas 2:10

Nakan kainda, pag-ighit yi kamu sitay ginan sa Israil dahil inda pag rugar unman yi makapakaun kahusayan sa kanyu. Dahil inuringan niyu inda niyu manga kasalanan. Madaut inda pag banwa ag udyi makinabangan.

Lukas 1:6

Sida mag-asawa magkabuhi matadlung sa atubangan Diyus Panginuun. Pagsundun gid nida ti tanan niya manga sugu.

Diyuturunumiyu 32:15

Nagmaalwan ti manga Israilita dapat naglaban sida. Nagtabul sida ag nagbisug, dapat pinatlikudan nida ti Diyus, ti naglalang sa kanda, ag binugyahan nida ti palalan-iban nida pag batu imaw ti kanda Manugribri.

Diyuturunumiyu 32:20

Nagbagaw siya, “Patlikudan niku sida, ag bantayan niku nu hintay gid abi kanda patabgan, dahil daut sida pag sinulput-lahi, manga anak balaw matinupadun.

Hibriyu 13:20

Diyus ti gimpuunan kahusayan. Binuhi niya uman kanta Panginuun Hisus. Nakan si Hisus ti makamaskihan pag manug-alaga sa manga karanidu. Dahil sa kanya pag dugu pag itinalaghut ti unman may katapusan pag taratu.

Hibriyu 9:1

Ti un-an pag taratu may bilin diman waydi tungkul sa pagsamba sa Diyus hanggan tungkul sa balay sambahan sitay sa babaw daga.

Huswi 23:16

Tutuu, mangyari inda sa kanyu nu lumabag kamu sa kasunduan Panginuun niyu Diyus isinugu niya tupadun niyu, ag nu mansamba kamu ag sumirbi sa iba pag manga diyus. Ipadara gid niya sa kanyu kay pangagalit ag rargu kamu midamhak sa siyun pag marinu daga ipinakaun niya sa kanyu.”

Huswi 24:25

Sa tunda pag sirang nagbuwat si Huswi kasunduan sa manga tawu ati sa Sikim, ag ipinakaun niya sa kanda ti manga kasuguan hanggan ti manga surundanun.