Isayas 24:19 - Hanunuu

¹⁹ Gumitlak ti kalibutan ag mabka.

Isayas 24:19 Iomraidhean Croise

Kanta 75:3

Nu matandug ti kalibutan ag takigan sa dala ti manga mag-uli siyun, aku ti manparig-un sa kay patakinan kalibutan.

Isayas 13:13

Tandugun niku ti langit hanggan ti kalibutan. Aku, ti Panginuun Makamaskihan, buwatun niku inda sa sirang ipakakit niku kang masyadu pag pangagalit.”

Isayas 2:19

Malagiw ti manga tawu atabug sa manga lukib sa dirigun hanggan sa manga ukang daga, hampay patagu sa pangagalit Panginuun hanggan sa kay kamaskihan nu tandugun yi niya ti kalibutan.

Nahum 1:5

Sa kay atubangan magkahalu ti kalibutan, hanggan ti manga bantud, una ti manga tawu sa kalibutan pagtakigan.

Habakuk 3:6

Nu magtindug kawu magkahalu ti kalibutan, ag nu magbantay kawu pagtakigan sa dala ti manga nasakupan ag magkarup-ag ti dugay yi pag manga bantud. Kanmu manga palakaw pumarargu sa ud may katapusan.

Bilang 16:31

Pagkatapus bagaw ni Muysis, nabka ti pagtindugan nida ni Datan ag ni Abiram pag daga,

Bilang 16:32

hinalun sida daga hanggan kanda magtal-anakan, hanggan ti tanan tagasunud ni Kura ag ti tanan nida kasiyunan.

Matiyu 24:3

Si Hisus ati sa bantud manga Ulibu. Sa kay matukawan siyun pagka unman may nakadnug iba, pinaingana siya niya manga tuludluan magkun, “Pagtultul duy kawu sa kanmi nu kapira nguna tunda pag mangyari. Hintay kay tanda aban nu arani yi kanmu pagbalik hanggan kay katapusan kalibutan?”

Diyuturunumiyu 11:6

ag nu hintay kay binuwat sa kanda ni Datan ag ni Abiram, kay manga anak ni Ilyab kan Rubin pag lahi. Hinalun sida gil-ang daga, hanggan kanda magtal-anakan, una kanda manga turda, hanggan ti tanan kaibahan nida. Nangyari inda sa atubangan tanan Israilita.

2 Pidru 3:10

Rumas-ug ti kaudasan Panginuun parihu sa mananakaw. Sa tunda pag udas madnugan ti matnug gid pag tunug ag madura ti manga langit. Mairub ti init, ti bulan, hanggan ti manga pamgasan. Ti daga hanggan ti tanan bagay sa babaw daga madura diman.

2 Pidru 3:12

hanggan sa pag-alagdun waya niyu ti kaudasan Diyus kanyu pagpatigagadun. Sa ati katpung aban pag kaudasan mairub ti manga langit ag madura inda; mangatunaw diman ti tanan bagay sitay sa babaw daga sa masyadu gid pagka init.

Ipinakakit 20:11

Bag-u nakitan niku ti laun pag malagti pag tukawan hari hanggan ti matukawan siti. Naparaw sa kay atubangan ti daga hanggan langit, udyi maan nakitan uman.