Isayas 24:18 - Hanunuu

¹⁸ Ti lumayas dahil sa kadalaan malagpak sa kali, ag masduk ti manga lumuwang siyun. Umuran mabaskug ag matandug kay paratukawan kalibutan.

Isayas 24:18 Iomraidhean Croise

Gimpuunan 19:24

Kadaka pinauranan Panginuun maglabdaban asupri ti Suduma ag Gumura.

Gimpuunan 7:11

Ati katpung si Nuwi unum ka gatus ka timpu yi kay idad. Katpung sampulu may pitu pag sirang sa ikadwa pag bulan, inmuran ngani mabaskug ga nabukasan ti manga gaha langit, ag linmapaw ti tanan bulbugan.

2 Hari 7:2

Magkun ti pagpiyaran hari pag takinan, “Una waya bukasan Panginuun ti manga gaha sa langit, unman yi gid mangyari inda.” Sinmagut si Ilisyu, “Makitan nimu mangyari gid inda, dapat unman kawu makakaun tunda.”

Hub 20:24

Mahimu makapalagiw siya sa baul pag armas, matuhug diman siya galang pag ugyung.

Kanta 18:15

Sa kanmu pagtamyaw ag masyadu pag pangagalit, namara ti dagat, ag linmutaw ti daga, ag niburayhaw diman ti patakinan kalibutan.

Kanta 18:7

Bag-u naglinug, hanggan ti manga patakinan manga bantud nahalu, dahil nagalit kawu, Panginuun.

Kanta 18:8

Linmuwang ti anus sa kanmu irung, sa kanmu bibig linmuwang ti madala pag apuy ag maglabdaban pag manga baga.

Manugtudlu 9:12

Balaw lang inda, nu unman niya alam nu kapira pag rumas-ug kay kaudasan. Parihu siya sa manuk nasduk ngatay sa isda nasarap; magkatakdan siya balaw mayad pag udas ag kadaka lang magras-ug sa kanya.

Isayas 13:13

Tandugun niku ti langit hanggan ti kalibutan. Aku, ti Panginuun Makamaskihan, buwatun niku inda sa sirang ipakakit niku kang masyadu pag pangagalit.”

Isayas 2:19

Malagiw ti manga tawu atabug sa manga lukib sa dirigun hanggan sa manga ukang daga, hampay patagu sa pangagalit Panginuun hanggan sa kay kamaskihan nu tandugun yi niya ti kalibutan.

Isayas 2:21

Malagiw ngani sida atabug sa manga lukib sa dirigun hanggan sa daraka batu hampay patagu sa pangagalit Panginuun hanggan sa kay kamaskihan nu tandugun yi niya ti kalibutan.

Isayas 42:22

Dapat taynguna kay manga nasakupan tinakawan, inagawan kasiyunan, ilinagpak sa kali ngatay ipinaslud sa pirisuhan, ag ud may nanribri sa kanda.

Isayas 8:14

Aku ti kanyu palalan-iban. Dapat sa manga taga Israil ag taga Huda, parihu aku sa usa ka batu karadayaanan makapatalakpa sa kanda. Ag para sa manga taga Hirusalim, parihu aku sa usa ka suduk.

Hirimyas 48:43

Ti ras-ugan manga taga Muab ay dala, kali ag dit-ag.

Hirimyas 48:44

“Una si unu ti malagiw dahil sa dala malagpak sa kali. Ag una si unu ti makaribri sakali mablay sa dit-ag makasulun sa padaya, dahil parusahan gid ungud niku ti Muab sa nakatagka pag udas. Aku, ti Panginuun, ti magsabi inda.

Karukuan 3:47

Nag-agwanta kami sa kadalaan, kadilikaduhan, kadautan, ag kadamhakan.”

Isikil 11:8

Magkadala kamu sa gira, dapat ipagira niku kamu sa kanyu kalaban. Aku, ti Panginuun Diyus, ti magsabi inda.

Isikil 12:13

Sudkun niku siya parihu sa hayup ag darahun sa Babilunya sa daga manga Kaldiyu. Dapat balaw niya inda makitan, ag mamatay siya ati.

Isikil 15:7

Hu, parusahan gid niku sida, ag una makapalagiw sida sa usa ka apuy, sunugun di maan sida tuhay pag apuy. Bag-u maalaman nida aku ti Panginuun.

Amus 5:18

Kaawaawa kamu ti magpatigagad sa kasirangan Panginuun. Danga kamu mag-isip kuntay kanyu karibrihan tunda pag sirang, dahil parusahan ngap kamu.

Amus 5:19

Parihu kamu sa usa ka tawu mag-isip ribri yi siya dahil nakapalagiw siya sa liyun, dapat nasulang ngap niya ti usu. Ngatay mag-isip siya unman yi may mangunu sa kanya dahil ati yi siya sa sulud niya balay, dapat pagka iwinaklay niya kay kamang sa lingub kinagat ngap ulay kay kamang.