Isayas 24:16 - Hanunuu

¹⁶ Madnugan ti karantahan una naan katpung sa kalibutan, “Dayawun ti matadlung pag Diyus.” Dapat kaawaawa aku. Magpanlumuy aku! Dahil parargu ti magpandaya manga tawu maradaya.

Isayas 24:16 Iomraidhean Croise

Kanta 106:15

Nakan ipinakaun niya sa kanda ti kanda paghagadun, dapat pinadaran-an waydi niya sida sakit imaw ti nagpalumuy sa kanda.

Kanta 119:158

Pagkadat-an niku ti manga balaw matinupadun sa kanmu, dahil balaw nida pagsundun kanmu bagaw.

Kanta 2:8

Hagada nimu sa kangku ti manga nasyun tugka sa pinakaarayu pag bahagi kalibutan, ag tupadun niku inda ipakaun sa kanmu.

Kanta 58:10

Makabaya ti manga matadlung nu makitan yi nida pag balusan Diyus ti manga daut, ag nagbulus yi kanda dugu.

Kanta 65:8

Magkadala sa kanmu ti manga tawu una ti mag-uli sa arayu pag rugar dahil sa kanmu makadululaw pag manga buwat. Kanmu binuwat makapahuyaw sa kabayaan manga tawu sa buu kalibutan.

Kanta 98:3

Balaw niya kinalimtan kay pagmahal ag pagkamatinupadun sa kanta, sa nasakupan Israil. Nakitan tanan tawu sa buu kalibutan nu kabitay kita ipinanalu nita Diyus.

Pag-ighit 15:11

Panginuun, si unu waya pag diyus ti parihu sa kanmu? Unman kawu may kaparihu sa kabanalan ag kamaskihan. Kawu lang ti Diyus ti magbuwat makadululaw pag bagay!

Isayas 10:16

Nakan mamadara sakit ti Makamaskihan Panginuun, imaw ti pumalumuy sa makurasug pag sundalu Asirya. Irubun Panginuun ti manga kayamanan niya sa maglabdaban pag apuy.

Isayas 11:12

Ipaabwat Panginuun ti usa ka bandira hampay ipakakit sa manga nasyun pagtipunun yi niya ti nasakupan Israil hanggan Huda ginan sa tuhay-tuhay pag rugar sa buu kalibutan.

Isayas 17:4

“Pagras-ug ati pag sirang, madura yi ti kapangyarihan Israil, ag kay manga kayamanan matulsan kakurian.

Isayas 21:2

Nakitan niku ti usa ka madala pag pangakakitun tungkul sa pagkamaradaya ag kadamhakan. Kamu manga taga Ilam ag taga Midya, sangputa niyu ti Babilunya ag giraha. Tapusun yi Diyus kay magpakuri sa iba pag manga nasyun.

Isayas 26:15

Panginuun pinadaka nimu kanmi nasyun. Pinaluang nimu kanmi tab-anan, ag inda ti nakapakaun kagalangan sa kanmu.

Isayas 28:5

Sa ati pag sirang, ti Panginuun Makamaskihan bumaliw parihu sa marinu pag sangbaw busang kayu para sa kay manga nasawad niya pag manga nasakupan.

Isayas 33:1

Kaawaawa kamu pag manga manugwayak udwaya nakalakaw pagkawayak. Kaawaawa kamu pag manga madaya, udwaya nakalakaw dinaya. Nu tapus yi kanyu magpanwayak hanggan magpandaya, kamu waydi ti wayakun ag dayaun.

Isayas 42:10

Pagkanta kamu manga bag-u pag kanta sa Panginuun! Pagkanta kamu manga pagdayaw sa kanya, una kamu ti asan sa pinakaarayu pag bahagi kalibutan. Dayawun niyu siya, kamu pag manga magpanakayan hanggan kamu tanan pag manga linalang sa dagat, ag kamu pag manga mag-uli sa ararayu pag rugar.

Isayas 48:8

Balaw niyu napatingihan ngatay naintindihan inda pag manga bagay dahil ginan waya kaybi magpabungul-bungul yi kamu. Alam niku kanyu kapudilan, dahil ginan di waya sa kanyu pagkalusad maglaban yi kamu.

Isayas 52:10

Ipakakit Panginuun ti bukud tangi niya pag kamaskihan sa tanan nasyun, ag makitan buu kalibutan ti pagribri nita Diyus.

Isayas 6:5

Magkun aku, “Kaawaawa aku! Pihu gid midamhak aku, dahil makasalanan kang bibig ag mag-ulian aku minsan sa manga tawu makasalanan diman kay bibig. Kainda nakitan niku ti Hari, ti Panginuun Makamaskihan.”

Isayas 60:21

Ti tanan nimu nasakupan bumaliw matadlung, ag sida yi ti umapu daga Israil hanggan aban. Binwat niku sida ga halaman kang itinanum para sa kang kadayawan.

Hirimyas 12:1

Panginuun nu aku magriklamu sa kanmu pirmi duy matadlung kanmu sagut. Dapat aku taynguna may manga ipaingana duy tungkul sa kanmu katadlungan: Hayga duy ti daut pag tawu mag-abunda? Hayga ti manga tawu madaya sa kanmu may kahusayan kay buhi?

Hirimyas 12:6

Una kanmu manga patar-ari hanggan katawuhan nagdaya sa kanmu. Maggayak daut sida laban sa kanmu. Danga kawu magpaniwala sa kanda una mayad kanda pagsabihun.

Hirimyas 3:20

Dapat kamu nasakupan Israil nandaya sa kangku, parihu sa babayi nandaya sa kay asawa. Aku, ti Panginuun, ti magsabi inda.

Hirimyas 5:11

Ti nasakupan Israil hanggan Huda balaw yi gid matinupadun sa kangku. Aku, ti Panginuun, ti magsabi inda.

Karukuan 1:2

Parihu siya sa babayi magpakalumi buu yabi; kay manga luwa magbulus sa kay uyahun. Unman gid una di usa sa kay manga aguman lalaki ti nagpasulung sa kanya. Dinaya siya niya tanan kakilala ag nagbaliw kalaban niya sida.

Husyas 5:7

Pinudilan niyu aku dahil kanyu manga anak, anak niyu sa luwas. Nakan taynguna, rurisun niku kamu hanggan kanyu manga daga sa sulud usa lang ka bulan.

Husyas 6:7

Parihu sa kan Adam, dinaut niyu ti kasunduan niku sa kanyu. Nagpudil kamu sa kangku asan sa kanyu rugar.

Libitiku 26:39

Ag ti masawad sa kanyu amat-amat mamatay dahil sa kanyu manga kasalanan hanggan sa manga kasalanan niyu manga ginurang.

Mikas 5:4

Dumarahan niya ti nasakupan Israil sa panab-anan kabisugan ag kamaskihan Panginuun. Parihu siya sa usa ka manug-alaga karanidu. Nakan mangabuhi sida may kahusayan dahil galangun manga tawu sa buu kalibutan kay kapangyarihan.

Habakuk 1:13

Dahil matadlung kawu, unman kawu makaagwanta bumantay sa kadautan ag kaguluhan. Dapat hayga pinabay-anan lang nimu ti manga maradaya pag taga Babilunya? Hayga nimu pagpahintulutan pakurianan ti manga tawu balaw ga kanda kay ka daut?

Habakuk 1:3

Hayga duy pag-ipakakit nimu sa kangku inda pag kadautan ag kaguluhan? Una naan mag-akitan niku ti magmaratyan, magpuruyaan, mag-arawayan ag mag-aratwan.

Markus 13:27

Nu sumitay siya, suguun niya kay manga anghil hampay kanda tipunun ti manga pinili Diyus ginan sa upat ka puun durus, ginan sa bilug kalibutan.”

Binwat 13:47

Dahil kainda kay isinugu Panginuun sa kanmi magkun, ‘Ipinakana niku kawu ga sulu sa manga balaw Hudiyu hampay ibarita nimu ti karibrihan sa tanan tawu sa bilug kalibutan.’”

Ipinakakit 15:3

Bag-u kinanta nida ti kanta ni Muysis kay suruguun Diyus hanggan ti kanta Anak Karanidu magkun, “Kawu ti Panginuun Diyus ti makamaskihan sa tanan. Makapangyarihan ag makadululaw kanmu manga buwat. Kawu ti Hari manga nasyun tawu. Matadlung ag tutuu ti turunu nimu manga buwat.