Isayas 24:13 - Hanunuu

¹³ Pira-pira wadi ti masawad tawu sa tanan nasyun sa kalibutan, parihu sa ulibu ngatay ubas pagkalawuy tigpuruti.

Isayas 24:13 Iomraidhean Croise

Isayas 1:9

Nu ti Panginuun Makamaskihan balaw lang nagsawad una di pira sa kanta, parihu yi kita sa Suduma ag Gumura.

Isayas 17:4

“Pagras-ug ati pag sirang, madura yi ti kapangyarihan Israil, ag kay manga kayamanan matulsan kakurian.

Isayas 27:12

Sa ati pag sirang, panipunun tig-usa-usa Panginuun ti manga Israilita ginan sa Sapa Iyupratis tugka sa bululusan danum Ihiptu ga magtipun manga butir sa girik-an.

Isayas 6:13

Una matayak waya ti ikasampulu pag bahagi manga Israilita sa daga Israil, ipadamhak diman niku sida. Parihu sida sa tuud puun insina pinlud. Dapat may pinili aku masawad sa kanda, ti marinu pag salingsing.”

Hirimyas 44:28

Nu may imaw man masawad sa girahan ag makabalik sa Huda, pira-pira lang. Dahil sitay, maalaman manga nasawad mag-ulian taynguna sitay sa Ihiptu nu kantapu pag bagaw ti masunud — sa kanda aw ngatay sa kangku.

Isikil 7:16

Ti manga makaribri sa kamatayan ag makapalagiw tabug sa manga bantud manlumi ga uni manga kalampati, dahil sa kanda manga kasalanan.

Libitiku 19:9

Nu mag-ani kamu danga niyu pagtabuha ti manga sa saruy niyu tanman, ag danga yi niyu pagsagrawa kanyu nag-anihan.

Mikas 2:12

Magkun ti Panginuun, “Kamu pag manga nasawad nasakupan Israil ag Huda, tipunun gid niku kamu ga manga karanidu sa tudiran aw ngatay ga kaban hayup sa labuan. Mapunu manga tawu kanyu kadagaan.

Mikas 7:1

Magkun si Mikas, “Kaawaawa aku! Ga tawu aku magkalun-us maghanap manga nasawad burak ubas ngatay igus dapat ay unman aku may nakitan una di usa.

Matiyu 24:22

Nu unman padag-udun di Diyus aban tunda pag udas kakurian, unman may tawu maribri. Dapat dahil ngani sa kay manga pinili, padag-udun Diyus tunda pag udas kakurian.

Ipinakakit 3:4

Dapat una katida, may imaw waya pira ka tawu asan sa Sardis manga maaman, malumpiyu di kanda rutay, nakan sida aban pirmi kaibahan niku may sulung rutay malagti, dahil sida ti may karampatan.