Isayas 24:10 - Hanunuu

¹⁰ Mawayak ti banwa ag udyi mapakinabangan. Talakpan ti manga sabian kada balay hampay balaw may makasulud.

Isayas 24:10 Iomraidhean Croise

Gimpuunan 11:9

Inda pag banwa iningarnan Babil dahil ati ginan pag tinuhay-tuhay Panginuun ti pamagaw manga tawu, ag ati ginan pag ikinalat niya sida sa buu kalibutan.

2 Hari 25:4

Taynguna, tinumpag manga taga Babilunya ti usa ka bahagi alad batu banwa, nakan naggayak si Sidikyas hanggan ti tanan niya manga sundalu agud malagiw. Dapat dahil pinalibutan manga taga Babilunya ti banwa, mag-alagad dapu sida tugka yumabi. Bag-u naglakaw sida sa sabian, sa karaw-an duwa ka alad batu arani sa gardin hari. Nagpalagiw sida atag sa Karatagan Hurdan,

Isayas 23:1

Inda pagsabihun tungkul sa Tiru: Paglumi kamu manga tawuhan barku Tarsis. Dahil nawayak yi kanyu duungan sa Tiru. Itinultul yi tunda sa kanyu manga ginan sa Sipru.

Isayas 24:12

Ti banwa madaut yi lang gid, hanggan kay manga sabian.

Isayas 25:2

Winayak nimu ti manga banwa taga iba nasyun hanggan ti may manga alad batu. Winayak diman nimu ti manga mapag-un pag bahagi nida banwa, udyi nida maipatindug utru.

Isayas 26:5

Sa ungud, pag-ipakababa niya ti manga marapadayaw. Pagrup-agun niya kanda manga banwa tugka sa marunut sa daga.

Isayas 27:10

Nawayak yi ti inaladan batu pag banwa. Ga pangawakawaan yi inda. Nagbaliw pasturan wadi inda ag paraharyan manga baka. Tinabu hinarab manga baka ti manga labung sa manga sanga.

Isayas 32:14

Ti mayamu tawu pag banwa hanggan ti marig-un pag bahagi inda balaw yi maulianan. Ti tagudtud hanggan ti barantayan pag bantayaw bumaliw ga pangawakawaan tugka aban. Inda bumaliw ulian manga talun asnu ag pasturan manga karanidu.

Isayas 32:19

Una madaut ti kapuruan hanggan ti manga banwa dahil sa mag-uran yilu ga manga batu,

Isayas 34:11

Bumaliw ulian inda manga bukaw ag manga uwak. Ginayak yi inda Panginuun ipalakaw sa inda pag daga ti kaguluhan ag kadamhakan.

Hirimyas 39:4

Pagka nakitan sida ni Hari Sidikyas hanggan niya tanan sundalu, nalagiw sida pagka rinmas-ug ti yabi. Ati sida pag linmakaw sa halamanan hari, sa puwirtahan sa tab-anan duwa ka alad batu, ag nag-atag sida sa Karatagan Hurdan.

Hirimyas 39:8

Sa Hirusalim waydi, inirub manga taga Babilunya ti manga balay hanggan ti balay hari, ag winayak nida ti manga alad batu.

Hirimyas 52:7

Winayak yi manga taga Babilunya ti usa ka bahagi alad batu banwa, nakan ginayak ni Sidikyas kuntay lumayas kaibahan kay buu gurupu. Dapat dahil sa pinalibutan yi sida manga taga Babilunya, nag-alagad sida tugka sa yumabi. Ati sida pag linmakaw sa sabian ati sa tab-anan duwa ka alad batu arani sa halamanan hari. Nalagiw sida atabug sa Karatagan Hurdan.

Mikas 2:13

Bukasan niku ti puwirtahan banwa imaw ti nagbihag sa kanyu, ag giyahan niku kamu sa kanyu pagluwas. Aku, ti Panginuun kanyu hari, ti gumiya sa kanyu.”

Mikas 3:12

Nakan dahil sa kanyu dautun ti Siun, ti banwa Hirusalim. Bumaliw parihu sa inaradu tanman, ag bumaliw tumpuk manga nagkarapugdak batu. Ag bumaliw kapuruan ti bantud nabungsudan Balay Diyus.”

Lukas 19:43

Dahil aban pag manga udas sangputun gid kawu nimu manga kalaban. Kulungun yi kawu, apikihun kawu sa baliw-baliw.

Lukas 21:24

Matyun sida manga sundalu may armas baladaw, kay iba bihagun darahun tag sa una naan pag nasyun. Tatatataan manga balaw Hudiyu ti Hirusalim hanggan sa udwaya lumawuy ti kaudasan kapangyarihan manga balaw Hudiyu.”

Ipinakakit 18:2

Nangungud siya namagaw daka magkun, “Nawasak yi siya, nawasak yi ti bantug pag banwa Babilunya. Taynguna ulian yi manga labang tunda pag daga, tunda yi ti paratag-an manga labang. Asan diman ti purugadan manga manuk mayagting ag manga pag-ampuan tawu.