Isayas 24:1 - Hanunuu

¹ Pagpatingi kamu! Gubaun Panginuun ti kalibutan tugka sa udyi inda makinabangan ag kalatun niya kay manga nasakupan inda.

Isayas 24:1 Iomraidhean Croise

2 Hari 21:13

Sintinsiyahan niku ti Hirusalim parihu sa pagsintinsiya niku sa Samarya ag sa magtal-anakan ni Hari Akab. Lumpiyuhun niku ti Hirusalim parihu sa pinggan pagpayidan ag pag-ipaslukub.

Nihimyas 1:8

“Alalahana duy nimu kanmu sinabi kaybi sa kan Muysis magkun: ‘Nu kamu pag manga Israilita balaw magmatinupadun sa kangku, wayakun niku kamu sa tuhay-tuhay pag manga nasyun.

Kanta 146:9

pag-alagaan niya ti manga day-uhan, pag-awatan niya ti manga ulila ag manga buranday pag babayi, dapat pag-amparahun niya ti manga kagustuhan manga magbuwat daut.

Isayas 13:13

Tandugun niku ti langit hanggan ti kalibutan. Aku, ti Panginuun Makamaskihan, buwatun niku inda sa sirang ipakakit niku kang masyadu pag pangagalit.”

Isayas 13:5

Ginan sida sa ararayu pag rugar. Gubaun Panginuun hanggan niya manga sundalu ti buu daga dahil sa kay pangagalit.

Isayas 2:19

Malagiw ti manga tawu atabug sa manga lukib sa dirigun hanggan sa manga ukang daga, hampay patagu sa pangagalit Panginuun hanggan sa kay kamaskihan nu tandugun yi niya ti kalibutan.

Isayas 24:19

Gumitlak ti kalibutan ag mabka.

Isayas 24:20

Mandaplahay inda ga langu ag ga payag magkahalu-halu sa bagyu. Ti kalibutan magkabyatan dahil sa kasalanan, ag mawayak inda udyi utru bumangun.

Isayas 27:10

Nawayak yi ti inaladan batu pag banwa. Ga pangawakawaan yi inda. Nagbaliw pasturan wadi inda ag paraharyan manga baka. Tinabu hinarab manga baka ti manga labung sa manga sanga.

Isayas 29:16

Maliku kanyu naisipan. Pagbaliwun niyu ga anglit ti manugbuwat anglit. Sumabi aw nguna ti anglit sa nagbuwat sa kanya, “Balaw waydi kawu ti nagbuwat sa kangku?” Makasabi aw ti anglit sa manugbuwat sa kanya kuntay, “Unman kawu may alam?”

Isayas 29:2

Dapat lusubun niku tunda, ag manlulumian ag manhirinangbitun kay manga nasakupan. Para sa kangku, ti buu banwa bumaliw ga harandugan punu dugu.

Isayas 30:32

Girahun niya sida. Ag sa kada hampak Panginuun sa kanda, dumungan inda sa tunug pamakaransing hanggan alpa.

Isayas 32:12

Taptapun niyu kanyu dubdub sa karukuan dahil sa mangyari sa kanyu manga abunda pag tanman ag maraburak pag ubas.

Isayas 33:9

Kaawaawa ti daga Israil. Magkarubay ti manga kayu sa Libanun, ag magkay-a. Nagbaliw pangawakawaan ti karatagan Sarun. Magkararagdag ti manga labung manga puun kayu sa Basan hanggan sa Karmilu.

Isayas 34:10

Ag balaw inda mapsa sirang yabi. Kay anus manalimbuuk hanggan aban. Udyi may mangulian ngatay manlawuy lang sa Idum una kapira.

Isayas 34:2

Dahil magkagalit ti Panginuun sa tanan nasyun; magkagalit siya sa kanda manga sundalu. Nakan rurisun niya sida lubus. Matyun gid niya sida tanan.

Isayas 42:15

Tumpagun niku ti manga bantud hanggan ti manga tagudtud, ag marubay ti manga tanum. Pamarahun niku ti manga sapa hanggan ti manga lasaan.

Isayas 5:6

Pabay-anan yi lang niku inda ag balaw yi asikasuhun. Balaw yi niku inda puldan kay manga sanga ngatay balubuan kay puun. Pabay-anan yi lang niku mibusul sa manga ilamnun ag manga halaman madugi. Bag-u suguun niku ti manga rurum tubay yi inda padna uran.”

Hirimyas 4:7

Ti manugwayak kuntay gumira sa manga nasyun ga liyun linmuwang gin sa kay pagpatag-an. Ginminan yi siya sa kay rugar hampay wayakun kanyu daga. Magkaradaut ti manga banwa niyu tugka sa balaw yi inda maulianan.

Hirimyas 40:15

Bag-u napasampak si Huhanan sa kan Gidalyas sa lihim magkun siya sa kanya, “Matyun niku si Ismail sa unman may una si unu ti nakaalam. Balaw nita pahintulutan matyun niya kawu. Nu abi mangyari inda, inda ti bumaliw dahilan hampay mawayak ag madura ti manga Hudiyu natayak sitay sa Huda kanmu pagpamunuan.”

Hirimyas 50:17

“Ti manga Israilita ga manga karanidu namululagan pagbukadun manga liyun. Kabag-u, siniba hari sa Asirya, rargu ti pinaka-uryan nag-arit-it kanda manga but-ul si Hari Nabukudunusur sa Babilunya.

Hirimyas 51:34

Magkun ti manga taga Hirusalim, “Si Hari Nabukudunusur sa Babilunya ga daragun kay naghalun sa kanmi. Nabsug niya kay tiyan manga kayamanan nimi. Tinayakan niya ti banwa nimi unman may isinawad, ga tapayan unman may sukad. Tinabug niya kami ag unman nimi alam nu unu ti buwatun nimi. Buwatun diman mana sa Babilunya kay binuwat niya sa kanmi hanggan sa kanmi manga anak. Bayadan mana nasakupan Babilunya ti manga minatay nida.”

Hirimyas 9:16

Bululagun niku sida una naan pag nasyun sa balaw nida magkakilala una manga kaumputan nida. Mamadara aku gurupu man-gira sa kanda hampay lubus sida maruris.”

Isikil 12:20

Ipadamhak kanda manga banwa ag bumaliw mapung-aw inda. Bag-u maalaman nida aku ti Panginuun.”

Isikil 24:11

Bag-u padnaan sa baga ti kardiru unman may sukad tugka sa bumaga diman. Sa panab-anan inda, malinisan ti kardiru ag masunug ti manga kalawang.

Isikil 35:14

“Nakan aku, ti Panginuun Diyus magkun, makabaya ti buu kalibutan nu buwatun yi niku mapanglaw kanyu rugar,

Isikil 5:14

Dautun niku kanyu banwa ag puyaan kamu manga nasyun sa kanyu sangput ag manga maglawuy sa kanyu rugar.

Isikil 5:2

Kay un-an pag bahagi ipauli nimu sa daga pinaganit kanmu ginuhitan Hirusalim, paulian kay usa ka bahagi buhuk sa daga pinaganit, ag sunuga inda siyun sa karaw-an banwa. Paulian kay usa ka bahagi sa palibut banwa ag pamulud-puluda nimu baladaw. Kay nasawad pag bahagi sarwagan sa durus, dahil kalatun niku kang nasakupan sa panab-anan baladaw.

Isikil 6:14

Parusahan niku sida una naan sida pag mangulian, ag buwatun niku mapanglaw kanda daga ginan sa pangawakawaan sa kanaway atabug sa Dibra sa salatan. Bag-u maalaman nida aku ti Panginuun.”

Isikil 6:6

Ti kada banwa niyu ipadamhak. Magkaratumpag kanyu manga simbahan sa abwat pag manga rugar, manga diyus-diyusan, manga harandugan, hanggan ti manga harandugan pagsunugan manga kamangyan, ag ti iba waya parihu sa inda pag pinanmuwat niyu.

Isikil 7:12

Hu, arani yi gid ti sirang kaparusahan. Danga magbaya ti magbili, ngatay magkaruku ti magpabili, dahil kang pangagalit matanggap tanan.

Isikil 7:14

Una waya ipatunug nida ti budyung sa pag-alistu sa tanan sa paglaban, unman may manguyug sa paglaban, dahil kang pangagalit malakawan tanan.

Nahum 1:5

Sa kay atubangan magkahalu ti kalibutan, hanggan ti manga bantud, una ti manga tawu sa kalibutan pagtakigan.

Nahum 2:10

Maruris, madaut, ag mamanglaw yi ti Ninibi! Nakan pagkulbaan ti manga mag-uli siyun; pagtakigan kanda manga tuud hanggan kanda tanan bilug, ag magpanlapsi yi sida tanan.

Lukas 21:24

Matyun sida manga sundalu may armas baladaw, kay iba bihagun darahun tag sa una naan pag nasyun. Tatatataan manga balaw Hudiyu ti Hirusalim hanggan sa udwaya lumawuy ti kaudasan kapangyarihan manga balaw Hudiyu.”

Binwat 17:6

Pagka unman nakitan nida sida ni Pablu ni Silas, kinarudkud nida si Hasun ag may iba waya pag manga patar-ari atag sa atubangan manga pinunu banwa bag-u kanda irininggit magkun, “Kanta banwa sinulud manga tawu magpan-gulu una lang naan pag rumas-ug sida.

Diyuturunumiyu 28:64

“Wayakun kamu Panginuun sa tanan nasyun, sa kada suuk kalibutan. Ag ati pag mansamba kamu sa iba pag manga diyus buwat sa kayu ag batu, balaw niyu kilala una niyu manga ginurang.

Diyuturunumiyu 32:26

Nagbagaw aku wayakun niku sida tugka sa balaw yi sida maalaman sa kalibutan.

Diyuturunumiyu 4:27

Panwayakun kamu Panginuun tabug sa iba manga nasyun, ag pira wadi ti masawad sa kanyu ati sa manga nasyun nu naan kamu pag ipinauli Panginuun.

Santiyagu 1:1

Aku si Santiyagu, kay panawuhun Diyus hanggan nita Panginuun Hisu-Kiristu. Ipadangat niku kang surat pangamusta sa kanyu sa sampulu may duwa ka linahi nangalat sa tuhay-tuhay pag nasyun, nu kabitay waydi kamu asan.