Isayas 23:4 - Hanunuu

⁴ Pagkay-a kawu, pag banwa Sidun, kawu ti palalan-iban manga tawu mag-uli sa saruy dagat. Pagbugyahan yi kawu kadagatan. Magkun siya, “Unman aku may anak; unman aku may pag-alagaan anak, babayi ngatay lalaki.”

Isayas 23:4 Iomraidhean Croise

Gimpuunan 10:15

Si Kanaan kay ama ni Sidun ag ni Hit. Si Sidun kay panganay.

Gimpuunan 10:19

Ti katugkaan nida daga ginan sa Sidun atabug sa Girar tugka sa Gasa, ag abut sa Suduma, Gumura, Adma, Sibuyim ag tugka sa Lasa.

Hirimyas 25:22

ti Tiru, ti Sidun, ti manga puru sa dipay dagat,

Hirimyas 27:3

Bag-u sabihun nimu inda sa manga hari sa Idum, Muab, Amun, Tiru ag Sidun sa panab-anan manga sinugu nida sa Hirusalim hampay pumasampak kan Hari Sidikyas sa Huda.

Isikil 28:21

“Anak tawu, pagpasrangu kawu sa Sidun bag-u sabiha nimu inda laban sa kanya.

Isikil 28:22

Sabihi siya aku, ti Panginuun Diyus, magkun: Kalaban niku kawu, Sidun. Dayawun aku manga tawu nu parusahan yi niku kawu, bag-u maalaman nida aku ti Panginuun. Sa panab-anan inda, maipakakit niku sa kanda kang kabanalan.

Huswi 11:8

Ag ipinanalu sida Panginuun sa kanda manga kalaban. Binukad nida kanda manga kalaban tugka sa Daka Sidun ag sa Misriput Mayim, hanggan tugka sa Ratag Mispa sa butlakan init. Tinabu gid nida minatay kanda manga kalaban.

Ipinakakit 18:23

Bumaliw madlum ati, dahil udyi may sulu una di usa. Udyi madnugan aban ti manga aguman babayi, ti manga aguman lalaki, magharampangan masulung. Dahil masyadu nagyaman kanmu manga manugnigusyu sa bilug kalibutan. Dinaya nimu ti tanan nasyun sa daut pag kadunungan nimu.

Talaghusay 10:6

Nagbuwat maan kadautan ti manga Israilita sa magbantay Panginuun. Nagpatlikud sida sa Panginuun ag nagsamba sa manga tawu-tawu Baal hanggan Astarut, ag sa manga diyus-diyusan Aram, Sidun, Muab, Amun, ag Pilistiya.