Isayas 22:2 - Hanunuu

² Magkalaguluhan ag magriringgitan ti manga tawu sa banwa. Ti manga namatay sa kanyu balaw man sa gira pag namatay.

Isayas 22:2 Iomraidhean Croise

Isayas 10:4

Unman may masawad sa kanyu. Bihagun ngatay matyun kamu, dapat ti pangagalit Panginuun dayu madura. Alistu di gid siya pumarusa sa kanyu.

Isayas 23:7

Kaybi, masulung ti banwa Tiru, ti ipinatindug kaybi sa un-an pag panahun. Nakaras-ug kay manga nasakupan inda sa ararayu pag daga ag sinakup nida ati pag manga daga. Dapat unu ti nangyari sa kanya taynguna?

Isayas 32:13

Ti daga niku manga nasakupan tubuan manga ilamnun ag dugihan pag halaman. Magkaradura ti masulung pag ulian hanggan banwa.

Isayas 32:14

Ti mayamu tawu pag banwa hanggan ti marig-un pag bahagi inda balaw yi maulianan. Ti tagudtud hanggan ti barantayan pag bantayaw bumaliw ga pangawakawaan tugka aban. Inda bumaliw ulian manga talun asnu ag pasturan manga karanidu.

Isayas 37:33

“Inda ti pagsabihun Panginuun tungkul sa hari Asirya: Balaw siya makasulud sa banwa Hirusalim ngatay makapana una lang usa ka ugyung siyun tag. Balaw siya makapakarani may panangga ngatay masangputan ti banwa hampay lusubun inda.

Isayas 37:36

Bag-u nag-atag ti anghil Panginuun sa kampu taga Asirya ag minatay niya ti 185,000 sundalu. Igu surip, pagka nimata ti manga nasawad buhi, nakitan nida ti mayamu pag manga bangkay.

Hirimyas 14:18

Nu atabug aku sa manga tanman hanggan sa banwa, mag-akitan niku ti manga bangkay namatay sa girahan ag lun-us. Ti manga purupita hanggan ti manga manughandug parargu di sa buruwatun nida dapat unman nida alam nu hintay ti pagbuwatun nida.”

Hirimyas 38:2

una si unu ti patayak sitay sa banwa mamatay sa girahan, lun-us hanggan sakit. Dapat una si unu ti sumuku sa manga taga Babilunya balaw mamatay. Makaribri siya ag mabuhi di.

Hirimyas 52:6

Katpung ikasiyam pag sirang sa ikap-at pag bulan sa tida diman pag timpu, masyadu yi ti kalun-usan sa banwa ag udyi may makaun ti manga tawu.

Karukuan 1:1

Mapanglaw yi ti banwa Hirusalim, sa kabag-u mayamu tawu. Bantug inda kaybi sa buu kalibutan, dapat kainda parihu sa usa ka babayi buranday. Sa kabag-u imaw inda ti magpanguna pag banwa, dapat taynguna panawuhun yi.

Karukuan 2:20

Panginuun, bantayi kami. Isip-isipa niyu nu si unu ti pinakurianan nimu parihu kainda. Sa masyadu pag lun-us, kinaun manga ina kanda manga anak kanda pag-alagaun. Ti manughandug hanggan purupita pinanmatay sa kanmu Balay.

Isikil 22:5

Daka banwa bantug sa kadautan ag masyadu pag kaguluhan, puyaan gid kawu manga nasyun ginan sa arayu man ngatay sa arani.

Sipanyas 2:15

Katunda ti mangyari sa banwa Ninibi, magpadayaw-dayaw kuntay unman may man-gira sa kanda ag unman may pumarihu sa kanda. Dapat lubusan yi madaut ti banwa ag ulianan wadi inda talun hayup. Ag ti kada maglawuy ati magkasari-sari magsurug sa kanda kahamtangan.”