Isayas 22:12 - Hanunuu

¹² Nagpatalahap sa kanyu ti Panginuun Diyus Makamaskihan kuntay kamu pagpanrukuan, paglumi, pagpakidkid ag pagsulung rutay panruku bilang tanda sa kanyu mag-ampu.

Isayas 22:12 Iomraidhean Croise

2 Krunika 35:25

Nagbuwat si Hirimyas manga kanta panhimanglaw para kan Husyas, ag tugka taynguna pagkantahun di inda manga manugkanta sa pag-alaala sa kanya. Ti manga kanta panhimanglaw pirmi pagkantahun sa Israil, ag nakasurat sa Ribru manga Panhimanglaw.

Isra 9:3

Pagka nadnugan niku inda, ginisi niku kang rutay sa karukuan rinabnut niku kang buhuk ag bungut, bag-u nanukawan aku may kabuyatan.

Nihimyas 9:9

“Nakitan nimu ti pag-agwanta nimi manga ginurang sa Ihiptu. Nadnugan nimu ti paghagad awat nida sa kanmu katpung ati sida sa Dagat Marara.

Hub 1:20

Pagka tida nadnugan ni Hub, tinmindug siya ag ginitas kay rutay dahil sa karukuan. Bag-u inuguy niya kay buhuk bag-u napadapa sa daga hampay sumamba sa Panginuun.

Manugtudlu 3:11

Ag inda tanan itinagka Diyus mangyari sa kang-ud pag udas. Pinakan-an niya kita kagustuhan maalaman ti aratubangun, dapat unman gid nita masalman kay manga binuwat ginan sa kabag-u hanggan sa katapusan.

Manugtudlu 3:4

may udas sa paglumi ag may udas diman sa pagkasari, may udas sa manghimanglaw ag may udas diman sa pagbaya,

Isayas 15:2

Tinmukad ti manga taga Dibun sa kanda Balay Diyus hanggan sa kanda manga simbahan sa abwat pag rugar hampay manlumi. Paglumian manga taga Muab ti Nibu hanggan ti Midiba. Ti kada usa sa kanda napakidkid kay buhuk ag napauguy kay bungut.

Isayas 26:10

Una pagkaawaan nimu ti daut, unman diman sida magdunung mangabuhi matadlung. Una waya sida nangulian kaibahan manga matadlung, parargu di gid sida sa kanda buruwatun daut, ag balaw nida pagkilalan-un kanmu kamaskihan.

Isayas 29:1

Magkun ti Panginuun, “Kaawaawa ti Hirusalim, ti banwa ulian ni Dabid! Sigi, pagdaus tunda pag banwa kay manga pista kada timpu.

Isayas 3:24

Nu sitay sida mabanglu, mamawu ngap sida. Lubid wadi kanda ihuragkus, ag lug-isun ti mararinu nida pag buhuk. Ti manga marinu nida rutay ilisan saku, ag ilisan yi kanda karinuan makakaray-a.

Isayas 32:11

Dugay yi kamu masalimpayaan, unman may pag-isipun. Taynguna takigan yi kamu sa dala. Lukasa niyu kanyu manga rutay ag paghawud kamu saku sa kanyu awak.

Isayas 37:1

Pagka nasaydan ni Hari Isikyas ti barita, ginitas niya kay rutay, nanrutay siya saku hampay ipakakit kay karukuan, ag nag-ati siya sa Balay Diyus Panginuun hampay mandarangin.

Isayas 37:2

Pinaatag niya sa kan Isayas kay anak ni Amus si Ilyakim ti manug-asikasu sa balay hari, si Sibna ti manugsurat hanggan ti manga pangulu manughandug may manga sulung rutay saku.

Isayas 58:3

Magkun waya sida sa kangku, ‘Balaw kami maghandum karan-unun, dapat unman diman waydi nimu pinansin. Pagpakurianan nimi kanmi sadili, dapat unman nimu pinahalgaan.’ “Kay tutuu, sa udas niyu unman maghandum karan-unun, kanyu sadili kagustuhan ti kanyu pag-isipun. Paglugihun niyu kanyu manugtarabahu.

Hirimyas 16:6

Magkaramatay sida sa inda pag daga, mayaman man ngatay pugri, ag unman may manlubung sa kanda. Unman may tawu manmiyag sa sadili nida ngatay manpauguy hampay ipakakit kanda maghimanglaw sa manga namatay.

Hirimyas 16:8

Danga diman kawu magsulud sa manga balay may manga karan-an hampay mangaun hanggan manginum ati.

Hirimyas 4:8

Nakan isulung yi niyu ti rutay panhimanglaw bag-u paglumi dahil masyadu waya ti isug Panginuun sa kanta.

Hirimyas 7:29

Manga taga Hirusalim, pakalbuhan kanyu manga buhuk bag-u yamtan hampay ipakakit kanyu karukuan. Panlumi kamu ati sa arabwat pag rugar, dahil binugyahan ag pinabay-anan Panginuun kanyu manga linahi, ti nagpagalit sa kanya.”

Isikil 27:31

Kalbuhun nida kanda manga ulu bag-u manrutay saku habang maglumi sida mabaskug sa subra pag karukuan.

Danyil 5:1

Pagka si Bilsasar ti hari Babilunya, nag-alistu siya daka pag handaan para sa usa ka libu manga kilala pag manga tawu niya. Pagka mag-irinuman sida intus, ipinab-ul ni Bilsasar ti gintu ag pilak pag manga irinman ti nab-ul niya ama ni Nabukudunusur ginan sa Balay Diyus sa Hirusalim. Ipinab-ul niya inda agud inman nida kaibahan tunda pag manga kilala pag manga tawu, hanggan niya manga asawa, ag iba waya niya pag manga asawa suruguun. Pagka dinara sa kanya ti manga irinman, ginamit nida inda irinman.

Husyas 9:1

Magkun si Husyas, “Kamu pag manga taga Israil, apasi yi niyu kanyu kasayahan parihu sa pagbuwatun iba manga nasyun. Dahil magsamba kamu sa manga diyus-diyusan ag magpakarayu sa kanyu Diyus. Una naan pag giriukan maghandaan kamu kanyu manga ani pag-isipun niyu bayad manga diyus-diyusan dahil sa kanyu pagsamba sa kanda.

Huwil 1:13

Kamu pag manga manughandug magsirbi sa harandugan niku Diyus, pagsulung kamu saku bag-u pag-atag sa Balay Diyus ag paglumi buu yabi. Dahil unman yi may butir maani aw ngatay intus handug sa Balay niyu Diyus.

Huwil 1:8

Paglumi kamu parihu sa usa ka daraga nakasulung saku dahil sa pagkamatay niya arasawan-un pag kan-akan.

Huwil 2:12

Magkun ti Panginuun, “Pagbalik kamu sa kangku sa buu niyu tagipusuun, danga maghandum karan-unun, paglumi ag pagpanrukuan.

Huwil 2:17

Ti manga manughandug magsirbi sa Panginuun paglumi sa karaw-an harandugan hanggan sa sarakahan Balay Diyus, ag pandarangin sida kaindaay: ‘Panginuun, pagkaawa kawu sa manga tawu kanmu nasakupan. Danga nimu pahintulutan pakay-ahun sida ag aringun iba nasyun magkumun, “Naan yi kanyu Diyus?” ’ ”

Amus 8:10

Buwatun niku lulumian kanyu kabayaan sa pista, ag kanyu magkarantahan buwatun niku hirinangbitun. Parutayan niku kamu saku ag suguun pagpakalbu sa pagpakakit kanyu karukuan, parihu sa manga gurang maglumi sa pagkamatay nida bugtung pag anak. Dapat mas mahigpit waya gid ti uryan pag parusa.”

Hunas 3:6

Pagka nadnugan hari ti tungkul sa tultulanun ni Hunas, tinmindug siya ginan sa kay tukawan hari ag linukas niya kay kulimpay, bag-u nanrutay saku, rargu tinmukaw siya sa daga hampay ipakakit kay magsisi.

Mikas 1:16

Kanyu pagmahalun pag manga anak bul-un sa kanyu ag darahun sa iba rugar, nakan mangamiraw kamu sa kanda, ag ipakakit niyu kanyu karukuan sa panab-anan pagpakidkid parihu ga ulu uling.”

Santiyagu 5:1

Pagpatingi kamu pag manga mayaman. Paglumi kamu pagnguynguy dahil sa manga kakurian rumas-ug sa kanyu.