Isayas 22:1 - Hanunuu

¹ Inda ti pagsabihun tungkul sa luung pangakakitun. Hintay ti magpangyari? Hayga kamu magdayik sa manga atup?

Isayas 22:1 Iomraidhean Croise

Gimpuunan 21:17

Taynguna, nasaydan Diyus ti maglumi anak. Nakan magkun ti anghil Diyus ginan sa tungud atabug sa kan Hagar, “Hintay ti magpaaburidu sa kanmu naisipan Hagar? Danga kawu magkadala; nasaydan Diyus ti maglumi nimu anak.

2 Samwil 14:5

Pinaingana siya hari, “Hintay lugud kanmu kakurian?” Sinmagut siya, “Usa duy aku ka balu,

2 Hari 6:28

Bag-u nagpaingana ti hari, “Hintay lugud kanmu kakurian?” Sinmagut ti babayi, “Magkumun sa kangku inda pag babayi, ‘Kan-un nita kanmu anak lalaki, bag-u aldaw kangku maan pag anak lalaki kanta kan-un.’

Kanta 114:5

Hayga nahawi ti Marara pag Dagat ag inmapas sa pagbulus ti Sapa Hurdan?

Kanta 125:2

Kainda ti manga bantud sa sangput Hirusalim mag-alaga sa inda pag banwa, ti Panginuun mag-alaga diman sa kay nasakupan kainda ag hanggan waya aban.

Kabagawan 29:18

Nu unman may patigayun Diyus maggiya sa usa ka nasyun, unman inda may kahusayan. Mapalad ti manga tawu magtupad sa manga pag-itudlu Diyus.

Isayas 13:1

Inda ti pagsabihun tungkul sa Babilunya, ti ipinaburayhaw Panginuun sa kan Isayas kay anak ni Amus:

Isayas 15:3

Nakarutay sida saku habang maglakaw sa baklayan. Magnguynguy sida sa atup nida manga balay hanggan sa manga buruybuyahan.

Isayas 22:5

Dahil itinagka Panginuun Diyus Makamaskihan inda pag sirang magkalaguluhan, mamalalagiwan, ag magkalalitu ti manga tawu sa luung pangakakitun. Ti manga alad batu magkarapugdak ag ti riringgitan manga tawu mag-asaydan di tugka sa kabantudan.

Hirimyas 19:13

Ti tanan balay sa Hirusalim, hanggan ti manga balay hari sa Huda kilalan-un mauring parihu sa Tupit. Dahil sa babaw atup manga balay magtuub sida manga kamangyan para sa kanda diyus manga pamgasan, ag maghandug manga irinmun para sa iba waya pag manga diyus.’ ”

Hirimyas 21:13

Kalaban niku kamu manga taga Hirusalim, kamu pag manga mag-uli sa mapag-un pag rugar sa babaw maratag pag bantud. Magpalabaw-labaw kamu magkumun, ‘Ribri kita sitay! Unman may manggira sa kanta, sa mapag-un pag rugar atay sa babaw maratag pag bantud!’

Hirimyas 32:29

Irubun nida inda, hanggan ti manga balay kay bubung pagsunugan manga kamangyan para kan Baal ag pagsagdahan manga handug irinmun para tuhay pag manga diyus-diyusan subra niku pag-ikagalit.

Hirimyas 32:32

Paggalitun aku manga taga Israil ag taga Huda dahil sa daut pag buwatun nida — kanda manga hari ag takinan, manga manughandug ag purupita, hanggan ti tanan manga taga Hirusalim.

Hirimyas 48:38

Maglulumian ti manga tawu sa kanda manga balay hanggan sa manga buruybuyahan, dahil winayak niku ti Muab ga tapayan binasag ag unman yi may maglabut.

Huwil 3:12

Magkun ti Panginuun, “Kailangan garyahun ti manga nasyun sa palibut kuntay pag-atag sida sa Karatagan ni Husapat, dahil ati niku sida pag pihuun.

Huwil 3:14

Pagkayamu tawu ti ati sa Luung Kaparusahan, dahil arani yi rumas-ug ti sirang pag parusa Panginuun.

Mikas 3:6

Dahil pinaumang niyu kang manga nasakupan, udyi kamu magkaimaw pangakakitun ag balaw yi kamu makahula. Ga sa basad madlum kamu unman may mag-akitan.

Sipanyas 1:5

Papasun diman niku ti manga tawu magdayik sa bubungan nida manga balay hampay mansamba sa init, sa bulan, hanggan sa manga pamgasan. Papasun niku ti manga magsamba ag magpanumpa mansirbi sa kangku, dapat magpanumpa diman mansirbi sa diyus-diyusan sa kan Muluk.

Matiyu 10:27

Ti kang pagsabihun sa kanyu sa madulum, itultul maan niyu sa marayaw. Ti iyinanas sa kanyu kailangan kanyu maan ipahayag hampay mag-adnugan tanan tawu.

Ruma 3:2

Daka gid duy. Un-an gid sa tanan, ti manga Hudiyu ti pinaintirgahan manga katutuuhanan bagaw Diyus.

Diyuturunumiyu 22:8

“Nu mamatindug kamu balay, kailangan paulian niyu alad ti sangput maratag pag atup, hampay balaw kamu may saragtun nu may malagpak ginan sa kanyu atup ag mamatay.

Talaghusay 18:23

Pagringgitan nida sida, ag inmaliwliw ti manga lahi ni Dan ag nagpaingana sa kan Mikas, “Unu lugud ti nangyari ag paglagsun niyu kami?”

1 Samwil 11:5

Tunda katpung mag-uli yi si Saul ginan sa kay tanman kaibahan kay manga baka. Pagka nadnugan niya ti warawawan, nagpaingana siya magkun, “Hayga magwarawawan ti manga tawu?” Nakan kinmumun ti manga tawu sa kanya ti itinultul manga taga Habis.

1 Samwil 3:1

Ati katpung magsirbi si Samwil sa Panginuun sa karampatan ni Ili, balaw yi pirmi maghampang ti Panginuun ag pira wadi ti manga pangakakitun.