Isayas 21:5 - Hanunuu

⁵ Mag-alistu karan-an ti manga takinan. Magpauli sida manga suhi hampay tukawan. Magkaun sida ag mag-inum, bag-u kadaka may nanringgit, “Pag-apura kamu! Pag-alistu kamu sa girahan.”

Isayas 21:5 Iomraidhean Croise

2 Samwil 1:21

Kabantudan Gilbuwa, unman mana may uran ngatay tun-ug rumas-ug sa kanmu. Mana unman may tumubu manga tanum sa kanmu tanman agud ihandug sa Diyus. Dahil siyun pag nauringan manga kalaban ti panangga maisug pag hari si Saul. Ag udyi may manpayid sitay lana hampay inda lumpiyuhun ag pakintabun.

Isayas 13:2

Pagtur-ug kamu usa ka bandira ati sa katayungtungan bantud balaw may puun kayu. Bag-u pagringgit kamu mabisug sa manga sundalu ag paamani niyu sida hampay girahun ag suldun ti manga banwa manga kilala ag makamaskihan pag tawu.

Hirimyas 46:3

“Ialistu niyu kanyu manga panangga bag-u pag-atag sa girahan!

Hirimyas 51:11

Mamalus ti Panginuun sa Babilunya dahil sa pagguba sa Balay Diyus niya. Ginanyat Panginuun ti manga hari sa Midya hampay wasakun ti Babilunya dahil inda ti turunu niya. Magkun siya, “Asaa niyu kanyu manga ugyung ag alistuhan kanyu manga panangga.

Hirimyas 51:39

Ag dahil magkalun-us sida, alistuhan niku sida karan-an. Languhun niku sida, pasulungun ag paturugun sa hamuuk habang may udas ag balaw yi mimata. Aku, ti Panginuun, ti magsabi inda.

Hirimyas 51:57

Languhun niku kay manga pinunu, ti manga matinudukun pag manga tawu, ti manga takinan, ti manga kumandir, hanggan kay manga sundalu. Mahamuukan sida balaw yi mipulaw. Aku, ti Hari, ti magsabi inda. Panginuun Makamaskihan kang ngaran.”

1 Kurintu 15:32

Nu angay lang sa kang pagkatawu aku naglaban sa manga simarun sitay sa Ipisu, hintay kang pakinabangun. Nu abi ti manga namatay unman buhiun uman, “Pagkaun ag pag-inum yi lang kita, aldaw mamatay yi waydi.”