Isayas 21:15 - Hanunuu

¹⁵ Naglinayas sida ginan sa mahigpit pag labanan ag paglagsun sida nida manga kalaban may baladaw ag manga ugyung.

Isayas 21:15 Iomraidhean Croise

Isayas 13:14

Ti manga day-uhan sa Babilunya malagiw ag bumalik tag sa kanda sadili banwa ga manga karasyaw pagbukadun. Muli sida ga manga karanidu unman may mag-alaga.

Isayas 13:15

Ti kada madakup pag bun-un tugka sa mamatay.

Isayas 17:13

Dapat una sida parihu sa daraka humbak magtunug, malagiw di sida nu tamyawun sida Diyus. Miparihu sida sa upa sa tagudtud pagpayagun durus ag dayami pagpayagun buhawi.

Isayas 22:3

Ti tanan niyu manga takinan naglinayas ag nadakup ud may laban. Ti iba sa kanyu naggayak malagiw, dapat nadakup diman.

Isayas 31:8

Magkaramatay ti manga taga Asirya, dapat balaw sa panab-anan baladaw tawu. Lumayas sida ginan sa girahan, ag bumaliw suruguun kanda manga kalay-awan.

Isayas 33:3

Magpalagiw ti manga tawu sa magranranug nimu busis. Nu kawu magtindug hampay mamarusa, magpamululagan ti manga nasyun.