Isayas 20:4 - Hanunuu

⁴ Dahil bihagun hari Asirya ti manga taga Ihiptu hanggan ti taga Itiyupya, anak man ngatay gurangun. Bihagun sida uba ag unman may lapak. Makitan kanda manga buli, ungud ngani mangay-a gid ti Ihiptu.

Isayas 20:4 Iomraidhean Croise

2 Samwil 10:4

Nakan ipinadakup ni Hanun ti manga takinan ni Dabid, inuguy kanda katunga bungut, bag-u tinunga kanda manga rutay ginan sa awak tugka sa raprapa ag pinauli sida.

1 Krunika 19:4

Nakan ipinadakup ni Hanun kay manga tawuhan ni Dabid ag kinidkid kanda manga bungut. Tinastas diman niya kanda manga rutay ginan sa awak tugka sa sirung bag-u rargu pinauli sida.

Isayas 19:4

Ipasakup niku sida sa usa ka mahigpit pag hari.” Tunda ngani ti pagsabihun Panginuun Makamaskihan.

Isayas 3:17

Nakan patubuan niku sida manga garis sa kanda manga ulu tugka sa malug-is sida.”

Isayas 31:2

Sa kadunungan Diyus, mamadara siya sarut, ungud buwatun niya kay manga pagsabihun. Parusahan niya ti manga magtal-anakan daut hanggan ti manga mag-awat sa kanda.

Isayas 31:3

Ti manga taga Ihiptu tawu diman waydi, bukun Diyus. Kanda manga kabayu bukun manga ispiritu, nu unman parihu diman sa iba manga kabayu. Nu pumarusa yi ti Panginuun, mawayak ti Ihiptu hanggan ti pag-awatan niya pag nasyun. Dapat pararihu sida mawayak.

Isayas 47:2

Usa kawu ka suruguun taynguna, nakan pagbuul kawu batu galingan ag paggaling kawu tirigu. Bul-a yi nimu kanmu tumung, lilisa kanmu rutay hampay makitan kanmu balangbang sa magdipay sa sapa.

Isayas 47:3

Makitan kawu uba-uba ag mangay-a kawu. Bumalus aku sa kanmu, balaw niku kawu kaawaan.”

Hirimyas 13:22

Nu paingan-un nimu kanmu sadili nu hayga kawu nipadamhak ga babayi ginitas kay rutay ag ginahus, dahil sa kaadukun nimu kasalanan.

Hirimyas 13:26

Ibulad niku kamu sa kauyaan parihu sa babayi inubahan.

Hirimyas 46:19

Kamu pag manga nasakupan Ihiptu, ialistu yi niyu kanyu manga dara-darahan dahil bihagun kamu. Mawayak ti Mimpis, bumaliw mapung-aw inda ag unman yi may mangulian sitay.

Hirimyas 46:26

Ipakaun niku sida sa kamang manga gustu mumatay sa kanda — sa kan Hari Nabukudunusur sa Babilunya ag sa kay manga takinan inda. Dapat rumas-ug diman ti sirang kuntay ti Ihiptu ulianan manga tawu parihu kaybi sa un-an. Aku, ti Panginuun, ti magsabi inda.

Isikil 30:18

Nu ipadamhak yi niku ti kapangyarihan Ihiptu, bumaliw madulum inda pag sirang para sa Tapanis. Madura yi ti pag-ipadayaw pag kapangyarihan Ihiptu. Matabunan siya rurum hanggan ti manga nasakupan niya manga banwa bihagun.

Amus 9:7

Magkun ti Panginuun, “Kang magbantay sa kanyu pag manga taga Israil parihu lang sa manga taga Itiyupya. Tutuu ipinalwas niku kamu sa Ihiptu, dapat ipinalwas diman niku ti manga Pilistiyu sa Kaptur hanggan ti manga Aramiyu sa Kir.

Mikas 1:11

Manga nasakupan Sapir, bihagun kamu ag darahun uba-uba, nakan mangay-a kamu. Ti manga nasakupan Saanan magkadala magluwas sa kanda banwa hampay mangawat sa kanyu. Ti manga taga Bit Isil balaw diman makaawat sa kanyu dahil sida hanggan maglumi diman sa kadamhakan nagras-ug sa kanda.

Nahum 3:10

Dapat maaw binihag diman kay manga nasakupan ag dinara sa iba rugar. Pinanrunut kanda dariit manga anak sa manga dalan. Ginapus tarikada kanda bantug pag manga nasakupan ag hinuray hampay buwatun manga suruguun sa panab-anan lunggungan.

Sipanyas 2:12

Magkun ti Panginuun, “Kamu hanggan pag manga taga Itiyupya, ipamatay niku kamu sa girahan.

Ipinakakit 3:18

Nakan ngani kang pagsabihun sa kanmu, pagbili kawu sa kangku lunsay yi pag gintu hampay kawu ungud gid yumaman. Pagbili diman waydi kawu malagti pag rutay hampay kawu may isulung, udyi kawu mangay-a sa kanmu pagkalilus. Pagbili waydi pamulung sa mata hampay kawu kumakit maan.