Isayas 2:8 - Hanunuu

⁸ Mayamu sida diyus-diyusan, pagsambahun nida inda madi sida diman waydi ti nagbuwat.

Isayas 2:8 Iomraidhean Croise

1 Hari 16:7

Tunda pag tultulanun Panginuun laban sa kan Baasa hanggan sa kay magtal-anakan sinabi Panginuun sa panab-anan ni purupita Hihu kay anak ni Hanani. Sinabi tunda Panginuun dahil sa tanan daut binuwat ni Baasa sa magbantay Panginuun. Ginalit niya ti Panginuun dahil sa kay binwat parihu sa binwat magtal-anakan ni Hirubuam, ag dahil sa kay pagmatay sa buu magtal-anakan ni Hirubuam.

2 Hari 17:10

Nagpatindug sida aramirawan pag manga batu hanggan manga tulduk tanda diyusa si Asira sa kada babaw tagudtud ag sa kada sirung maraybung pag puun kayu.

2 Hari 17:16

Ipinurya nida ti tanan pag sugu Panginuun nida Diyus, ag naghistuda sida duwa ka tinday baka-baka para sa kanda sadili, hanggan tulduk tanda diyusa si Asira. Nagsamba sida sa tanan pag bagay sa langit hanggan sa kan Baal.

2 Krunika 27:2

Matadlung kay binwat ni Hutam sa magbantay Panginuun, parihu sa binwat niya ama ni Usyas. Ag mas matadlung waya siya dahil balaw niya hinuwad ti kasalanan pagbuwatun niya ama sa panab-anan labag kay pag sulud sa Balay Diyus Panginuun. Sa baliw manga kaayadan kay binwat ni Hutam, parargu diman ti manga tawu sa kanda daut pag manga buruwatun.

Isayas 17:8

Balaw yi nida adwingun kanda manga binwat harandugan. Balaw diman nida adwingun ti manga tulduk tanda diyusa si Asira, hanggan ti manga harandugan pagsunugan nida kamangyan binwat diman waydi nida manga kamang.

Isayas 26:13

Panginuun nimi Diyus, pagdumarahan kami tuhay pag panginuun, dapat kawu lang kanmi pagsambahun.

Isayas 37:19

ag pinan-sunug ti manga diyus-diyusan nida. Dahil balaw duy tutuu tunda pag manga diyus nu unman manga batu ag kayu lang binwat tawu.

Isayas 40:19

Maipatulad aw niyu siya sa manga diyus-diyusan binwat lang manugpanday, bag-u pinahaklupan gintu ag pinaulian pamarinu kulintas pilak?

Isayas 41:29

Tanan manga diyus-diyusan unman may pulus, ag unman gid may mabwat una hintay. Parihu sida sa sukadan pasay durus kay sukad.”

Isayas 57:5

Pagsambahun niyu kanyu diyus-diyusan sa panab-anan pag-ululidan niyu sa sirung manga maraybung pag puun kayu kanyu isip banal. Pag-ihandug niyu kanyu manga anak sa manga bululusan danum sa sagasadan manga bantud.

Hirimyas 1:16

Parusahan niku kang manga nasakupan dahil sa kanda kadautan. Binugyahan nida aku, nagtuub sida kamangyan sa manga diyus-diyusan. Sinamba nida kanda binwat pag manga diyus-diyusan.

Hirimyas 11:13

“Kamu pag manga taga Huda, pagkayamu kanyu manga diyus-diyusan, parihu kay kayamu sa kanyu manga banwa. Ag nu kabitay kayamu ti manga baklayan sa Hirusalim, katida diman kay kayamu ti harandugan ipinatindug niyu hampay sunugan kamangyan para sa mayagting pag diyus-diyusan ni Baal.

Hirimyas 2:28

Hayga? Naan yi ti manga diyus binuwat niyu para sa kanyu sadili? Tawagun niyu sida nu kaya nida kamu iribri sa kakurian niyu. Pagkayamu kanyu manga diyus, parihu kay kayamu sa manga banwa sa Huda.

Husyas 12:11

Dapat parargu diman gid ti manga taga Gilyad sa kanda manga buruwatun daut unman gid may pulus, bag-u ti nasakupan Gilgal maghandug manga tudu baka sa manga diyus-diyusan. Pihu gid dautun kanda manga harandugan ag bumaliw inda parihu sa manga tinumpuk batu bin-ul sa inaradu pag daga.

Husyas 13:2

Taynguna tugka, kamu pag manga taga Ipraim parargu magbuwat kadautan. Dahil magbuwat kamu manga histuda manga diyus-diyusan ginan sa kanyu manga pilak hampay kanyu sambahun. Dapat inda tanan buwat lang waydi tawu ag angay lang sa kanyu naisipan. Magkun waya kamu manhandug tawu sa inda pag manga diyus-diyusan baka ag mangaruk sa kanda.

Husyas 14:3

Balaw yi kami manhagad awat sa Asirya, balaw yi kami manarig sa manga kabayu pan-gira. Balaw yi nimi tawagun Diyus kanmi binwat manga diyus-diyusan. Dahil pagkaawaan nimu kami parihu sa manga ilu.’ ”

Husyas 8:6

Ti diyus-diyusan baka manga taga Samarya buwat lang waydi manga taga Israil. Balaw tida Diyus! Pihu gid inda runutun.

Mikas 5:12

Dautun niku kanyu manga anting-anting ag madura kanyu manga panhirian.

Binwat 17:16

Sa kay mag-alagad waya ni Pablu sa kanda ni Silas ni Timutiyu sa Atinas, naaburidu gid kay tagipusuun dahil nakitan niya pasay yi may diyus-diyusan sa banwa.

Diyuturunumiyu 4:28

Ag ati yi kamu pag mansamba sa manga diyus-diyusan buwat sa kayu ag batu, balaw maghiling, unman diman magdungug hanggan magkaun ngatay maghungaw.

Ipinakakit 9:20

Ti nasawad pag manga tawu, tunda manga unman namatay sa siyun pag manga kahigpitan unman nida ainampu kanda kasalanan. Unman kanda tinayakan, unman waydi inapasan nida kanda pagsamba sa manga labang hanggan sa manga diyus-diyusan, sa binwat lang nida manga kamang, manga tawu-tawu gintu, pilak, galang, batu hanggan kayu, unman waydi makahiling, unman makadungug, unman diman makalakaw.