Isayas 2:6 - Hanunuu

⁶ Ungud duy ipinurya nimu, Panginuun, kanmu manga nasakupan, ti linahi ni Hakub, dahil nagpaniwala sida sa manga turun-anun ginan sa butlakan hanggan sa manga manughula, parihu sa manga Pilistiyu. Pagsundun nida ti ugali manga day-uhan.

Isayas 2:6 Iomraidhean Croise

2 Hari 1:2

Pagka sa usa ka sirang, nalagpak si Ahasiyas ginan sa gaha may alawat sa tungud pag sulud-sulud niya balay sa Samarya, ag nabalda siya. Nakan namasugu siya hampay mamaingana sa kan Baal Sibub ti diyus-diyusan taga Ikrun, nu ngatay mahulian waya siya.

2 Hari 17:20

Nakan ipinurya Panginuun ti tanan nasakupan Israil. Pinarusahan niya sida, ipinakaun sida sa manga maggira sa kanda tugka sa pinaighit niya sida sa kanda rugar pakarayu sa atubangan niya.

1 Krunika 10:13

Namatay si Saul dahil balaw siya matinupadun sa Panginuun. Unman niya tinupad ti sugu Panginuun, ag nandangup waya ngani siya sa manga pandaniwan

2 Krunika 15:2

Napasampak siya kan Asa ag magkun, “Patingihi niyu aku Hari Asa, hanggan kamu tanan pag taga Huda ag taga Binhamin. Pumirmaminti ti Panginuun sa kanyu habang pirmaminti kamu sa kanya. Nu mandangup kamu sa kanya, awatan niya kamu. Dapat nu patlikudan niyu siya, patlikudan waydi niya kamu.

2 Krunika 24:20

Sinuldan Ispiritu Diyus si Sakaryas kay anak ni Hihuyada. Tinmindug siya sa atubangan manga tawu ag magkun, “Inda ti pagsabihun Diyus: Hayga balaw niyu sinunud ti manga sugu Panginuun? Unman kamu umalwan. Dinayu niyu ti Panginuun, nakan dayuun diman niya kamu.”

Nihimyas 13:23

Pagka tida diman pag manga panahun, nakitan niku may manga taga Huda nakaasawa manga babayi taga Asdud, taga Amun, ag taga Muab.

Kanta 106:35

Bagkus ngap, nagpausa sida sa inda pag manga nasakupan ag sinunud nida kanda pagbuwatun.

Pag-ighit 22:18

“Ti panhirian kailangan matyun.

Pag-ighit 34:16

Barang maasawa niyu manga anak kanda manga anak, imaw ti gumarya sa kanyu manga anak hampay mansamba sa tuhay pag manga diyus.

Kabagawan 6:1

Anak, nu nagtaratu kawu ti manbayad utang iba,

Isayas 14:29

Manga Pilistiyu, danga dapu kamu magbaya sa pagkamatay hari naggira sa kanyu. Dahil kay anak ti umilis sa kanya imaw ti humari mahigpit man sa kanya, ga usa ka ulay namatay dapat nanganak mas madalit man ag harus maglayang.

Isayas 8:19

Nu may magsabi sa kanyu paghagad kamu pasandam ginan sa manga namatay sa panab-anan manga panhirian ag manga pandaniwan magbudung-budung, danga niyu pagbuwata tida. Unman aw kailangan sa Diyus kamu paghumagad pasandam? Hayga sa manga namatay kamu pag mamaingana para sa buhi?

Hirimyas 10:2

Pagsabihun niya, “Danga niyu paghuwada ti pag-ugaliun iba nasyun. Maghanap sida manga tanda mag-akitan sa langit. Dapat magkadala sida sa tunda pag manga tanda kanda mag-akitan. Danga niyu inda paghuwada.

Hirimyas 12:7

“Dayuun niku kang manga nasakupan, ti magkaapu niku pag nasyun. Ipakaun niku kang pagmahalun pag manga nasakupan sa manga kalaban nida.

Karukuan 5:20

Hayga pirmi nimu kami pagkalimtan? Hayga pinabay-anan nimu kami dugay?

Libitiku 19:31

Danga kamu magdangup sa manga pandaniwan maghampang sa manga karadwa namatay, dahil nu buwatun niyu inda miminsan kamu sa mayagting. Aku ti Panginuun kanyu Diyus.

Libitiku 20:6

Saadan diman niku ti manga magdangup ag magsunud sa manga pandaniwan maghampang sa karadwa manga namatay. Balaw niku sida kilalan-un nasakupan niyu.

Mikas 5:11

Dautun niku kanyu banwa hanggan ti manga may alad batu pag banwa.

Mikas 5:12

Dautun niku kanyu manga anting-anting ag madura kanyu manga panhirian.

Sipanyas 1:8

Sa ati pag sirang, panmatyun niku ti manga taga Huda parihu sa hayup pag-isagda. Parusahan niku kanda manga takinan, hanggan ti manga anak nida hari, hanggan sida tanan ti maghuwad sa daut pag ugali manga taga iba nasyun.

Bilang 23:7

Bag-u magkun si Balaam, “Hari Balak taga Muab, ipinatawag nimu aku ginan sa Aram, sa kabantudan sa butlakan. Magkun kawu sa kangku, ‘Apura, saadi ti manga linahi ni Hakub para sa kangku. Saadi sida pag nasakupan Israil.’

Ruma 11:20

Tutuu gid tunda. Pinlud sida dahil unman sida magsarig sa Diyus. Dapat kawu isinugdung dahil magsarig kawu sa Diyus. Nakan ngani, danga kawu magpalabi-labi, bagkus ngap pag-aman kawu.

1 Samwil 6:2

ipinasugu manga Pilistiyu kanda manga manughandug hanggan manugsalumangka, bag-u kanda sinabi magkun, “Hintay ti dapat nimi buwatun tungkul sa Kaban Panginuun? Tultulan sa kanmi nu kabitay nimi inda maibalik sa kay sadili ulian.”