Isayas 2:21 - Hanunuu

²¹ Malagiw ngani sida atabug sa manga lukib sa dirigun hanggan sa daraka batu hampay patagu sa pangagalit Panginuun hanggan sa kay kamaskihan nu tandugun yi niya ti kalibutan.

Isayas 2:21 Iomraidhean Croise

2 Samwil 22:46

Nadala sida, nakan magluwas sida sa kanda manga paratag-an pagtakigan sa dala.

Hub 30:6

Mag-uli wadi sida sa manga luung, sa manga gil-ang batu, ag sa manga ukang daga.

Hub 9:6

Pagtandugun niya ti daga hanggan kay patakinan inda magkahalu.

Pag-ighit 33:22

Ag habang maglawuy kang kadayawan, ipaslud niku kawu sa buslut batu bag-u patakipan kawu niku kamang tugka sa makalawuy aku.

Kanta ni Sulumun 2:14

Parihu kawu sa kalampati magpatagu sa ukang batu. Pakakitan sa kangku kanmu marinu uyahun ag padnugan kanmu marinu busis.

Isayas 2:10

Manga taga Israil, pagpalagiw kamu atag sa manga lukib ag manga kali hampay patagu sa pangagalit Panginuun hanggan sa kay kamaskihan.

Isayas 2:19

Malagiw ti manga tawu atabug sa manga lukib sa dirigun hanggan sa manga ukang daga, hampay patagu sa pangagalit Panginuun hanggan sa kay kamaskihan nu tandugun yi niya ti kalibutan.

Isayas 24:18

Ti lumayas dahil sa kadalaan malagpak sa kali, ag masduk ti manga lumuwang siyun. Umuran mabaskug ag matandug kay paratukawan kalibutan.

Isayas 33:10

Magkun ti Panginuun, “Kumimut yi aku taynguna, ag dayawun aku manga tawu.

Isayas 7:19

Ag inda sida mangulian una naan baliwa: sa matukadun pag manga luung, sa manga lukib manga tunu, sa manga tanum madugi, ag sa manga pasturan.

Hirimyas 16:16

“Dapat sa taynguna, padaran-an dapu niku sida mayamu kalaban ga manga manug-isda kay manmulay sa kanda. Hanggan manugu diman aku manga mangingidu magligaw sa kanda sa manga bantud, sa manga tagudtud ag manga lukib.

Husyas 10:8

Pandautun ti manga simbahan sa abwat pag manga rugar Abin, imaw ti pinun-an kasalanan manga taga Israil. Umarabwat ti dugihan pag manga ilamnun ag matabunan kanda manga harandugan. Bag-u sumabi sida sa manga bantud, ‘Tabuni kami!’ Ag sa manga tagudtud, ‘Rup-agi kami!’ ”