Isayas 2:20 - Hanunuu

²⁰ Sa ati pag sirang, ipanyamut nida tag sa manga angbu hanggan banug ti manga tawu-tawu pilak ag gintu kanda binwat hampay sambahun.

Isayas 2:20 Iomraidhean Croise

Gimpuunan 35:4

Nakan ipinakaun nida sa kan Hakub ti manga diyus-diyusan nida hanggan kanda manga aritus paggamitun bilang anting-anting. Ilinubung inda tanan ni Hakub sa sirung puun kayu insina arani sa Sikim.

Manugtudlu 3:6

may udas sa paghanap ag may udas diman sa pagkalyam, may udas sa paghamnu ag may udas diman sa pagyamut,

Isayas 10:3

Hintay ti buwatun niyu sa sirang pagsintinsiya sa kanyu? Hintay ti buwatun niyu nu rumas-ug ti kadamhakan ginan sa arayu? Sa kantapu kamu pag manhagad awat? Ag naan niyu pag-itagu kanyu kayamanan?

Isayas 17:8

Balaw yi nida adwingun kanda manga binwat harandugan. Balaw diman nida adwingun ti manga tulduk tanda diyusa si Asira, hanggan ti manga harandugan pagsunugan nida kamangyan binwat diman waydi nida manga kamang.

Isayas 30:22

Baliwun yi niyu mauring kanyu diyus-diyusan binwat sa pilak ag gintu. Iyamut niyu ga mauring pag paris ag sumabi, “Balaw yi niku pagkaibgan makitan kamu!”

Isayas 31:7

Dahil rumas-ug ti sirang dayiun yi niyu kanyu manga diyus-diyusan pilak ag gintu kamu diman waydi ti nagbuwat dahil sa kanyu pagkamakasalanan.

Isayas 40:19

Maipatulad aw niyu siya sa manga diyus-diyusan binwat lang manugpanday, bag-u pinahaklupan gintu ag pinaulian pamarinu kulintas pilak?

Isayas 46:1

Ti manga diyus-diyusan Babilunya sida ni Bil ni Nibu mahuwayan nu pag-ikarga sa kalisa pagguyudun manga asnu. Mabuyat sida, makargahan sa manga budlay yi pag hayup.

Isayas 46:6

Ti iba pag manga tawu magbulwat kay manga gintu ngatay pilak pagbayadan nida ti panday-pilak hampay buwatun tunda tawu-tawu bag-u kanda luhudan ag sambahun.

Isikil 14:6

“Nakan taynguna, sabihi ti nasakupan Israil aku, ti Panginuun Diyus, magkun: Pag-ampu kamu ag bugyahi kanyu manga diyus-diyusan, ag tayaki ti tanan niyu mayagting pag manga buwat.

Isikil 36:25

Widwisikan niku kamu malumpiyu pag danum hampay lumumpiyu kamu sa tanan niyu uring, hanggan balaw yi kamu magsamba sa manga diyus-diyusan.

Isikil 7:19

Ipanyamut nida kanda manga pilak ag manga gintu sa manga baklayan parihu sa usa ka mauring pag bagay. Balaw inda makaribri sa kanda sa sirang ipakakit niku kang pangagalit. Balaw inda makabusug sa kanda dahil imaw inda kay dahilan nida pagkakasala.

Husyas 14:8

“Manga taga Israil, danga yi kamu magdangup sa manga diyus-diyusan. Aku ti sumagut kanyu manga darangin hanggan ti mangalaga sa kanyu. Alagaan niku kamu; parihu aku sa malangba pag kayu sipris, magpakaun hamuy. Aku ti magpadaka sa kanyu.”

Sipanyas 2:11

Padalaun sida Panginuun dahil papasun niya ti tanan manga diyus-diyusan sa buu kalibutan. Ag sambahun siya manga tawu sa tanan nasyun sa kanda manga banwa.”

Lukas 23:30

Ati katpung pag manga sirang sumabi ti manga tawu sa manga bantud, ‘Tabuni kami!’ Ag sa manga tagudtud, ‘Rup-agi kami!’