Isayas 2:2 - Hanunuu

² Sa manga uryan pag sirang, ti bantud pagtindugan Balay Diyus Panginuun bumaliw pinakamahalaga sa tanan pag bantud. Rumas-ug siyun ti manga tawu ginan sa tuhay-tuhay pag nasyun.

Isayas 2:2 Iomraidhean Croise

Gimpuunan 49:1

Pagkatapus, tinawag ni Hakub kay manga anak ag magkun, “Pagpakarani kamu dahil sabihun niku sa kanyu nu hintay ti mangyari sa kanyu sa aratubangun pag panahun.

Hub 19:25

“Dapat alam di niku buhi di kang Manugribri, ag sa uryan rumas-ug siya sa daga agud apinan aku.

Kanta 102:23

Balaw waya ngani natapus kang buhi pagpalumuyun yi aku Panginuun; pagpadag-udun niya kang buhi.

Kanta 2:8

Hagada nimu sa kangku ti manga nasyun tugka sa pinakaarayu pag bahagi kalibutan, ag tupadun niku inda ipakaun sa kanmu.

Kanta 22:27

Ti buu kalibutan makaalala ag bumalik sa kanmu, Panginuun. Sambahun kawu tanan nasakupan tawu sa manga nasyun.

Kanta 22:28

Dahil kawu ti maghari; ag kawu ti magdumara sa manga nasyun.

Kanta 48:2

Marinu kay abwat inda ag magpakaun kasulungan sa buu kalibutan. Inda pag banal pag Bantud Siun imaw ti banwa Makamaskihan pag Hari.

Kanta 68:17

Nagras-ug ti Panginuun Diyus sa kay Balay ginan sa Sinai kaibahan kay linibu manga kalisa.

Kanta 72:8

Mana humari siya ginan sa Namatay pag Dagat tugka sa Dagat Miditiranyu, ag ginan sa Sapa Iyupratis tugka sa pinakaarayu pag bahagi sa kalibutan.

Kanta 86:9

Binwat nimu ti tanan nasyun, ag sumamba sida sa kanmu. Dayawun nida kanmu ngaran.

Kanta 87:1

Ibinungsud Panginuun ti banwa Siun sa banal pag bantud. Pagmahalun niya inda pag banwa higit sa tanan rugar sa Israil.

Isayas 11:10

Rumas-ug ti sirang, ianak ti bag-u pag hari ginan sa linahi ni Dabid imaw ti bumaliw pasandam sa manga nasyun hampay tumipun sida. Tumiripun sida sa kanya, bumaliw may kadayawan ti pag-ulian niya pag rugar.

Isayas 25:6

Sitaay sa Bantud Siun, ti Panginuun Makamaskihan mangalistu usa ka karan-an para sa tanan. Manga masarap pag karan-unun hanggan manga irinmun kay ialistu.

Isayas 27:13

Nu tumunug ti budyung mabisug, magbinalik sa Hirusalim ti magkakurian pag manga Israilita nabihag Asirya ag Ihiptu. Sambahun nida ti Panginuun sa banal pag bantud Hirusalim.

Isayas 30:29

Dapat kamu pag manga nasakupan Diyus manganta, parihu sa pagbuwatun niyu sa yabi sa pista pagdayaw sa Panginuun. Makabaya kamu parihu sa tawu magpatakda sa tunug plawta habang maglakaw atabug sa Bantud Panginuun hampay sambahun siya, ti palalan-iban pag batu Israil.

Isayas 49:6

Magkun siya, “Kawu kang manugsirbi, mayamu waya pag manga buruwatun ti ipabuwat niku sa kanmu, purya sa pagpabalik nimu sa kang pag-alagaan pag manga Israilita. Buwatun waya niku kawu sulu manga nasyun, hampay maribri ti buu kalibutan.”

Isayas 56:5

Pahintulutan niku sida makasaka sa kang Balay ag kilalan-un niku sida subra man sa pagkilala kang ipakaun nu sida nanhinganak. Ag balaw sida malimtan manga tawu hanggan aban.

Isayas 56:7

Darahun niku sida sa kang banal pag bantud ag ati pag pasulungun sa kang balay dararanginan. Tanggapun niku sa kang harandugan kanda manga handug pagsunugun hanggan ti tuhay waya pag handug, dahil kang Balay Diyus ingarnan balay dararanginan manga tawu ginan sa tanan nasyun.”

Isayas 60:3

Pumakarani sa kanmu rayaw ti manga nasyun hanggan kanda manga hari.

Isayas 65:11

Dapat pakurianan niku kamu pag manga nagbugya sa kangku hanggan balaw nagpahalaga sa banal pag bantud niku. Nansagda kamu sa pagpaniwalaan niyu pag manga diyus-diyusan imaw tig pakaun papalad sa kanyu ag mayad pag kapaladun.

Isayas 66:20

Ag darahun nida pauli ginan sa manga nasyun ti tanan niyu manga kasimanwa masakyan sa manga kabayu, manga mula, sa manga kamilyu, sa manga kalisa, ag sa manga karitun. Darahun nida sida sa kang banal pag bantud sa Hirusalim bilang handug sa kangku parihu sa pagbuwatun manga Israilita maghandug sa kangku sa Balay Diyus manga handug karan-unun, mapaulian sa manga malumpiyu pag sukadan.

Isayas 66:23

Sa kada umpisa bulan ag sa kada Sirang Pamahari ti tanan tawu sumamba sa kangku. Aku, ti Panginuun, ti magsabi inda.

Hirimyas 16:19

Magkun aku, “Panginuun, kawu duy ti kabisugan niku ag manug-alaga sa udas may karukuan. Pumakarani duy sa kanmu ti manga nasyun ginan sa buu kalibutan bag-u sumabi sida, ‘Unman may pulus ti manga diyus-diyusan nimi manga ginurang. Unman sida may nabwat una hintay pag kaayadan.

Hirimyas 23:20

Balaw gid madura kang pangagalit tugka sa unman niku magkabuwat kang gustu buwatun. Ag sa uryan sirang, lubus niyu masalman inda.

Hirimyas 26:18

“Katpung si Isikyas ti hari sa Huda, nagbagaw si Mikas taga Murisit tungkul sa pag-ipasabi Panginuun sa tanan taga Huda. Magkun siya, ‘Magkun ti Panginuun Makamaskihan wayakun niya ti Siun, ti banwa Hirusalim. Inda miparihu sa inaradu pag tanman, tap-ukan manga nagkaragba daraka balay ag bumaliw katalunan ti bantud nagpatindugan Balay Diyus.’

Hirimyas 3:17

Sa tida pag udas, ingarnan niyu ti Hirusalim ‘Tukawan hari Panginuun.’ Bag-u ti tanan manga nasyun maniripnan sa Hirusalim hampay dayawun ti ngaran Panginuun. Udyi gid nida sundun ti gustu maraganit ag daut nida pag tagipusuun.

Hirimyas 30:24

Balaw gid madura kang pangagalit tugka sa unman niku magkabwat kang gustu buwatun. Sa manga uryan sirang, masalman di niyu inda.”

Hirimyas 31:12

Umatag sida sa Bantud Siun ag manhuyaw sa kabayaan. Magbarayaan sida dahil sa manga papalad niku sa kanda. Bumaliw abunda ti manga tirigu, ti irinmun ubas, ti lana ulibu ag ti manga hayup nida. Miparihu sida sa halamanan pirmi pagdiligan ag udyi sida utru manrukuan.

Hirimyas 48:47

Dapat rumas-ug ti sirang kuntay ibalik niku ti mayad pag kahamtangan Muab. Aku, ti Panginuun, ti magsabi inda.” Inda ti itinultul tungkul sa Muab.

Hirimyas 49:39

Dapat rumas-ug ti sirang kuntay pabalikun niku ti Ilam sa mayad pag kahamtangan. Aku, ti Panginuun, ti magsabi inda.”

Hirimyas 51:44

Parusahan niku si Bil pag diyus-diyusan sa Babilunya. Ipasuka niku sa kanya kay manga hinalun. Balaw yi siya duludun manga nasyun hampay sambahun. Nagpu yi ti manga alad batu sa Babilunya.

Isikil 38:16

Girahun nimu kang nasakupan manga Israilita parihu sa rurum magsangput sa kanda. Hu, Gug, ipagira niku sa kanmu kang banwa, hampay sa panab-anan nimu maipakilala niku sa manga nasyun kang kabanalan. Bag-u maalaman nida aku ti Panginuun.”

Danyil 10:14

Taynguna, inda yi aku hampay itultul sa kanmu nu hintay ti mangyari sa kanmu manga kasimanwa Israilita sa aratubangun, dahil kanmu pangakakitun tungkul inda sa mangyari aban.”

Danyil 2:28

Dapat may Diyus sa langit makapaliwanag manga madalum pag katutuuhanan. Mahal Hari, sa panab-anan nimu tagin-up, ipinaalam Diyus sa kanmu nu hintay ti mangyari sa aratubangun. Taynguna itultul niku sa kanmu ti manga pangakakitun kanmu nakitan sa tagin-up.

Danyil 2:35

Rargu nidugsak ti tinawu-tawu buwat sa baul, lutuk, galang, pilak, ag gintu. Bag-u nagbaliw wadi upa sa girik-an pag-ipayag durus una naan tag. Dapat ti batu nidugsak sa lulud diyus-diyusan nagbaliw daka pag bantud nagsakup sa buu kalibutan.

Danyil 2:45

Parihu ngani sa kanmu nakitan pag batu nagipak ginan sa bantud (dapat balaw tawu ti naggipak) ti nagrunut sa diyus-diyusan baul, galang, lutuk, pilak, hanggan gintu. “Mahal Hari, ipinasandam duy makamaskihan pag Diyus sa kanmu nu hintay ti mangyari aban sa aratubangun. Imaw tida kanmu tagin-up hanggan kay ibug sabihun. Tutuu gid ti tanan niku sinabi.”

Husyas 3:5

Dapat sa uryan pag manga sirang, mandangup di maan sida sa Panginuun nida Diyus hanggan sa kanda hari linahi ni Dabid. Pumakarani sida sa Panginuun may paggalang dahil sa kay kaayadan.

Sakaryas 14:10

Pantayun ti buu daga ginan sa Giba sa salatan tugka sa Rimun sa kanaway baliwa Hirusalim. Dapat pumirmaminti abwat ti Hirusalim sa kay nagkabugtangan. Ag ulianan inda ginan sa may Sabian ni Binhamin tugka sa rugar nu naan asan ti Un-an pag Sabian, ag atabug sa Suuk pag Sabian; bag-u ginan Bantayaw ni Hananil tugka sa pirigsan ubas hari. Udyi mauman papasun ti Hirusalim, ag ti manga mag-ulian siyun ribri sa kaladalaun.

Sakaryas 14:9

Ti Panginuun ti humari sa buu kalibutan. Siya lang ti kilalan-un Diyus ag udyi may iba waya.

Sakaryas 8:22

“Mayamu pag manga nasakupan ginan sa makamaskihan pag manga nasyun ti umatag sa Hirusalim hampay mandarangin ag mandangup sa kangku.

Sakaryas 8:3

Mamalik aku sa Siun, ti banwa Hirusalim, ag mangulian aku siyun. Nakan ingarnan ti Hirusalim Masurundun pag Daka Banwa ag kang bantud ingarnan Banal pag Bantud.

Malakyas 3:12

Ingarnan kamu mapalad sa tanan pag nasyun, dahil mayad kanyu daga. Aku, ti Panginuun Makamaskihan, ti magbagaw inda.”

Bilang 24:14

Hu, mag-uli yi aku sa kang manga kasimanwa. Dapat pasandaman waya niku kawu nu hintay ti buwatun manga Israilita sa kanmu manga nasakupan sa uryan sirang.”

Binwat 2:17

‘Magkun ti Diyus, “Inda aban kang buwatun sa katapusan panahun. Ibuhus niku kang Ispiritu sa tanan tawu. Bag-u pumurupita kanyu manga anak una lalaki una babayi. Bukasan niku ti naisipan niyu manga kan-akan bag-u aku may ipakakit sa kanda. Ag kanyu manga gurangun lalaki tumagin-up.

2 Timutiyu 3:1

Tandai nimu inda: sa uryan pag kaudasan mangyari ti manga kakurian.

Hibriyu 1:2

Pagka kainda arani yi ti katapusan kalibutan, kay Anak ngap ti nagpadakit sa kay manga binagaw Diyus sa kanta. Ti Anak ti pinili pag manugkarubut sa tanan manga bagay, dahil ginan lang sa kanya pag binwat Diyus ti kalibutan.

2 Pidru 3:3

Un-an gid sa tanan kailangan kanyu alamun kuntay aban sa uryan sirang may manga tawu kanda ugali angay sa kanda mahalay pag kagustuhan naisipan.

Ipinakakit 11:15

Pagka inyup ikapitu pag anghil kay budyung, may manga namaragawan daraka ginan sa langit magkun, “Kanta Panginuun hanggan ti Pinili Diyus Manugribri pag Hari nag-aku yi lubus sa paghari sa bilug kalibutan. Humari siya hanggan waya aban.”

Ipinakakit 20:4

Nakakit aku may manga tukawan hari. Ti manga nakatukaw ati pinakan-an karampatan hampay pumihu sa daut sa mayad. Nakitan diman niku ti karadwa manga tawu pinugutan ulu dahil sa kanda magsarig sa kan Hisus hanggan sa kanda magpadakit Bagaw Diyus. Unman nagsamba sida sa hayup malangas una sa kay tawu-tawu. Unman sida nagtanggap manga marka hayup malangas sa kanda bangas una sa kanda kamang. Binuhi sida hampay maghari kaibahan ni Kiristu sa sulud usa ka libu ka timpu.