Isayas 2:19 - Hanunuu

¹⁹ Malagiw ti manga tawu atabug sa manga lukib sa dirigun hanggan sa manga ukang daga, hampay patagu sa pangagalit Panginuun hanggan sa kay kamaskihan nu tandugun yi niya ti kalibutan.

Isayas 2:19 Iomraidhean Croise

2 Samwil 22:46

Nadala sida, nakan magluwas sida sa kanda manga paratag-an pagtakigan sa dala.

Hub 9:6

Pagtandugun niya ti daga hanggan kay patakinan inda magkahalu.

Kanta 7:6

Panginuun niku Diyus, ta malu duy, pakakitan kanmu pangagalit sa kang manga kalaban magkagalit gid sa kangku, dahil katadlungan diman kanmu paghanapun.

Isayas 13:13

Tandugun niku ti langit hanggan ti kalibutan. Aku, ti Panginuun Makamaskihan, buwatun niku inda sa sirang ipakakit niku kang masyadu pag pangagalit.”

Isayas 2:10

Manga taga Israil, pagpalagiw kamu atag sa manga lukib ag manga kali hampay patagu sa pangagalit Panginuun hanggan sa kay kamaskihan.

Isayas 2:21

Malagiw ngani sida atabug sa manga lukib sa dirigun hanggan sa daraka batu hampay patagu sa pangagalit Panginuun hanggan sa kay kamaskihan nu tandugun yi niya ti kalibutan.

Isayas 24:1

Pagpatingi kamu! Gubaun Panginuun ti kalibutan tugka sa udyi inda makinabangan ag kalatun niya kay manga nasakupan inda.

Isayas 24:18

Ti lumayas dahil sa kadalaan malagpak sa kali, ag masduk ti manga lumuwang siyun. Umuran mabaskug ag matandug kay paratukawan kalibutan.

Isayas 24:19

Gumitlak ti kalibutan ag mabka.

Isayas 30:32

Girahun niya sida. Ag sa kada hampak Panginuun sa kanda, dumungan inda sa tunug pamakaransing hanggan alpa.

Isayas 33:10

Magkun ti Panginuun, “Kumimut yi aku taynguna, ag dayawun aku manga tawu.

Isayas 7:19

Ag inda sida mangulian una naan baliwa: sa matukadun pag manga luung, sa manga lukib manga tunu, sa manga tanum madugi, ag sa manga pasturan.

Hirimyas 16:16

“Dapat sa taynguna, padaran-an dapu niku sida mayamu kalaban ga manga manug-isda kay manmulay sa kanda. Hanggan manugu diman aku manga mangingidu magligaw sa kanda sa manga bantud, sa manga tagudtud ag manga lukib.

Hirimyas 4:29

Sa iringayan manga manugkabayu hanggan manugpana, nalagiw yi sa dala ti manga nasakupan sa kada banwa. Ti iba nalagiw tag sa kabantudan bag-u ti iba dinmayik sa kabatuhan. Ti tanan banwa tinayakan udyi may nasawad mag-uli ati.

Hirimyas 48:28

Pag ighit yi kamu sa kanyu banwa ag pangulian sa yangpas, ga sa manga kalampati magpugad sa manga gil-ang tunu ag mabatu pag rugar.

Isikil 33:27

Aku ti Panginuun Diyus buhi, magsumpa kuntay pihu magkaramatay sa girahan tunda pag nasawad buhi sa daut manga banwa. Ti manga nasawad buhi sa manga karatagan kan-un maraisug manga hayup, bag-u ti iba asan sa kanda manga parataguan hanggan sa lukib magkaramatay sa sarut.

Husyas 10:8

Pandautun ti manga simbahan sa abwat pag manga rugar Abin, imaw ti pinun-an kasalanan manga taga Israil. Umarabwat ti dugihan pag manga ilamnun ag matabunan kanda manga harandugan. Bag-u sumabi sida sa manga bantud, ‘Tabuni kami!’ Ag sa manga tagudtud, ‘Rup-agi kami!’ ”

Mikas 7:17

Manyapang sida sa daga ga ulay dahil sa masyadu pag kay-a. Pabulwat sida sa ukang daga pagtakigan sa dala sa kanmu, Panginuun nimi Diyus.

Nahum 3:11

Katunda diman sa kanyu manga taga Ninibi, bumaliw kamu parihu sa langu unman may alam nu hintay ti magpangyari. Girahun diman kamu niyu kalaban ag manhanap kamu paratag-an sa balaw kamu madakup.

Hagay 2:6

“Aku, ti Panginuun Makamaskihan, ti magsabi udyi dugay kas-a waya maan niku tandugun ti langit hanggan ti kalibutan, ti daga hanggan ti dagat.

Hagay 2:7

Tandugun niku ti tanan nasyun hampay daran-un nida kanda manga kasiyunan sa kang Balay. Nakan mapnu inda pag Balay niku manga mahalaga pag bagay.

Lukas 23:30

Ati katpung pag manga sirang sumabi ti manga tawu sa manga bantud, ‘Tabuni kami!’ Ag sa manga tagudtud, ‘Rup-agi kami!’

2 Tisalunika 1:9

Inda aban ti sintinsiya sa kanda, atag sida sa unman may katapusan pag kadamhakan ag miblag sida sa Panginuun hanggan sa kadayawan niya kamaskihan.

Hibriyu 11:38

Sida nagpakapalibut-libut lang sa pangawakawaan, sa manga kabantudan, sa manga lukib hanggan sa lingkaung daga. Balaw angay kanda ulianan inda pag kalibutan dahil sa kanda katadlungan.

Hibriyu 12:26

Pagka kaybi nagbagaw ti Diyus, natandug ti daga. Dapat taynguna nangaku siya magkun, “Kas-a waya tandugun niku balaw lang ti daga hanggan ti langit.”

Ipinakakit 11:13

Ati katpung pag udas naglinug masyadu gid mabisug. Nawasak ti ikasampulu pag bahagi banwa, pitu ka libu tawu ti namatay sa linug. Ti nasawad pag manga tawu nadala yi masyadu, dinayaw nida ti Diyus sa langit.

Ipinakakit 11:19

Bag-u nabukasan yi ti Balay Diyus sa langit ag nakitan ti Kaban Hugut sa Kasunduan Panginuun. Bag-u nagbalagit ti kilat, nangurarug ti linti, nadnugan ti manga daraka pag ingay, naglinug bag-u nag-uran yilu daraka.

Ipinakakit 16:18

Bag-u kinmilat, may manga ugung, linminti, naglinug masyadu. Inda ti pinakamabisug pag linug ginan sa kabag-u waya pag manga linahi tawu. Masyadu gid ungud mabisug.

Ipinakakit 20:11

Bag-u nakitan niku ti laun pag malagti pag tukawan hari hanggan ti matukawan siti. Naparaw sa kay atubangan ti daga hanggan langit, udyi maan nakitan uman.

Ipinakakit 9:6

Sa sulud tunda pag lima ka bulan magpatigagad yi ti manga tawu sa kamatayan, dapat unman diman sida magkamatay. Gustu gid mana sida mamatay, dapat arayu waya ngap sida sa kamatayan.

1 Samwil 13:6

Pagka nakitan manga Israilita alangan kanda kahamtangan, napatagu sida sa lukib, sa manga basad mailamnun, sa manga batuhan, sa manga ukang hanggan sa tiripunan danum.

1 Samwil 14:11

Pagka nakitan sida duwa ati sa kampuhan manga Pilistiyu, rinminggit ti manga Pilistiyu, “Bantayi niyu ti manga Hibriyu! Magpabulwat yi sida ginan sa kanda paratag-an.”