Isayas 2:12 - Hanunuu

¹² Dahil nagtagka sirang ti Panginuun Makamaskihan nu kapira niya ipakababa ti manga marayabang hanggan ti marapadayaw, ag ti manga maghantup sida makapangyarihan.

Isayas 2:12 Iomraidhean Croise

2 Samwil 22:28

Hu, pag-iribri nimu ti manga mapinakumbabaun, dapat pag-ipaababa nimu ti manga marapadayaw-dayaw.

Hub 24:1

“Hayga unman itinagka Makamaskihan pag Diyus kay udas magpihu sa daut pag manga tawu? Hayga unman mag-akitan manga magkilala sa kanya tunda pag udas sa magpihu?

Kanta 131:1

Panginuun, balaw aku marapadayaw ag marapalabaw. Unman aku maghingbut sa daraka ag mahalaga pag manga bagay balaw niku magkakaya.

Kanta 18:28

Panginuun, kawu kang rayaw. Sa kadudulman, kawu kang sulu.

Kanta 37:13

Dapat pagkasarin-an lang Panginuun ti manga daut, dahil alam niya arani yi ti kaudasan pagsintinsiya.

Kanta 94:2

Kawu ti magsintinsiya sa tanan tawu; nakan, malu, balusi ti manga pudilun angay lang sa kanda.

Kabagawan 16:5

Pagkadat-an Panginuun ti tanan palabi-labihun, ag pihu gid parusahan sida.

Isayas 10:12

Dapat inda ti sinabi Panginuun mangyari nu tapus yi niya buwatun ti laban sa Bantud Siun ag sa Hirusalim: “Parusahan niku ti hari Asirya dahil sa kay magpadayaw ag magpayabang.

Isayas 10:33

Pagpatingi kamu! Ti Panginuun Makamaskihan ti manwayak sa manga taga Asirya sa panab-anan niya makadululaw pag kamaskihan, ga magpungpung lang manga sanga kayu. Ipakababa niya ti manga marapadayaw parihu sa magpukan arabwat pag puun kayu.

Isayas 13:11

Magkun ti Panginuun, “Parusahan niku ti kalibutan dahil sa kay kadautan. Parusahan niku ti manga makasalanan dahil sa kanda kasalanan. Tapusun niku ti kayabangan manga marayabang. Paapasun niku ti pagpalabaw-labaw manga mag-unuunu.

Isayas 13:6

Paglumi kamu, Babilunya, dahil arani yi ti sirang Panginuun, ti sirang pagguba Makamaskihan pag Diyus sa kanyu.

Isayas 13:9

Pagpatingi kamu! Rumas-ug yi ti sirang Panginuun, ti sirang kahigpitan ag masyadu pag pangagalit. Gubaun ti daga tugka sa udyi maulianan, ag ti manga mag-uli ati pag manga makasalanan rurisun.

Isayas 14:15

“Dapat hintay ti nangyari sa kanmu? Dinara kawu sa rugar manga namatay, sa pinaka-abasad pag kali.

Isayas 23:9

Ti Panginuun Makamaskihan ti may gayak inda hampay iababa ti magpadayaw sa kay kapangyarihan hanggan ti manga pagkilalan-un bantug sa buu kalibutan.

Isayas 24:21

Sa ati pag sirang, parusahan Panginuun ti manga makapangyarihan pag linalang sa langit, hanggan ti manga hari sitay sa kalibutan.

Isayas 24:4

Mauga ag mangganit ti daga. Manlumuy ti buu kalibutan hanggan ti manga pagkilalan-un ag makapangyarihan pag tawu.

Isayas 40:23

Pagpaighitun niya sa kapangyarihan ti manga takinan kalibutan ag pagbuwatun unman may pulus.

Isayas 42:15

Tumpagun niku ti manga bantud hanggan ti manga tagudtud, ag marubay ti manga tanum. Pamarahun niku ti manga sapa hanggan ti manga lasaan.

Isayas 5:15

Nakan ipakababa ti tanan tawu, lalu yi ti manga marapadayaw.

Isayas 61:2

Sinugu diman niya aku hampay ibarita kuntay taynguna yi pag panahun pag-iribri Panginuun kay manga nasakupan ag parusahan kanda manga kalaban. Sinugu diman niya aku hampay libangun ti manga maruku sa Siun, sa halip mamauli sida dapug, kurunahan ngap ngatay paulian lana kanda ulu tanda nida kabayaan. Bumaliw sida ga puun kayu matibay itinanum Panginuun. Kilalan-un sida matadlung pag tawu para sa ikadayaw Panginuun.

Hirimyas 12:9

Nagbaliw sida mayagting sa kangku ga manuk manugdagit. Ag sida ngapu magkasangputan manga manuk manugdagit. Tipunun niku ti maraisug pag hayup hampay kan-un sida.

Hirimyas 30:7

Masyadu gid madala nu rumas-ug yi tida pag sirang, unman gid inda may kaparihu. Udas kakurian manga lahi ni Hakub, dapat maribri sida sa uryan baliwa ginan sa tida pag kahamtangan.

Hirimyas 46:10

Dapat manalu ti Panginuun Diyus Makamaskihan sa inda pag girahan. Bumalus siya sa manga kalaban niya sa inda pag sirang. Ti baladaw niya ga lun-us pag hayup humalun sa kanda ag uminum sa dugu nida tugka sa mabsug. Ti manga bangkay nida ga manga handug sa Panginuun Diyus Makamaskihan ati sa daga sa kanaway arani sa Sapa Iyupratis.

Hirimyas 50:31

“Aku, ti Panginuun Makamaskihan, magsabi kalaban niku kawu, Babilunya marapadayaw! Rinmas-ug yi ti sirang parusahan niku kawu.

Isikil 13:5

Unman nida pagpaandaman ti manga tawu. Ga parihu lang sa unman nida pagkaayadun ti nadaut pag manga alad batu Israil hampay tumibay inda pagras-ug girahan, sa sirang pumarusa ti Panginuun.

Danyil 4:37

Nakan taynguna pagdayawun niku ag pagkilalan-un ti Hari langit, dahil hustu ag matadlung ti tanan niya pagbuwatun, ag pag-ipaababa niya ti una si unu ti magpadayaw-dayaw.”

Amus 5:18

Kaawaawa kamu ti magpatigagad sa kasirangan Panginuun. Danga kamu mag-isip kuntay kanyu karibrihan tunda pag sirang, dahil parusahan ngap kamu.

Mikas 2:3

Nakan inda ti pagsabihun Panginuun sa kanyu, “Pagpatingi kamu! Paggayakun niku parusahan kamu, ag balaw gid kamu makaribri. Balaw yi kamu makapadayaw-dayaw dahil sa tunda pag udas rurisun niku kamu.

Mikas 5:11

Dautun niku kanyu banwa hanggan ti manga may alad batu pag banwa.

Sipanyas 1:16

bag-u madnugan ti tunug manga budyung ag ti paragritan manga sundalu maggira sa may alad batu pag manga banwa hanggan sa manga bantayaw nida.

Sipanyas 3:11

“ ‘Sa ati pag sirang sa kang pagparusa, kamu pag manga taga Hirusalim balaw mangay-a sa manga binwat niyu pag kasalanan sa kangku. Dahil bul-un niku ginan sa kanyu ti manga magpalabaw-labaw ag magpayabang-yabang. Nakan unman yi may pumayabang ati sa kang banal pag bantud.

Malakyas 4:1

Magkun ti Panginuun Makamaskihan, “Pihu gid rumas-ug ti sirang kaparusahan. Bumaliw inda ga maglabdaban pugun. Parusahan niku ti tanan mayabang hanggan magbuwat daut parihu sa magtutud dayami. Bumaliw sida ga tinutdan kayu unman gid may nasawad una di sanga hanggan gamut.

Malakyas 4:5

“Pagpatingi kamu! Bag-u rumas-ug ti madala gid pag sirang niku pagparusa, ipadara niku sa kanyu si Purupita Ilyas.

Matiyu 23:12

Una si unu nu magpalabaw-labaw ipaababa ngap Diyus, dapat ay tigpakumbaba imaw ngap ti pahalgaan Diyus.”

Lukas 14:11

Dahil ti kada magpalabaw-labaw ipaababa ag ti mapinakumbabaun ipaabwat.”

1 Kurintu 5:5

Pagka kamu tiripun yi, ipabahala yi niyu sa kan Satanas tunda pag tawu, hampay dautun kay bilug, dapat iribri di kay karadwa sa kaudasan pagras-ug Panginuun Hisus.

1 Tisalunika 5:2

Dahil alam yi waydi niyu ti pagras-ug kaudasan Panginuun parihu sa pagras-ug mananakaw sa yabi.

Santiyagu 4:6

Dapat masyadu diman marig-un kay awat Diyus sa kanta. Dahil magkun ti Banal Kasuratan, “Ti Diyus lumaban sa manga mayabang, dapat mag-awat sa manga mapinakumbabaun.”