Isayas 2:11 - Hanunuu

¹¹ Rumas-ug ti sirang ti Panginuun lang ti dayawun. Ipaababa niya ti palabi-labihun hanggan ti marapadayaw.

Isayas 2:11 Iomraidhean Croise

2 Samwil 22:28

Hu, pag-iribri nimu ti manga mapinakumbabaun, dapat pag-ipaababa nimu ti manga marapadayaw-dayaw.

Kanta 18:27

Hu, pag-iribri nimu ti manga mapinakumbabaun, dapat pag-ipaababa nimu ti manga marapadayaw-dayaw.

Kanta 18:28

Panginuun, kawu kang rayaw. Sa kadudulman, kawu kang sulu.

Kanta 20:8

Tunda pag manga tawu midamhak, dapat kami ngap manalu ag pumarargu marig-un.

Kanta 46:10

Magkun siya, “Apasi yi niyu ti paggira. Ag kilalan-a niyu aku ti Diyus. Kamu pag manga nasyun sa buu kalibutan dumayaw sa kangku.”

Kanta 46:11

Ti Panginuun Makamaskihan kaibahan nita. Ti Diyus ni Hakub imaw kanta darangpan.

Kanta 94:2

Kawu ti magsintinsiya sa tanan tawu; nakan, malu, balusi ti manga pudilun angay lang sa kanda.

Kabagawan 16:5

Pagkadat-an Panginuun ti tanan palabi-labihun, ag pihu gid parusahan sida.

Kabagawan 30:13

May manga tawu masyadu gid marapadayaw, nu magbantay ga si unu yi gid.

Isayas 10:12

Dapat inda ti sinabi Panginuun mangyari nu tapus yi niya buwatun ti laban sa Bantud Siun ag sa Hirusalim: “Parusahan niku ti hari Asirya dahil sa kay magpadayaw ag magpayabang.

Isayas 12:1

Sa ati pag sirang, manganta kamu: “Panginuun, pagdayawun niku kawu. Nagalit kawu sa kangku, dapat unman yi taynguna, ag kainda pagpasulungun yi nimu aku.

Isayas 12:4

Pagras-ug ati pag sirang, manganta kamu: “Dayawa niyu ti Panginuun! Sambaha niyu siya! Tultulan niyu sa manga nasyun kay manga binuwat. Tultulan niyu siya ti kailangan dapat dayawun.

Isayas 13:11

Magkun ti Panginuun, “Parusahan niku ti kalibutan dahil sa kay kadautan. Parusahan niku ti manga makasalanan dahil sa kanda kasalanan. Tapusun niku ti kayabangan manga marayabang. Paapasun niku ti pagpalabaw-labaw manga mag-unuunu.

Isayas 14:15

“Dapat hintay ti nangyari sa kanmu? Dinara kawu sa rugar manga namatay, sa pinaka-abasad pag kali.

Isayas 2:17

Ipakababa ngani niya ti manga marapayabang hanggan ti marapadayaw. Ti Panginuun lang ti maipaabwat sa ati pag sirang.

Isayas 23:9

Ti Panginuun Makamaskihan ti may gayak inda hampay iababa ti magpadayaw sa kay kapangyarihan hanggan ti manga pagkilalan-un bantug sa buu kalibutan.

Isayas 24:21

Sa ati pag sirang, parusahan Panginuun ti manga makapangyarihan pag linalang sa langit, hanggan ti manga hari sitay sa kalibutan.

Isayas 25:9

Nu inda mangyari yi, sabihun manga tawu, “Siya kanta Diyus! Nagsarig kita sa kanya, irinibri niya kita. Siya ti Panginuun kanta pagsarigan. Pagbaya kita ag mandaus dahil irinibri niya kita.”

Isayas 26:1

Sa ati katpung pag sirang inda pag kanta kantahun sa Huda: Marig-un yi kanta banwa! Ti manugribri pag Diyus ga alad batu masangputan sa kanta.

Isayas 28:5

Sa ati pag sirang, ti Panginuun Makamaskihan bumaliw parihu sa marinu pag sangbaw busang kayu para sa kay manga nasawad niya pag manga nasakupan.

Isayas 29:18

Sa ati pag sirang, ti bungul makadnug sa pagbasahun pag ribru. Ag ti buta, kumakit yi, madi unman may mag-akitan nu unman ti kaduluman lang.

Isayas 30:18

Dapat mag-alagad ti Panginuun kamu pumakarani sa kanya hampay kaawaan niya. Alistu di siya iparanas sa kanyu kay pasunaid. Dahil ti Panginuun imaw ti Diyus matadlung, mapalad ti magsarig sa kanya.

Isayas 30:23

Pakan-an kamu Panginuun uran sa panahun tig-taranum, ag bumaliw abunda kanyu tubas. Kanyu manga hayup manharab sa maluang pag pasturan.

Isayas 37:23

Si unu lugud kanmu pagpuyaan ag paglabagun? Si unu lugud kanmu pag paabwatan busis ag pagpayabangan? Unman aw aku, ti Banal pag Diyus Israil?

Isayas 4:1

Sa ati pag sirang, pitu ka babayi ti mangaragawan sa usa ka lalaki ag sabihun nida, “Kami yi ti bahala sa karan-unun ag rutay nimi, asawan-a lang nimu kami hampay balaw kami makakaray-a dahil sa unman kami may asawa.”

Isayas 40:23

Pagpaighitun niya sa kapangyarihan ti manga takinan kalibutan ag pagbuwatun unman may pulus.

Isayas 52:6

Dapat rumas-ug ti sirang maalaman niyu nu si unu aku, dahil aku gid ngap tigbagaw sa kanyu. Hu aku ngani.”

Hirimyas 12:9

Nagbaliw sida mayagting sa kangku ga manuk manugdagit. Ag sida ngapu magkasangputan manga manuk manugdagit. Tipunun niku ti maraisug pag hayup hampay kan-un sida.

Hirimyas 9:24

Una si unu nu magkaibug magpadayaw, kailangan lang niya ipadayaw kuntay nakilala niya ag magkaintindihan kuntay aku ti Panginuun maawaun ti magbuwat kang-ud ag matadlung sitay sa babaw daga, dahil imaw tida ti pagbayaun niku. Aku, ti Panginuun, ti magsabi inda.”

Isikil 38:14

“Nakan Anak tawu, sabihi si Gug aku, ti Panginuun Diyus, magkun: Sa udas mangulian yi may kahusayan kang nasakupan manga Israilita, maalaman nimu inda.

Isikil 38:19

Ag sa masyadu niku pangagalit, pag-isumpa niku manlinug mabaskug sa daga Israil.

Isikil 39:11

“ ‘Sa tunda pag udas, ilubung niku si Gug hanggan kay mayamu manga tawuhan ati sa Israil, sa Karatagan manga Manuglakaw, sa butlakan baliwa Dagat Namatay. Maluang inda pag lulubngan, nakan unman yi makalawuy ti manga maglakaw ati. Ag ingarnan yi inda Karatagan Gurupu ni Gug.

Isikil 39:22

Ag ginan sa tunda pag sirang, maalaman nasakupan Israil aku ti Panginuun nida Diyus.

Danyil 4:34

“Pagkalawuy pitu ka timpu, aku, si Nabukudunusur, nagdangup sa Diyus, ag nagbalik kang daan pagkaisipan. Nakan dinayaw niku ag kinilala ti Kaabwat-abwatan pag Diyus buhi sa unman may katapusan. Nagkumun aku, ‘Kay paghari unman may katapusan.

Husyas 2:16

Magkun ti Panginuun sa manga Israilita, “Sa ati pag sirang niyu pagbalik sa kangku, tawagun niyu aku ‘Kang Asawa’ ag balaw yi niyu aku tawagun ‘Kang Baal.’

Husyas 2:18

Sa ati pag sirang, mantaratu aku sa tanan kalasi hayup kuntay danga kamu pagsakti. Duraun niku sa daga Israil ti manga armas sa labanan, ti manga pamana hanggan baladaw. Dahil sa unman yi may kaguluhan, maturug kamu unman may pagkadalaan kadautan.

Husyas 2:21

Aku, ti Panginuun, magsabi sa ati pag sirang sagutun niku kanyu darangin. Pauranun niku hampay tumubu sa daga

Huwil 3:18

Sa ati katpung pag udas, papaladan niku kamu. Umabunda kanyu bag-u intus ginan sa mayamu pag ubas sa kabantudan, umabunda diman kanyu gatas ginan sa mayamu baka hanggan kambing magharab sa manga tagudtud. Udyi mak-atan kanyu manga laad hanggan sapa. Bumulus ti bulbugan ginan sa Balay Panginuun. Imaw ti maglantap sa manga nak-at pag bululusan danum sa may manga puun akasya.

Amus 9:11

“Rumas-ug ti sirang ipatindug maan niku ti kaharian ni Dabid parihu sa payag nagba. Karinuun niku tunda pag manga nagba. Ipatindug maan niku tunda ag ibalik niku parihu sa kabag-u,

Ubadyas 1:8

Aku, ti Panginuun, magkumun sa udas pakurianan yi niku kamu, rurisun niku ti manga madunung sa kanyu. Madura ti kadunungan sa Idum, ti pag-ingarnan Bantud ni Isaw.

Mikas 2:3

Nakan inda ti pagsabihun Panginuun sa kanyu, “Pagpatingi kamu! Paggayakun niku parusahan kamu, ag balaw gid kamu makaribri. Balaw yi kamu makapadayaw-dayaw dahil sa tunda pag udas rurisun niku kamu.

Mikas 4:6

Magkun ti Panginuun, “Sa ati pag sirang, tipunun niku kang manga pinarusahan pag manga nasakupan niku. Sida ga manga karanidu pilay namululagan. Ti manga nasawad sa kanda buwatun niku makapangyarihan pag nasyun. Ag humari aku sa kanda sa Bantud Siun taynguna ginan hanggan aban.

Mikas 5:10

Magkun ti Panginuun, “Sa ati pag sirang, ipamatay niku kanyu manga kabayu ag dautun niku kanyu manga kalisa.

Sipanyas 3:11

“ ‘Sa ati pag sirang sa kang pagparusa, kamu pag manga taga Hirusalim balaw mangay-a sa manga binwat niyu pag kasalanan sa kangku. Dahil bul-un niku ginan sa kanyu ti manga magpalabaw-labaw ag magpayabang-yabang. Nakan unman yi may pumayabang ati sa kang banal pag bantud.

Sipanyas 3:16

“Sa ati pag sirang, sabihun manga tawu sa kanyu manga taga Hirusalim, ‘Manga nasakupan Siun, danga kamu magkadala; pagpakarig-un kamu.

Sakaryas 9:16

Sa tunda pag sirang, iribri sida Panginuun nida Diyus bilang kay manga karanidu. Ga kabitay yi sida kay ka rinu bantayun sa kanda daga. Parihu sida sa mahalaga pag manga batu magsilinglawan sa kuruna. Bumaliw abunda kanda manga ani hanggan manga irinmun ubas imaw ti pumabaskug sa kanda manga kalay-awan.

Malakyas 4:1

Magkun ti Panginuun Makamaskihan, “Pihu gid rumas-ug ti sirang kaparusahan. Bumaliw inda ga maglabdaban pugun. Parusahan niku ti tanan mayabang hanggan magbuwat daut parihu sa magtutud dayami. Bumaliw sida ga tinutdan kayu unman gid may nasawad una di sanga hanggan gamut.

Lukas 18:14

Magkun si Hisus, “Pagsabihun niku sa kanyu, nuli yi inda pag lalaki pinakan-an siya kahusayan sa atubangan Diyus, dapat tunda pag Parisiyu unman. Dahil ti kada magpalabaw-labaw ipaababa. Dapat tigpakumbaba, ipaabwat ngap Diyus.”

2 Kurintu 10:17

Parihu sa pagsabihun sa Banal Kasuratan magkun, “Una hintay pag tawu nu magkaibug magpadayaw, pagti Panginuun gid kay ipadayaw.”

2 Kurintu 10:5

Dahil kanmi pagdautun ti salan pag manga baragawun, pagbinsilun nimi ti tanan magpalabaw laban sa kadunungan Diyus. Pagbihagun nimi ti kada pag-iisip hampay pasakup yi sa kan Kiristu.

2 Tisalunika 1:10

Mangyari tunda sa kaudasan niya pagras-ug aban hampay dayawun siya tanan manga napasakup sa kanya ag hampay sambahun siya sa karaw-an tanan manga magsarig sa kanya. Mibilang diman kamu ati, dahil tinanggap niyu ti Mayad pag Barita kanmi itinudlu sa kanyu.

1 Pidru 5:5

Kamu duy pag manga udwaya masyadu kanyu idad, kailangan pagpasakup kamu sa manga manug-asiwa iglisya. Pagparasakpan kamu tanan magsirirbihan kamu sa usa kag sa usa. Angay sa isinurat sa Banal Kasuratan magkun, “Ti Diyus lumaban sa mayabang-yabang, dapat pakan-an niya kaayadan ti mapinakumbabaun kay naisipan.”