Isayas 19:25 - Hanunuu

²⁵ Papaladan sida Panginuun Makamaskihan magkumun, “Pagpapaladan niku ti manga taga Ihiptu kang manga nasakupan, ti manga taga Asirya kang linalang, hanggan ti manga taga Israil kang magkaapu.”

Isayas 19:25 Iomraidhean Croise

Kanta 100:3

Kilalan-un niyu ti Panginuun imaw ti Diyus! Siya ti naglalang sa kanta ag kanya kita. Nasakupan niya kita kay pag-alagaan parihu sa manga karanidu.

Kanta 115:15

Mana papaladan kamu Panginuun imaw ti naglalang sa kalangitan ag sa kalibutan.

Kanta 138:8

Panginuun, pagtupadun nimu kanmu manga turunu sa buhi niku. Kanmu pagmahal unman may katapusan. Tupada kanmu inumpisahan binwat.

Isayas 19:24

Sa ati pag sirang, magkaraminsan ti Israil, ti Ihiptu, hanggan ti Asirya. Inda pag tulu ka nasyun bumaliw papalad sa buu kalibutan.

Isayas 27:13

Nu tumunug ti budyung mabisug, magbinalik sa Hirusalim ti magkakurian pag manga Israilita nabihag Asirya ag Ihiptu. Sambahun nida ti Panginuun sa banal pag bantud Hirusalim.

Isayas 29:23

Dahil nu nakitan nida ti manga binwat niku, galangun nida aku, ti Banal pag Diyus ni Hakub. Ag magkaimaw sida dala sa kangku, sa Diyus Israil.

Isayas 45:11

Inda waya ti pagsabihun Panginuun, ti Banal pag Diyus Israil, ti naglalang sa kanya, “Magriklamu aw kamu sa kang manga pagbuwatun? Pagsuguun aw niyu aku sa manga dapat niku buwatun?

Isayas 45:14

Magkun ti Panginuun sa Israil, “Masakup nimu ti Ihiptu, ti manga taga Itiyupya hanggan ti manga taga Siba kanda kalalakihan arabwat. Ataytag sida sa kanmu dara kanda kayamanan hanggan manga inani. Sida bumaliw bihag nimu. Manluhud sida sa kanmu ag sumabi, ‘Tutuu ungud ti Diyus kaibahan nimu, siya lang ti Diyus!’ ”

Isayas 60:21

Ti tanan nimu nasakupan bumaliw matadlung, ag sida yi ti umapu daga Israil hanggan aban. Binwat niku sida ga halaman kang itinanum para sa kang kadayawan.

Isayas 61:9

Kanda linahi mibantug sa manga nasyun. Ti tanan makakit sa kanda sumabi sida pag manga tawu pinapaladan Panginuun.”

Isayas 63:17

Panginuun, hayga kami kanmu pinahintulutan pumakarayu sa kanmu manga palakaw? Hayga pagpaganitun nimu kanmi tagipusuun imaw ti nagtiklud sa kanmi hampay balaw kami gumalang sa kanmu? Pagbalik duy kawu sa kanmi, dahil kami kanmu manugsirbi ag para lang sa kanmu.

Isayas 64:8

Dapat Panginuun, kawu di gid kanmi Ama. Parihu kawu sa manugbuwat anglit, ag kami waydi parihu sa lutuk. Kawu ti nagbuwat sa kanmi tanan.

Isayas 65:23

Balaw sida manarabahu sa ud may makinabang hanggan kanda manga anak balaw may malakawan kamalasan. Dahil sida manga tawu pagpapaladan Panginuun. Hanggan kanda manga anak kaibahan nida papaladan diman.

Hirimyas 10:16

Dapat kay Diyus ni Hakub balaw parihu sa kanda. Siya ti nagbuwat tanan pag manga bagay, hanggan Israil, kay sadili pag nasakupan. Panginuun Makamaskihan kay ngaran.

Hirimyas 2:7

Ati ginan dinara niku sida sa marinu pag daga hampay makakinabang sa abunda pag patubas. Dapat pagka ati yi sida, inuringan nida ti magkaapu niku pag daga bag-u binuwat nida inda mayagting.

Husyas 2:23

Sa tunda pag panahun mangulian kamu sa kanyu daga bilang kang nasakupan. Ipakakit niku kang pangaawa sa kanyu manga pag-ingarnan Lu Ruhama. Ag kamu pag manga pag-ingarnan Lu Ami ingarnan diman niku kamu kang nasakupan, ag sumabi kamu aku kanyu Diyus.”

Sakaryas 8:13

Manga nasakupan Huda ag Israil, pagsaadan kamu iba manga nasyun. Dapat iribri niku kamu ag bumaliw papalad kamu sa kanda. Nakan danga kamu magkadala, pagpakarig-un kamu.”

Bilang 24:1

Pagka naisipan ni Balaam kay gustu Panginuun papaladan ti Israil, balaw yi siya magpanhula ga kay pagbuwatun kaybi. Bagkus ngap, napasrangu siya tag sa pangawakawaan,

Bilang 6:24

‘Papaladan kamu Panginuun ag giyahan niya kamu.

Bilang 6:27

“Sa katida pag paraan maipaburayhaw nida sa manga Israilita nu si unu aku, ag papaladan niku sida.”

Ruma 3:29

Ti Diyus lugud Diyus lang aw manga Hudiyu? Unman aw lugud siya Diyus diman manga balaw Hudiyu? Balaw unman, Diyus diman ngap siya manga balaw Hudiyu.

Galasya 6:15

Balaw mahalaga una tinuri una unman tinuri ti usa ka tawu. Ti mahalaga lang nu siya bag-u linalang.

Ipisu 1:3

Pagpasalamat kita sa Diyus Ama nita Panginuun Hisu-Kiristu. Ipinakaun niya sa kanta ti tanan ipinapalad Ispiritu Banal sa langit dahil sa kanta magpakiusa sa kan Kiristu.

Ipisu 2:10

Kita hinuman Diyus niusa sa kan Kiristu Hisus hampay itigana nita kanta buhi bilug sa buruwatun mayad, imaw kay ihinanda Diyus kaybi waya ginan hampay kanta ugaliun.

Diyuturunumiyu 32:9

Dahil pinili Panginuun ti manga linahi ni Hakub bilang kay manga nasakupan.

Pilipus 1:6

Alam niku pihu gid tapusun Diyus hanggan sa udwaya kaudasan pagbalik ni Kiristu Hisus ti mayad pag tarabahu kay inumpisahan sa kanyu.

1 Pidru 2:10

Nu kaybi di waya gid kamu bukun kay nasyun Diyus, taynguna bay kamu kay yi pinili hampay kay nasakupan. Kaybi kamu kay inirangan balaw pagkaawaan. Dapat taynguna kamu kay kinaawaan.