Isayas 19:23 - Hanunuu

²³ Sa ati pag sirang, magkaimaw daka pag dalan ginan sa Ihiptu atabug sa Asirya. Ti manga taga Ihiptu hanggan ti manga taga Asirya pabalik-balik sa Ihiptu ag sa Asirya, bag-u mirinsan sida mansamba.

Isayas 19:23 Iomraidhean Croise

Kanta 87:4

Magkun siya, “Nu ilista ti manga nasyun magkilala sa kangku, iminsan niku ti Ihiptu ag ti Babilunya, hanggan diman ti Pilistiya, ti Tiru, ag ti Itiyupya. Iminsan niku kanda manga nasakupan kuntay tinubu sa Siun.”

Isayas 11:11

Sa ati pag sirang utru gamitun Panginuun kay kamaskihan hampay pauliun ti manga nasawad pag nasakupan niya dinara-bihag sa Asirya, sa Ihiptu, sa Patrus, sa Itiyupya, sa Ilam, sa Babilunya, sa Hamat ag sa iba waya rugar arayu.

Isayas 11:16

Nu kabitay ti maluang pag dalan paglakawan nasakupan Israil katpung nighit sida ginan sa Ihiptu, may imaw diman maluang pag dalan para sa manga nasawad niya pag manga nasakupan sa Asirya.

Isayas 19:24

Sa ati pag sirang, magkaraminsan ti Israil, ti Ihiptu, hanggan ti Asirya. Inda pag tulu ka nasyun bumaliw papalad sa buu kalibutan.

Isayas 2:3

Sabihun nida, “Atag yi kita sa bantud Panginuun, sa Balay Diyus, Diyus ni Hakub. Tudluan niya kita ati angay sa kay kagustuhan hampay sundun nita.” Dahil ti Kasuguan Panginuun ginan sa Siun, ag ti bagaw Panginuun ginan sa banwa Hirusalim.

Isayas 27:13

Nu tumunug ti budyung mabisug, magbinalik sa Hirusalim ti magkakurian pag manga Israilita nabihag Asirya ag Ihiptu. Sambahun nida ti Panginuun sa banal pag bantud Hirusalim.

Isayas 49:11

Buwatun niku lakawan nida kang manga bantud. Ti manga rugar arabwat bumaliw baklayan.

Isayas 49:7

Ti Panginuun, ti Manugribri ag Banal pag Diyus Israil, magkun sa tawu pagpuyaan ag pagkayagtingan manga nasyun hanggan manugsirbi manga takinan, “Makitan manga hari nu si unu gid ungud kawu ag tumindug sida hampay galangun kawu. Ti manga takinan yumuk-ub sa kanmu. Mangyari inda dahil sa kangku, ti Panginuun matinupadun, ti Banal pag Diyus Israil. Aku ti nagpili sa kanmu.”

Isayas 62:10

Manga taga Hirusalim, pagluwas kamu sa kanyu puwirtahan banwa, ialistu niyu ti lakawan niyu iba waya pag manga kakilala. Rayawa niyu kanda lakawan. Bul-a niyu kay manga batu, pagpatindug kamu bandira magpakilala sa manga tawu pinauli yi Panginuun kay manga nasakupan.

Isayas 66:23

Sa kada umpisa bulan ag sa kada Sirang Pamahari ti tanan tawu sumamba sa kangku. Aku, ti Panginuun, ti magsabi inda.

Mikas 7:12

Sa tunda diman pag manga kaudasan, umatag sa kanyu ti manga tawu ginan sa Asirya hanggan sa manga banwa Ihiptu, bag-u ginan sa Ihiptu tugka sa Sapa Iyupratis, hanggan ginan sa ararayu pag manga rugar.