Isayas 19:12 - Hanunuu

¹² Hari Ihiptu, naan yi taynguna ti manga matinudukun nimu pag tawu? Nu ungud matinudukun sida, ipaingana nimu nu hintay ti gayak Panginuun Makamaskihan para sa Ihiptu.

Isayas 19:12 Iomraidhean Croise

Isayas 14:24

Nanumpa ti Panginuun Makamaskihan magkun, “Matupad kang manga gayak, mangyari gid kang manga pasya.

Isayas 44:7

Si unu ti makaparihu sa kangku? Tultulan niya sa kang atubangan nu hintay ti nangyari ginan sa ipinatindug niku usa ka nasyun kang nasakupan sa kabag-u pag panahun. Tultulan diman niya sa kangku nu hintay ti mangyari sa aratubangun.

Isayas 5:21

Kaawaawa kamu, kamu pag manga mag-isip madunung ag matinudukun.

Hirimyas 2:28

Hayga? Naan yi ti manga diyus binuwat niyu para sa kanyu sadili? Tawagun niyu sida nu kaya nida kamu iribri sa kakurian niyu. Pagkayamu kanyu manga diyus, parihu kay kayamu sa manga banwa sa Huda.

Ubadyas 1:8

Aku, ti Panginuun, magkumun sa udas pakurianan yi niku kamu, rurisun niku ti manga madunung sa kanyu. Madura ti kadunungan sa Idum, ti pag-ingarnan Bantud ni Isaw.

Ruma 9:17

Dahil sa Banal Kasuratan kay sabi Diyus sa hari Ihiptu, “Binwat niku kawu hari hampay sa panab-anan nimu pag-ipakakit niku kang kamaskihan ag hampay milantag kang ngaran sa usa ka kalibutan.”

1 Kurintu 1:20

Naan yi nguna ti madunung, naan ti manga manugtudlu Kasuguan? Naan ti marahusay magdibati sitay sa kalibutan? Unman aw binwat Diyus unman may kabuluhan ti kadunungan taga kalibutan?

Talaghusay 9:38

Nagsagut si Sibul sa kanya, “Naan yi kainda kanmu pag-ipayabang? Balaw aw lugud magkun kawu, ‘Si unu gid lugud si Abimilik ag magpasakup kita sa kanya?’ Taynguna asan yi kanmu pag-ihid-ihidun! Hayga unman kawu lumaban sa kanda?”