Isayas 18:6 - Hanunuu

⁶ Rurisun Diyus ti manga taga Itiyupya, ag kanda manga bangkay pabay-anan sa manga manuk manugdagit ag maraisug hayup. Bumaliw karan-unun sida manga manuk sa tungud sa udas tig-irinit ag maraisug pag hayup sa udas tigraramig.

Isayas 18:6 Iomraidhean Croise

Isayas 14:19

Dapat kawu, iyamut kanmu bangkay parihu sa sanga unman may pulus. Balaw kawu ilbung sa kanmu lulubngan, nu unman ilagpak kawu sa mabatu pag ukang bag-u tap-ukan kaibahan manga bangkay manga sundalu namatay sa girahan. Miparihu kawu sa bangkay pagtatatataan manga tawu.

Isayas 23:13

Bantayi niyu ti daga manga taga Babilunya. Naan yi inda kay manga nasakupan? Ginira tunda taga Asirya ag dinaut ti manga mapag-un pag bahagi. Pinabay-anan nida tunda guba ag nagbaliw ulian wadi manga maila hayup.

Isayas 46:11

Manawag aku usa ka tawu ginan sa butlakan sa arayu pag rugar, siya ti bumuwat kang manga gayak. Maipaparihu niku siya sa usa ka manuk manugdagit. Buwatun niku kang manga pagsabihun hanggan kang ginayak.

Isayas 56:9

Pagpakarani kamu, kamu tanan pag manga nasyun ga manga maraisug hayup, rurisa niyu ti nasakupan Israil.

Hirimyas 15:3

Aku, ti Panginuun, magkun ipadara niku sa kanda ti upat ka kalasi manugpapas: Magkaramatay sida sa girahan, guyudun manga idu kanda manga bangkay, tindukun sida manga manuk ag ti magkasawad pag manga bangkay nida hirutun maraisug pag hayup.

Hirimyas 16:4

Magkaramatay sida sa mahigpit pag sakit. Unman may manhimanglaw ngatay may manlubung sa kanda manga bangkay. Mangalat kanda manga bangkay sa babaw daga ga manga ugat. May manga magkaramatay sa girahan ag lun-us, kanda manga bangkay kan-un manga manuk ag manga maraisug hayup.”

Hirimyas 7:33

Ti manga bangkay niku nasakupan tindukun manga manuk ag kan-un manga maraisug pag hayup, unman may mamugaw una si unu sa kanda.

Isikil 31:13

Ti tanan kalasi manuk umapun sa kay naplid puun, bag-u manpahari ti manga talun hayup sa kay sirung manga sanga mawayakan.