Isayas 18:4 - Hanunuu

⁴ Dahil inda ti pagsabihun sa kangku Panginuun, “Ginan sa kang tukawan, maariwaya aku magbantay ga magrayaw init sa karaw-an sirang, ga sa magkabuu anitay sa maaringahut panahun tig-arani.”

Isayas 18:4 Iomraidhean Croise

2 Samwil 23:4

parihu sa rayaw sirang magbutlak sa surip balaw magal-um, magpasinay sa manga ilamnun nauranan!’

2 Krunika 6:21

Patingihi duy kang manga paghagadun hanggan ti paghagadun nimu manga nasakupan Israilita nu sida mandarangin maatubangan sa siyun pag rugar. Patingihi nimu kami asan sa kanmu ulian sa langit. Ag nu masaydan nimu kami, patawada duy nimu kami.

Kanta 72:6

Mana pumarihu siya sa uran magpakaun danum sa daga.

Kabagawan 19:12

Ti pangagalit hari parihu sa ngurub liyun, dapat kay kaayadan parihu sa tun-ug magpakaun danum sa manga halaman.

Isayas 12:6

Panringgit kamu ag pagkanta sa kabayaan, kamu pag manga taga Siun. Dahil makamaskihan ti Banal pag Diyus Israil sa kanyu arani.”

Isayas 14:32

Hintay ti isagut nita sa manga sinugu tunda pag nasyun? Sabihun nita sa kanda ti Panginuun ti nagpatindug Siun, siyun pag palan-ib ti manga magkakurian niya pag manga nasakupan.

Isayas 18:7

Dapat rumas-ug ti sirang tumanggap ti Panginuun Makamaskihan manga handug ginan sa inda pag daga tinunga manga sapa. Kay manga nasakupan inda arabwat ag malitis kay lukub, makapangyarihan, ag pagkadalaan una naan. Daran-un nida kanda manga pamakaun sa Bantud Siun, nu naan pagsambahun ti Panginuun Makamaskihan.

Isayas 26:19

Dapat utru mabuhi kanmu manga nasakupan namatay. Bumangun kanda manga bangkay ag kumanta sa kabayaan. Nu kabitay ti tun-ug magparamig sa daga, kawu diman Panginuun ti utru bumuhi sa manga namatay.

Isayas 26:21

Dahil rumas-ug yi siya ginan sa kay ulian hampay parusahan ti manga tawu sa kalibutan dahil sa kanda kasalanan. Ipalwang daga ti manga tawu minatay, ag balaw yi niya itagu waya.

Isayas 31:9

Malagiw kanda manga sundalu dahil sa kadalaan ag kanda manga takinan udyi alam kanda buwatun nu makitan nida ti bandira nida manga kalaban. Tunda ti pagsabihun Panginuun, kay apuy maglabdaban sa Siun, ti banwa Hirusalim.

Isayas 46:13

Balaw yi dumugay, ipakaun niku ti panalu hanggan ti katadlungan sa Hirusalim. Arani yi niku inda iribri; kilalan-un niku ti Israil.

Isayas 57:15

Inda waya ti pagsabihun Kaabwat-abwatan pag Diyus, ti Banal pag Diyus buhi hanggan aban: “Mag-uli aku sa abwat ag banal pag rugar, dapat mag-uli diman aku kaibahan manga tawu mapinakumbabaun ag mapinatawadun, hampay sida kang pabisugun.

Husyas 14:5

Papaladan niku ti manga taga Israil; bumaliw parihu aku sa tun-ug magpakaun danum sa manga tanum. Lumangba sida parihu sa tanum liryu magbusang. Rumig-un sida parihu sa kayu sidru sa Libanun kay manga gamut arabasad.

Husyas 5:15

Pagkatapus, bumalik aku sa kang rugar tugka sa akuun nida kanda manga kasalanan. Ag mandangup gid sida sa kangku sa kanda kakurian.”

Huwil 3:17

“Maalaman niyu manga taga Huda kuntay aku, ti Panginuun niyu Diyus, mag-uli sa Siun, sa kang banal pag bantud. Bag-u bumaliw maan banal ti Hirusalim; udyi umanun girahun taga iba nasyun.

Amus 3:7

Sa tutuu, unman magbuwat ti Panginuun Diyus una hintay nu unman niya inda ipinasandam sa kay manga manugsirbi pag manga purupita.