Isayas 18:2 - Hanunuu

² Siyun ginan pag rugar may manga manugbarita masakyan sa sarakyan buwat sa anyamu ag maglakaw sa Sapa Nilu. Kamu pag manga maraliksi pag manugbarita, pagbalik yi kamu sa kanyu daga tinunga manga sapa. Pagbalik yi kamu sa kanyu manga nasakupan arabwat ag malitis kay lukub, manga tawu makapangyarihan ag pagkadalaan una naan.

Isayas 18:2 Iomraidhean Croise

2 Krunika 14:9

Naglakaw si Sira taga Itiyupya kaibahan ti mayamu pag sundalu niya hanggan ti 300 kalisa hampay girahun ti Huda. Nakaras-ug sida tugka sa Marisa.

2 Krunika 16:8

Magkahimatun-an di aw nimu nu unu ti nangyari sa manga taga Itiyupya ag taga Libya, kanda manga sundalu, manga kalisa, ag manga manugkabayu masyadu mayamu? Pagka ati pag panahun, nagsarig kawu sa Panginuun, ag ipinatalu niya sida sa kanyu.

Hub 9:26

Ungud, madali maglawuy kang buhi; parihu kabisug sa usa ka mag-ibuslug pag sarakyan pandagat aw ngatay ngap ga agila magdagit karan-unun.

Pag-ighit 2:3

Dapat pagka udyi niya mag-itagu ti lapsag, binmuul siya ga duyan-duyan pinangawat sa aynu ag pinayidan alkitran. Bag-u isinukad niya ti lapsag sa duyan-duyan ag pinayataw sa danum sa may maaynu sa saruy Sapa Nilu.

Isayas 18:7

Dapat rumas-ug ti sirang tumanggap ti Panginuun Makamaskihan manga handug ginan sa inda pag daga tinunga manga sapa. Kay manga nasakupan inda arabwat ag malitis kay lukub, makapangyarihan, ag pagkadalaan una naan. Daran-un nida kanda manga pamakaun sa Bantud Siun, nu naan pagsambahun ti Panginuun Makamaskihan.

Hirimyas 49:14

Nadnugan niku ti barita ginan sa Panginuun kuntay nagpadara siya sinugu sa manga nasyun hampay paalistuhun sida sa girahan ag garyahun sida girahun ti nasyun Idum.

Isikil 30:9

“Sa tunda pag udas, manpadara aku manga manugtultul masakyan sa manga barku hampay padalaun ti manga taga Itiyupya balaw may paghintayun. Madala gid sida sa udas ipadamhak ti Ihiptu, dahil pihu gid rumas-ug tunda pag udas.”

Ubadyas 1:1

Inda ti sinabi Panginuun Diyus tungkul sa nasyun Idum sa panab-anan ni Ubadyas. Nadnugan nita, manga Israilita, ti barita ginan sa Panginuun, nagsugu siya manugbarita tabug sa manga nasyun hampay garyahun sida girahun ti nasyun Idum.

Habakuk 1:7

Pagkadalaan gid sida manga tawu. Pagbuwatun nida kanda pagkaibgan buwatun ag unman may makaampara sa kanda.

Lukas 10:19

Malu, inintirga yi niku kang kamaskihan sa kanyu hampay tat-an niyu ti manga ulay hanggan alutatip, hampay manalu kamu sa tanan kamaskihan ni Satanas ag unman may makadisgarasya sa kanyu.