Isayas 17:3 - Hanunuu

³ Mawayak ti manga inaladan batu pag manga banwa Israil, ag madura ti kapangyarihan Damasku. Ti madangtan manga masawad sa Aram parihu sa nadangtan manga taga Israil. Aku, ti Panginuun Makamaskihan, ti magsabi inda.

Isayas 17:3 Iomraidhean Croise

2 Hari 16:9

Nagpasnu ti hari Asirya sa pakihampang ni Akas, nakan ginira niya ti Damasku ag nasakup inda. Dinara niya sa Kir kay manga nasakupan siyun bilang manga bihag, ag minatay niya si Risin.

2 Hari 17:6

Pagka sa ikasiyam pag timpu kay maghari ni Husyas, nasakup hari Asirya ti Samarya, ag dinara niya ti manga taga Israil sa Asirya bilang manga bihag. Ipinatahan niya sida sa banwa Hala, sa manga rugar arani sa Sapa Habur sa Gusan, hanggan sa manga banwa manga Midyanita.

Isayas 10:9

Hintay ti pagkatuhay Karkimis ag Kalnu, hanggan Arpad ag Hamat, bag-u Damasku ag Samarya? Sida tanan pararihu niku winayak.

Isayas 16:14

Ag taynguna, inda kay pagsabihun, “Sa sulud tulu ka timpu, madura ti kayamanan Muab ag miuli sa kakay-ahan kay manga nasakupan. Pira-pira lang ti masawad buhi sa manga nasakupan niya ag manga malumuy waya.”

Isayas 17:4

“Pagras-ug ati pag sirang, madura yi ti kapangyarihan Israil, ag kay manga kayamanan matulsan kakurian.

Isayas 25:2

Winayak nimu ti manga banwa taga iba nasyun hanggan ti may manga alad batu. Winayak diman nimu ti manga mapag-un pag bahagi nida banwa, udyi nida maipatindug utru.

Isayas 7:16

Dapat bag-u siya dumunung magkilala sa mayad ag sa daut, ti rugar duwa ka hari kanmu pagkadalaan, Akas, pihu gid madaut ag pabay-anan yi lang.

Isayas 7:8

Dahil ti Damasku takinan lang banwa Aram, ag si Risin sa Damasku lang pag hari. Ag ti Samarya takinan lang banwa Israil, si Pika kay anak ni Rimalya sa Samarya lang pag hari. Tungkul waydi sa Israil, mawayak inda sa sulud 65 ka timpu, ag balaw yi inda ingarnan nasyun. Nu balaw marig-un kanyu pagsarig sa Diyus, pihu midamhak kamu.’ ”

Isayas 8:4

Ag dumunung ti anak umingaran ‘amang’ aw ngatay ‘inang,’ ti kayamanan Damasku ag ti manga inagaw Samarya bul-un di hari Asirya.”

Husyas 1:4

magkun ti Panginuun sa kan Husyas, “Ingarni ti anak Hisriil, dahil udyi dumugay parusahan niku ti hari Israil dahil sa manga binwat pagmatay niya ginurang si Hihu sa banwa Hisriil. Duraun niku ti kaharian Israil.

Husyas 1:6

Namuduy maan si Gumir ag nanganak babayi. Magkun ti Panginuun sa kan Husyas, “Ingarni ti anak Lu Ruhama, dahil balaw niku kaawaan ngatay patawadun ti nasakupan Israil.

Husyas 10:14

rumas-ug sa kanyu manga nasakupan ti girahan ag magkaradaut kanyu manga banwa may alad batu. Buwatun niyu manga kalaban ti binwat ni Salman sa banwa Bit Arbil — rinunut niya ti manga ina hanggan kanda manga anak.

Husyas 3:4

Dahil kay ibug sabihun, maduraan hari hanggan takinan ti nasakupan Israil sa kadugayun pag panahun. Maduraan diman manga handug hanggan aramirawan pag batu, katunda diman ti ipud garamitun sa panhula hanggan ti manga diyus-diyusan.

Husyas 8:8

Ti Israil ga kinaun iba nasyun. Taynguna magpaamut yi siya sa kanda, parihu siya sa gamit unman may pakinabang.

Husyas 9:11

Manga taga Israil, kanyu kadayawan madura ga manuk lumayang. Unman yi mamuduy ag magkaanak kanyu manga kababayihan.

Amus 8:14

Kamu pag manga magsumpa sa ngaran manga diyus-diyusan Samarya, Dan hanggan Biirsiba, rurisun kamu ag balaw yi kamu makabangun.”