Isayas 17:14 - Hanunuu

¹⁴ Sa yabi magpamgas sida kadalaan, dapat igu surip rinuris sida. Tunda ti mangyari sa manga maggira sa kanta ag magbuul kasiyunan nita.

Isayas 17:14 Iomraidhean Croise

2 Hari 19:3

Magkun sida sa kan Isayas, “Inda ti pagsabihun ni Isikyas: ‘Mag-agwanta kita taynguna pag udas; pagparusahan ag pagpakay-ahun kita. Parihu kita sa magpanganak unman yi may kusug ilusad kay anak.

2 Hari 19:35

Pagka yabi, nag-atag ti anghil Panginuun sa kampu manga taga Asirya ag minatay niya ti 185,000 ka sundalu. Pagkasurip, igu nipulaw ti manga nasawad buhi, nakitan nida ti mayamu pag manga bangkay.

Hub 20:29

Imaw inda ti kapaladun daut pag tawu angay sa itinagka Diyus sa kanya.”

Kanta 37:36

Dapat sa uryan namatay siya; nadura yi siya. Pagligawun niku siya, dapat balaw yi niku siya nakitan.

Kabagawan 22:23

dahil ti Panginuun ti manug-apin sa kanda. Una hintay ti buwatun niyu daut sa kanda buwatun diman Panginuun sa kanyu.

Isayas 10:25

Dahil balaw yi dumugay madura yi kang pangagalit sa kanyu ag sa kanda maan niku inda pag ibuhus tugka sa magkaramatay sida.

Isayas 21:12

Sinmagut aku, “Magkasurip yi pat-ay magras-ug yi maan ti yabi. Nu gustu nimu mamaingana utru pagbalik yi lang kawu.”

Isayas 29:2

Dapat lusubun niku tunda, ag manlulumian ag manhirinangbitun kay manga nasakupan. Para sa kangku, ti buu banwa bumaliw ga harandugan punu dugu.

Isayas 29:5

Dapat rumas-ug ti sirang ti mayamu niya pagkalaban bumaliw ga galbuk ngatay upa palidun durus. Kadaka inda mangyari sa kanda.

Isayas 29:7

Madura ga tagin-up ti mayamu pag nasyun maggira sa Hirusalim ag magpan-guba manga alad batu. Sida ga tawu magtagin-up magkaun, dapat ay pagka nipulaw magkalun-us diman, ngatay parihu sa tawu magtagin-up mag-inum, dapat ay pagka nipulaw magkauwaw diman.”

Isayas 30:28

Kay arup ga sa mabisug pag bulus mag-aput di tugka sa liug. Rurisun niya ti manga nasyun ga pagsaraun tirigu. Ga manga hayup sida pinaulian rinda pagguyudun.

Isayas 33:1

Kaawaawa kamu pag manga manugwayak udwaya nakalakaw pagkawayak. Kaawaawa kamu pag manga madaya, udwaya nakalakaw dinaya. Nu tapus yi kanyu magpanwayak hanggan magpandaya, kamu waydi ti wayakun ag dayaun.

Isayas 33:18

Maimatun-an niyu ti madala pag sirang pagka rinmas-ug sa kanyu ti manga takinan taga Asirya ag binilang kanyu manga bantayaw ag nu pira ka kasiyunan ti mab-ul nida sa kanyu.

Isayas 34:17

Siya ti mamakaun daga sa manga hayup imaw kanda ulianan. Mapasa-kanda inda, ag ati sida pag muli hanggan aban.

Isayas 41:12

Una ligawun nimu kanmu manga kalaban balaw yi nimu sida makitan. Sida ti manga maglaban sa kanmu bumaliw unman may pulus.

Hirimyas 2:3

Kamu pag manga Israilita ipinablag para sa kangku. Ga kamu ti pinakaun-an burak ipinakaun sa kangku. Pinarusahan niku ti manga nag-unuunu sa kanyu, ag nidamhak sida. Aku, ti Panginuun, ti magsabi inda.’ ”

Hirimyas 49:10

Dapat bul-un ti tanan kasiyunan manga sinulput ni Isaw. Bul-un niku ti taklub pagpatag-an nida hampay balaw yi sida makapatagu. Magkaramatay ti manga anak, katawuhan ag manga kamalay nida. Unman may masawad sa kanda.

Isikil 39:10

Balaw yi kailangan mangayu waya sida sa karatagan ngatay sa katalunan, dahil may manga armas yi sida pamagba. Nakan agawan diman nida tunda pag manga nangagaw sa kanda. Aku, ti Panginuun Diyus, ti magsabi inda.

Sakaryas 2:12

Ag apuun maan Panginuun ti Huda bilang kay bahagi sa banal pag daga Israil. Ag ti Hirusalim baliwun diman niya kay pinili pag banwa.

Talaghusay 5:31

“Nakan Panginuun, mana maruris ti tanan nimu manga kalaban. Dapat mana ti manga magmahal sa kanmu bumaliw parihu sa init magsinggit marayaw gid.” Ag may kahusayan sa Israil sa sulud upatpulu ka timpu.