Isayas 17:13 - Hanunuu

¹³ Dapat una sida parihu sa daraka humbak magtunug, malagiw di sida nu tamyawun sida Diyus. Miparihu sida sa upa sa tagudtud pagpayagun durus ag dayami pagpayagun buhawi.

Isayas 17:13 Iomraidhean Croise

Hub 21:18

Bihira lang sida pagtulakun bilang ga dayami ngatay sa upa pagpayagun mabisug pag bagyu.

Hub 38:11

Sinabihan niku ti dagat, ‘Sitay lang tugka kawu ag danga kawu maglampas; sitay lang tugka kanmu daraka pag manga humbak.’

Kanta 1:4

Dapat balaw katida ti daut pag manga tawu. Sida unman may pulus, parihu sa upa pag-ipayag lang durus.

Kanta 35:5

Mana bumaliw sida parihu sa upa pag-ipayag durus habang pagtabugun sida nimu anghil.

Kanta 65:7

Pagpakalmahun nimu ti paywas manga humbak sa dagat hanggan ti kaguluhan manga tawu.

Kanta 65:8

Magkadala sa kanmu ti manga tawu una ti mag-uli sa arayu pag rugar dahil sa kanmu makadululaw pag manga buwat. Kanmu binuwat makapahuyaw sa kabayaan manga tawu sa buu kalibutan.

Kanta 9:5

Sinintinsiyahan nimu ag pinarusahan ti daut pag manga nasyun nakan balaw yi gid sida maimatun-an hanggan aban.

Isayas 14:25

Rurisun niku ti manga taga Asirya sa daga Israil. Runutun niku sida sa manga kabantudan niku. Balaw yi nida mahimu panawuhun ti manga nasakupan niku.

Isayas 21:15

Naglinayas sida ginan sa mahigpit pag labanan ag paglagsun sida nida manga kalaban may baladaw ag manga ugyung.

Isayas 22:18

Linginun niya kawu ga bula ag iyamut sa maluang pag daga. Ati kawu pag mamatay ag ati diman pagmawayak kanmu pag ipadayaw pag manga kalisa. Nakapakaun kawu kakay-ahan sa magtal-anakan nimu amu.

Isayas 27:1

Sa ati pag sirang, gamitun Panginuun kay matarum ag makamaskihan pag baladaw hampay matyun ti Libyatan, ti maliksi ag magyapang pag daragun sa kalalawdan.

Isayas 29:5

Dapat rumas-ug ti sirang ti mayamu niya pagkalaban bumaliw ga galbuk ngatay upa palidun durus. Kadaka inda mangyari sa kanda.

Isayas 30:28

Kay arup ga sa mabisug pag bulus mag-aput di tugka sa liug. Rurisun niya ti manga nasyun ga pagsaraun tirigu. Ga manga hayup sida pinaulian rinda pagguyudun.

Isayas 34:17

Siya ti mamakaun daga sa manga hayup imaw kanda ulianan. Mapasa-kanda inda, ag ati sida pag muli hanggan aban.

Isayas 40:15

Para sa Panginuun, ti manga nasyun parihu lang sa usa ka tiktik danum sa timba ngatay taypuk sa kiluhan. Sa Diyus, ti manga puru ga taypuk lang kay kagaan.

Isayas 40:24

Parihu sida sa manga tanum bag-u di waya magtubu harus unman waya nakagamut. Inyup sida Panginuun ag kadaka lang narubay ag ipinayag buhawi ga upa.

Isayas 41:11

Ti tanan magkagalit sa kanmu pihu mangay-a ag mibuyu. Ti manga maglaban sa kanmu pihu gid midamhak.

Isayas 8:7

ipagira niku sida sa hari Asirya hanggan sa kay manga sundalu ga sapa Iyupratis magbaha ag maglapwas sa kay manga pangpang.

Danyil 2:35

Rargu nidugsak ti tinawu-tawu buwat sa baul, lutuk, galang, pilak, ag gintu. Bag-u nagbaliw wadi upa sa girik-an pag-ipayag durus una naan tag. Dapat ti batu nidugsak sa lulud diyus-diyusan nagbaliw daka pag bantud nagsakup sa buu kalibutan.

Husyas 13:3

Nakan madura kamu parihu sa anitay ngatay sa tun-ug sa surip, ngatay parihu sa upa sa giukan pag-ipayag durus ngatay anus magluwang sa kay ahusan.

Sipanyas 2:2

bag-u rumas-ug ti itinagka pag sirang palayasun kamu ag ipayag parihu sa upa. Pag-ampu yi kamu bag-u rumas-ug ti sirang ibuhus Panginuun kay masyadu pag pangagalit.