Isayas 17:10 - Hanunuu

¹⁰ Kinalimtan niyu ti Diyus kanyu Manugribri ag batu palalan-iban. Nakan una magtanum kamu manga mararinu pag kalasi tanum, parihu sa ubas ginan sa iba rugar,

Isayas 17:10 Iomraidhean Croise

1 Krunika 16:35

Pagdarangin kamu, “Ribrihan kami, Diyus kanmi Manugribri; bawia kami sa manga nasyun ag tipuna maan kami sa kanmi daga, hampay makapasalamat kami ag makadayaw sa kanmu kabanalan.

Kanta 106:13

Dapat nalimtan rargu nida kay binwat ag unman sida mag-alagad sa kay patigayun.

Kanta 106:21

Nalimtan nida ti Diyus imaw ti nagribri sa kanda ag nagbuwat makadululaw hanggan lilingutan pag buwat ati sa Ihiptu, ti daga manga linahi ni Kam ati sa Marara pag Dagat.

Kanta 18:2

Panginuun, kawu kang palalan-iban pag batu, kang matibay pag paratag-an ag manugribri. Bilang palalan-iban pag batu, makapatagu aku sa kanmu. Kawu kang panangga, makamaskihan pag manugribri, ag darangpan.

Kanta 31:2

Patingihi aku ag rargu ribrihan. Kawu kang palalan-iban pag batu, hanggan alad batu paratag-an para sa kang karibrihan.

Kanta 65:5

Diyus kanmi manugribri, pagsagtun nimu kami sa panab-anan makadululaw pag pagribri nimu sa kanmi. Kawu ti pag-asa tanan tawu, una ti pinakaarayu pag bahagi kalibutan hanggan sa pinakaarayu pag dagat.

Kanta 79:9

Awati kami, Diyus nimi manugribri, hampay madayaw kawu. Ribrihan kami ag patawada kanmi manga kasalanan para sa kanmu kadayawan.

Kanta 85:4

Diyus nimi manugribri, balikan maan kanmi mayad pag kahamtangan. Duraa yi kanmu pangagalit sa kanmi.

Kanta 9:17

Mamatay ti daut pag manga tawu sa tanan nasyun, dahil pagdayuun nida ti Diyus.

Isayas 12:2

Kawu pag Diyus kang Manugribri. Manarig aku sa kanmu ag balaw yi madala. Kawu, Panginuun, ti magpakaun kabisugan sa kangku, kawu kang karantahun. Kawu ngani ti nagribri sa kangku.”

Isayas 17:9

Sa ati pag sirang, ti mapag-un nida pag manga banwa mawayak ag tayakan yi nida, parihu sa manga banwa manga Amuriyu ag Hibiyu tinayakan lang pagka rinmas-ug ti manga Israilita.

Isayas 18:5

Bag-u waya rumas-ug ti udas tig-arani, sa udas di waya tigburusang manga ubas ag amat-amat magkalutu kay manga burak, puldun yi Diyus kay manga sanga inda.

Isayas 25:4

Kawu ti darangpan manga pugri hanggan manga magpangailangan sa udas kakurian. Kawu ti darangpan sa udas may bagyu hanggan tig-irinit. Dahil ti paggira manga mahigpit pag tawu ga bagyu maghampak sa alad batu,

Isayas 26:4

Pagsarig kamu pirmi sa Panginuun, dahil siya kanta palalan-iban pag batu hanggan aban.

Isayas 30:29

Dapat kamu pag manga nasakupan Diyus manganta, parihu sa pagbuwatun niyu sa yabi sa pista pagdayaw sa Panginuun. Makabaya kamu parihu sa tawu magpatakda sa tunug plawta habang maglakaw atabug sa Bantud Panginuun hampay sambahun siya, ti palalan-iban pag batu Israil.

Isayas 33:2

Panginuun, kaawai duy nimu kami. Pabisuga nimu kami sirang-sirang, ag ribrihan sa udas kakurian.

Isayas 44:8

Danga kamu magkadala ngatay kulbaan. Unman aw ipinaalam niku sa kanyu kaybi waya kang turunu? Kamu kang manga kastigus. May imaw waya aw iba Diyus purya sa kangku? Unman gid! Unman yi aku may alam kuntay may iba waya batu palalan-iban purya lang sa kangku.”

Isayas 51:13

Aku aw magkalimtan yi niyu? Aku ti naglalang sa kanyu? Aku ti nagladlad sa langit hanggan ti nagpauli paratukawan kalibutan. Hayga magkabuhi kamu magkadala sa isug manga mag-api ag magkaibug rumuris sa kanyu? Kanda isug balaw makadaut sa kanyu.

Isayas 61:10

Magbaya aku sa kang Panginuun Diyus, dahil aku ga kay pinasulungan karibrihan hanggan kapanaluhan. Parihu aku sa lalaki ikasal may sulung rutay marinu panmanughandug, ngatay parihu sa babayi ikasal may pamarinu.

Isayas 62:11

Pagpatingi kamu! Nagpadara tultulanun ti Panginuun sa buu kalibutan, magkumun, “Sabiha niyu sa tanan taga Israil kanda Manugribri rinmas-ug yi may dara pirimyu, ti irinibri sa pagkabihag!

Hirimyas 12:13

Kang manga nasakupan mamamgas tirigu, dapat mangani sida dugi. Mangungud sida sa tarabahu dapat unman sida may pakinabangun. Mangani sida kakay-ahan dahil sa kang masyadu pangagalit.”

Hirimyas 17:13

Kawu duy Panginuun, ti pagsarigan Israil. Mangay-a gid ti tanan magdayu sa kanmu. Milbung gid sida sa sirung daga dahil dinayu nida kawu, ti bulbugan magpakaun buhi.

Hirimyas 2:32

“Malimtan aw usa ka daraga kay manga ugsung aw ngatay ti rutay niya pankasal? Dapat kamu kang manga nasakupan, dugay yi niyu aku kinalimtan.

Hirimyas 3:21

“May mag-adnugan yi manga iringayan sa arabwat pag rugar. Maglulumian ag magpaawa-awa ti nasakupan Israil dahil nagbaliw daut kanda magpangabuhi ag kinalimtan nida aku, ti Panginuun kuntay kanda Diyus.

Isikil 22:12

Ti iba magtanggap suhul hampay manmatay tawu, ti iba magpatubu labis-labis, hanggan magyaman dahil sa maramuun sa kuwarta. Nalimtan yi gid nida aku. Aku, ti Panginuun Diyus, ti magbagaw inda.

Isikil 23:35

Ag dahil kinalimtan nimu aku ag pinatlikudan, aku, ti Panginuun Diyus, magbagaw mangagwanta gid kawu dahil sa kanmu mahalay pag buruwatun ti pagpabili sa kanmu bilug.”

Husyas 4:6

“Nag-iridamhak kang manga nasakupan dahil kurang sida sa kaalaman. Dahil kamu gid ngap dinayu niyu ti kaalaman tungkul sa kangku, nakan dayuun diman niku kamu bilang manga manughandug niku. Kinalimtan niyu kang Kasuguan, nakan kalimtan diman niku kanyu manga anak.

Husyas 8:14

Kinalimtan manga taga Israil ti naglalang sa kanda. Sida ag ti manga taga Huda nagpatindug manga balay hari hanggan mayamu banwa sangput alad batu. Dapat sunugun niku kanda manga banwa hanggan ti mapag-un pag manga rugar.”

Huwil 1:17

Nadaut ti manga binhi sa tigangan pag daga. Dahil nalayung ti manga butir, unman may sukad ti balay haramnuan, nakan nadaut lang tanan.

Libitiku 26:16

indaay kang buwatun sa kanyu: Makulbaan kamu sa dala dahil padaran-an niku kamu makamatay pag manga sakit hanggan init bilug imaw ti dumaut sa kanyu manga mata hanggan manga bilug. Tumanum kamu, dapat balaw niyu inda makinabangan dahil girahun kamu niyu manga kalaban bag-u kan-un nida kanyu manga patubas.

Libitiku 26:20

Bumaliw unman may pulus kanyu magpangabudlay, dahil kanyu manga daga udyi magtubas hanggan kanyu manga puun kayu balaw magburak.

Amus 5:11

Pag-ihid-ihidun niyu ti manga pugri ag pagpilitun pumakaun sa kanyu kanda patubas. Nakan unman kamu makaulian sa ipinatindug niyu pag manga balay buwat sa batu, ag unman kamu makainum intus ginan sa itinanum niyu pag manga ubas.

Habakuk 3:18

makabaya diman aku dahil ti Panginuun Diyus imaw ti magribri sa kangku.

Sipanyas 1:13

Pamul-un ginan sa tunda pag manga tawu kanda manga kasiyunan ag wayakun kanda manga balay. Bukun sida ti mangulian sa manga ipinatindug nida pag balay. Ag bukun sida ti uminum intus ginan sa ubas nida itinanum.”

Diyuturunumiyu 28:30

“Agawun iba ka lalaki kanyu asawan-un pag babayi. Manbungsud kamu balay dapat balaw kamu ti mangulian siyun. Mantanum kamu manga ubas dapat balaw kamu ti pumakinabang kay manga burak.

Diyuturunumiyu 32:15

Nagmaalwan ti manga Israilita dapat naglaban sida. Nagtabul sida ag nagbisug, dapat pinatlikudan nida ti Diyus, ti naglalang sa kanda, ag binugyahan nida ti palalan-iban nida pag batu imaw ti kanda Manugribri.

Diyuturunumiyu 32:18

Linimtan nida ti Diyus ti palalan-iban nida pag batu imaw ti naglalang sa kanda.

Diyuturunumiyu 32:31

Dahil ti palalan-iban pag batu nita manga kalaban balaw parihu sa kanta palalan-iban pag batu, una sida alam di inda.

Diyuturunumiyu 32:4

Siya kang palalan-iban pag batu; kang-ud gid kay manga binuwat, ag matadlung ti tanan niya manga palakaw. Matinupadun siya pag Diyus ag balaw magsalan; matadlung siya ag hustu kay manga pagbuwatun.

Diyuturunumiyu 6:12

pihua niyu unman niyu malimtan ti Panginuun, ti nagpalwas sa kanyu sa Ihiptu nu naan kamu binwat panawuhun.

Diyuturunumiyu 8:11

“Dahani gid niyu balaw malimtan ti Panginuun niyu Diyus ag danga niyu paglabaga kay manga sugu hanggan surundanun ti pag-ipakaun niku sa kanyu taynguna.

Diyuturunumiyu 8:14

pagdahan kamu balaw makapadayaw-dayaw ag makalimut sa Panginuun niyu Diyus, ti nagpalwas sa kanyu sa Ihiptu nu naan kamu pag binwat panawuhun.

Diyuturunumiyu 8:19

“Dapat pagpaandaman niku kamu taynguna, nu kalimtan niyu ti Panginuun niyu Diyus ag mansunud kamu sa iba pag manga diyus, hanggan mansamba ag sumirbi sa kanda, pihu gid maruris kamu.