Isayas 16:9 - Hanunuu

⁹ Nakan maglumi aku parihu sa manga taga Hasir, dahil sa ubasan Sibma. Paglumian niku ti Hisbun hanggan ti Ilali dahil udyi madnugan ti manga masulung nida pag huruyawan dahil sa abunda pag-ani.

Isayas 16:9 Iomraidhean Croise

Isayas 9:3

Panginuun, pakan-i duy nimu sida daka pag kabayaan, ag makabaya sida sa atubangan nimu parihu sa manga tawu magbaya nu udas tig-arani, aw ngatay parihu diman sa manga tawu magdaus sa maghururayan kanda naagaw sa girahan.

Hirimyas 40:10

Mamirmaminti aku sitay sa Mispa hampay umatubang sa manga taga Babilunya para sa kanyu nu rumas-ug sida sitay. Mangulian kamu una naan pag rugar kanyu gustu, anihun niyu ti manga ubas, manga ulibu, ag ti iba waya pag manga burak kayu, ag hamnuun niyu sa manga sukadan.”

Hirimyas 40:12

Nakan binmalik sida sa Huda ginan sa tuhay-tuhay pag rugar nida inatagan ag nag-atag sida kan Gidalyas sa Mispa. Bag-u namuul sida manga ubas ag iba waya manga burak kayu.

Isikil 27:31

Kalbuhun nida kanda manga ulu bag-u manrutay saku habang maglumi sida mabaskug sa subra pag karukuan.

Isikil 32:18

“Anak tawu, manhimanglaw kawu para sa manga nasakupan Ihiptu hanggan sa manga nasakupan iba makamaskihan pag manga nasyun. Dahil ilagpak niku sida sa sirung daga bag-u makaibahan nida ati ti manga nagkaramatay yi.

Talaghusay 9:27

Katpung udas tig bururak ubas, nagbuwat ti manga tawu intus ginan sa inda pag manga ubas. Ag nagdaus sida pista sa balay diyus nida. Habang magkaun sida ati ag mag-irinuman, paglibakun nida si Abimilik.