Isayas 16:3 - Hanunuu

³ Magkun ti manga taga Muab sa manga taga Huda, “Paanyui niyu kami nu hintay kanmi buwatun. Alagai niyu kami, parihu sa hamuy pag-ipakaun puun kayu sa karaw-an sirang. Nagpinalagiw kami ginan sa kanmi banwa, taynguna udyi may sadili ulian. Sagpuna mana niyu kami danga pagpabay-ani.

Isayas 16:3 Iomraidhean Croise

1 Hari 18:4

Pagka pagmatyun ni Hisibil ti manga purupita Panginuun, itinagu niya ti 100 purupita sa duwa ka lukib, 50 kada lukib, ag pinakan-an niya sida karan-unun hanggan danum.)

Isayas 1:17

Pagpaanad kamu sa magbuwat mayad ag ilantag ti katadlungan. Sungyawa niyu ti manga mag-api ag apinan niyu ti karampatan manga ulila hanggan manga buranday.”

Isayas 25:4

Kawu ti darangpan manga pugri hanggan manga magpangailangan sa udas kakurian. Kawu ti darangpan sa udas may bagyu hanggan tig-irinit. Dahil ti paggira manga mahigpit pag tawu ga bagyu maghampak sa alad batu,

Isayas 32:2

Ti kada usa sa kanda parihu sa palalan-iban sa mabisug pag durus ag bagyu. Parihu diman sida sa sapa magbulus sa tigangan pag daga, hanggan sa hamuy daka pag batu sa mainit ag sa mamara pag daga.

Isayas 56:8

Magkun waya ti Panginuun Diyus ti nagtipun sa manga Israilita nabihag, “Tipunun waya niku ti iba, purya sa manga natipun yi.”

Isayas 58:7

Pakan-i niyu karan-unun ti manga magkalun-us, ipatahan niyu sa kanyu ulian ti unman may ulian, ayawi niyu rutay ti unman may rutay, ag awati niyu kanyu manga katawuhan.

Isayas 9:6

Ianak ti usa ka anak lalaki imaw ti humari sa kanmi. Ingarnan siya “Makadululaw pag Manugpaanyu, Makamaskihan pag Diyus, Unman may Katapusan pag Ama, ag Takinan Kahusayan.”

Hirimyas 22:3

Inda ti pagsabihun Panginuun: Ilantag niyu ti katadlungan hanggan ti katuwiran. Awati niyu ti manga tinakawan, iribri niyu sida sa kamang manga tawu mag-api sa kanda. Danga niyu paghigpiti ngatay pag sakti ti manga day-uhan, ulila hanggan manga buranday mag-uli kaibahan niyu. Danga diman kamu magmatay sa manga tawu unman may kasalanan.

Danyil 4:27

Nakan Mahal Hari, mana tanggapun nimu inda kang paanyu sa kanmu: Pagpakarayu kawu sa kasalanan ag pagbuwat mayad, ag pagmaawaun kawu sa manga pugri. Nu buwatun nimu inda barang pumirmaminti kawu abunda.”

Sakaryas 7:9

“Inda ti sinabi niku sa kang manga nasakupan: ‘Paghusay kamu mayad. Ipakakit niyu kanyu kaayadan ag pangaawa sa usa kag sa usa.

Matiyu 25:35

Dahil pagka linun-us aku, kanyu pinakan-an aku karan-unun. Pagka inuwaw aku, kanyu pinainman. Pagka aku usa ka taga iba daga, pinadayun niyu aku sa kanyu balay.

Hibriyu 13:2

Danga duy pag-irangi niyu kanyu manga balay sa manga tawu taga iba daga. Tanggapun di niyu, imaw diman ti binwat manga iba. May tinanggap sida manga tawu sa kanda balay unman nida alam kuntay manga anghil maaw.

Talaghusay 9:15

Nagsagut ti dugihin pag kayu, ‘Nu gustu gid niyu aku ti humari sa kanyu, pagpasirung kamu sa kangku. Dapat nu unman, manpalwang aku apuy imaw ti umirub sa manga puun kayu sidru sa Libanun.’ ”