Isayas 16:11 - Hanunuu

¹¹ Nakan magkaruku aku sa nadangtan manga taga Muab parihu sa maruku pag tunug alpa. Magkaruku diman aku sa nadangtan Kir Harisit.

Isayas 16:11 Iomraidhean Croise

Isayas 15:5

Nanruku gid aku dahil sa nangyari sa Muab. Nagpinalagiw kay manga nasakupan atabug sa Suar tugka sa Iglat Silisya. Maglulumian sida habang magtukad atabug sa Luhit. Ti iba sa kanda magnguynguy atabug sa Hurunaim, dahil sa kanda nadangtan.

Isayas 21:3

Ti nakitan ag nasaydan niku sa kang pangakakitun nakapakaun gid masyadu pag kadalaan sa kangku. Nanarakit kang bilug, ga babayi magkakurian sa magpanganak.

Isayas 63:15

Bantayan duy nimu kami ginan sa langit, imaw kanmu banal ag abwat pag ulian. Naan yi kanmu pasunaid sa kanmi hanggan kanmu ipinakakit pag kamaskihan kaybi sa kanmi? Naan yi kanmu pagmahal ag pangaawa sa kanmi?

Hirimyas 31:20

Nagsagut ti Panginuun, “Kamu pag nasakupan Ipraim kang pagmahalun pag anak. Una pirmi aku magbagaw laban sa kanyu, pagbayaun di niku kamu. Maggagad di aku ag magkaawa sa kanyu.

Hirimyas 4:19

“Ti sakit sa tagipusuun harus dayi niku mabata ag kang-ud yi lang kang magdangup. Magtibtibuk wadi kang dubdub ag unman aku makaagwanta. Dahil nadnugan niku ti tunug budyung hanggan ti pagrit sa girahan.

Hirimyas 48:31

Nakan manlumi aku para sa manga taga Muab ag taga Kir Harisit.

Hirimyas 48:36

“Nakan maglumi kang tagipusuun para sa Muab ag sa manga taga Kir Harisit, parihu sa maruku pag tunug palawta para sa namatay. Udyi ti manga kayamanan natanggap nida.

Karukuan 1:20

“Bantayi, Panginuun, nu kabitay kang karukuan! Masyadu gid kang mag-agwanta bilang ga pin-ga kang tagipusuun, dahil nagbaliw malinabagun aku sa kanmu. May magmaratyan sa kang manga sugkadan, ag una sa sulud balay may magkamatay.

Husyas 11:8

“Manga taga Israil, balaw mahimu dayuun niku kamu ngatay pabay-anan. Balaw mahimu ipadamhak niku kamu lubus parihu sa binwat niku sa manga banwa Adma ag Sibuyim. Balaw maagwanta tagipusuun niku buwatun inda sa kanyu. Magkaawa gid aku sa kanyu.

Pilipus 2:1

Pagpabisugun ungud kamu dahil sa kanyu magpakiusa sa kan Kiristu. Kay pagmahal ni Kiristu tigparig-un sa kanyu naisipan. Magpakiusa waydi kamu sa Ispiritu Banal. Maawaun kamu ag magparasunaidan kamu sa usa kag sa usa.