Isayas 15:2 - Hanunuu

² Tinmukad ti manga taga Dibun sa kanda Balay Diyus hanggan sa kanda manga simbahan sa abwat pag rugar hampay manlumi. Paglumian manga taga Muab ti Nibu hanggan ti Midiba. Ti kada usa sa kanda napakidkid kay buhuk ag napauguy kay bungut.

Isayas 15:2 Iomraidhean Croise

2 Samwil 10:4

Nakan ipinadakup ni Hanun ti manga takinan ni Dabid, inuguy kanda katunga bungut, bag-u tinunga kanda manga rutay ginan sa awak tugka sa raprapa ag pinauli sida.

1 Krunika 19:4

Nakan ipinadakup ni Hanun kay manga tawuhan ni Dabid ag kinidkid kanda manga bungut. Tinastas diman niya kanda manga rutay ginan sa awak tugka sa sirung bag-u rargu pinauli sida.

Hub 1:20

Pagka tida nadnugan ni Hub, tinmindug siya ag ginitas kay rutay dahil sa karukuan. Bag-u inuguy niya kay buhuk bag-u napadapa sa daga hampay sumamba sa Panginuun.

Isayas 14:31

Panlumi kamu matnug, kamu pag manga nasakupan manga banwa Pilistiya. Dahil girahun kamu niyu manga kalaban ga anus ginan sa kanaway. Sida lunsay yi manga maraisug.

Isayas 15:3

Nakarutay sida saku habang maglakaw sa baklayan. Magnguynguy sida sa atup nida manga balay hanggan sa manga buruybuyahan.

Isayas 16:12

Gasaun lang ti manga taga Muab magpakabalik sa kanda manga simbahan sa abwat pag rugar. Ag unman diman may pulus kanda mag-atag sa Balay Diyus hampay mandarangin.

Isayas 16:7

Nakan lumian manga taga Muab kanda nasyun. Manlumi sida tanan dahil sa pagkadura manga masarap nida karan-unun sa Kir Harisit.

Isayas 22:12

Nagpatalahap sa kanyu ti Panginuun Diyus Makamaskihan kuntay kamu pagpanrukuan, paglumi, pagpakidkid ag pagsulung rutay panruku bilang tanda sa kanyu mag-ampu.

Isayas 3:24

Nu sitay sida mabanglu, mamawu ngap sida. Lubid wadi kanda ihuragkus, ag lug-isun ti mararinu nida pag buhuk. Ti manga marinu nida rutay ilisan saku, ag ilisan yi kanda karinuan makakaray-a.

Hirimyas 3:21

“May mag-adnugan yi manga iringayan sa arabwat pag rugar. Maglulumian ag magpaawa-awa ti nasakupan Israil dahil nagbaliw daut kanda magpangabuhi ag kinalimtan nida aku, ti Panginuun kuntay kanda Diyus.

Hirimyas 47:2

“May nasyun man-gira ginan sa kanaway ga baha lumapwas sa buu daga. Wasakun inda pag nasyun ti tanan banwa hanggan kay manga nasakupan nida. Manhuruyawan ag manlulumian mabaskug ti manga tawu dahil sa dala.

Hirimyas 47:5

Ti manga taga Gasa mamakidkid, puruyba sa paghimanglaw nida, ag ti manga taga Askalun unman mag-ingay sa karukuan. Kamu pag manga nasakupan sa karatagan, tugka kapira niyu biyagan kanyu sadili hampay ipakakit kanyu karukuan?

Hirimyas 48:1

Inda ti sinabi Panginuun Makamaskihan, ti Diyus Israil, tungkul sa Muab: “Kaawaawa ti Nibu dahil wayakun inda. Mangay-a ag bihagun ti Kiryataim bag-u mapugdak ti manga marig-un pag palalan-iban inda.

Hirimyas 48:18

“Kamu pag manga taga Dibun, pagpakumbaba kamu ag pagtukaw sa daga dahil ti nagwayak sa Muab man-gira diman sa kanyu ag gubaun nida kanyu manga banwa magkasangput manga alad batu.

Hirimyas 48:31

Nakan manlumi aku para sa manga taga Muab ag taga Kir Harisit.

Hirimyas 48:35

Pap-utun niku sa Muab ti manga maghandug sa manga simbahan sa abwat pag rugar ag magtuub kamangyan sa kanda manga diyus-diyusan. Aku, ti Panginuun, ti magsabi inda.

Hirimyas 49:3

“Paglumi kamu kabisug, kamu pag manga taga Hisbun dahil wayak yi ti Hay. Paglumi diman kamu pag manga taga Raba. Pagrutay kamu rutay saku ag pagpabalik-balik sa saruy alad batu hampay ipakakit kanyu maghimanglaw. Dahil bihagun kanyu diyus-diyusan si Muluk hanggan ti manga manughandug ag takinan niya.

Hirimyas 7:29

Manga taga Hirusalim, pakalbuhan kanyu manga buhuk bag-u yamtan hampay ipakakit kanyu karukuan. Panlumi kamu ati sa arabwat pag rugar, dahil binugyahan ag pinabay-anan Panginuun kanyu manga linahi, ti nagpagalit sa kanya.”

Isikil 27:31

Kalbuhun nida kanda manga ulu bag-u manrutay saku habang maglumi sida mabaskug sa subra pag karukuan.

Isikil 30:2

“Anak tawu, tultulan nimu kang pagsabihun sa manga taga Ihiptu. Sabihun nimu aku, ti Panginuun Diyus, magkun: Paglumi kamu kabisug dahil sa kanyu pararas-ugun pag kadamhakan.

Isikil 7:18

Mansulung sida saku ag kuridun nida kanda manga buhuk sa ulu sa pagpakakit nida karukuan. Madala gid sida ag mangay-a.

Libitiku 13:40

Nu ti usa ka tawu nakalbu sa may bangas arani ngatay sa kay aripudwan, malinis di siya.

Libitiku 21:5

Nu manruku kamu sa namatay, danga niyu pagkurida kanyu buhuk aw ngatay puldan kanyu bungut, aw ngatay biyagan kanyu bilug.

Amus 8:10

Buwatun niku lulumian kanyu kabayaan sa pista, ag kanyu magkarantahan buwatun niku hirinangbitun. Parutayan niku kamu saku ag suguun pagpakalbu sa pagpakakit kanyu karukuan, parihu sa manga gurang maglumi sa pagkamatay nida bugtung pag anak. Dapat mas mahigpit waya gid ti uryan pag parusa.”

Bilang 21:30

Dapat kainda, naruris yi ti manga Amuriyu. Nagkaradaut yi ti banwa Hisbun, hanggan ti Dibun, Nupa, ag Midiba.”

Bilang 32:3

“Ti Atarut, Dibun, Hasir, Nimra, Hisbun, Ilali, Sibam, Nibu, hanggan Biyun —

Bilang 32:38

hanggan ti manga rugar pag-ingarnan kaybi Nibu, Baal Miyun, ag Sibma. Inilisan nida kay manga ngaran ti banwa kanda ipinatindug.

Diyuturunumiyu 14:1

“Manga anak kamu Panginuun niyu Diyus. Nakan nu manruku kamu sa namatay, danga niyu pagbiyagi kanyu sadili aw ngatay kidkidun kanyu tungud bangas.

Diyuturunumiyu 34:1

Ginan sa karatagan Muab, nagtukad si Muysis sa Bantud Nibu, sa katayungtungan Pisga maatubangan sa Hiriku. Ati pag ipinakakit Panginuun sa kanya ti buu daga — ginan sa Gilyad tugka sa Dan,