Isayas 15:1 - Hanunuu

¹ Inda ti pagsabihun tungkul sa Muab: Sa sulud lang usa ka yabi nawayak ti banwa Ar hanggan ti Kir sakup Muab.

Isayas 15:1 Iomraidhean Croise

2 Hari 3:25

Winasak nida ti banwa, yinamtan manga batu ti mauya pag manga tanman tugka sa natabunan manga batu. Pinantakbunan diman nida ti manga bulbugan, ag pinamukan ti marinu pag manga puun kayu. Sa uryan-uryan, ti Kir Harisit wadi ti nasawad, dapat linibutan waya gid inda nida manga sundalu may manga lampitaw ag ginira.

Isayas 11:14

Mirinsan sida gumira sa manga Pilistiyu sa isalpan. Girahun diman nida ti manga nasyun sa butlakan ag agawun nida kay manga kasiyunan. Sakupun nida ti Idum ag Muab hanggan ti manga Amuriyu pumasakup diman sa kanda.

Isayas 13:1

Inda ti pagsabihun tungkul sa Babilunya, ti ipinaburayhaw Panginuun sa kan Isayas kay anak ni Amus:

Isayas 14:28

Inda ti pagsabihun Diyus katpung namatay si Hari Akas:

Isayas 16:11

Nakan magkaruku aku sa nadangtan manga taga Muab parihu sa maruku pag tunug alpa. Magkaruku diman aku sa nadangtan Kir Harisit.

Isayas 16:6

Nabaritaan nimi masyadu marapadayaw ti manga taga Muab. Ti pagpalabaw ag kayabangan nida unman may pulus.

Isayas 16:7

Nakan lumian manga taga Muab kanda nasyun. Manlumi sida tanan dahil sa pagkadura manga masarap nida karan-unun sa Kir Harisit.

Isayas 25:10

Ungud awatan Panginuun ti Bantud Siun, dapat parusahan niya ti Muab. Tat-an niya inda ga dayami sa rayamtan paruk.

Isayas 25:12

Gubaun niya kanda abwat ag mapag-un pag alad batu tugka sa marunut ag mawayak sa babaw daga.

Diyuturunumiyu 2:18

‘Kainda pag sirang, pagdipay kamu sa katugkaan Muab sa Ar.

Diyuturunumiyu 2:19

Nu makaras-ug yi kamu sa manga Amunita, pag manga linahi ni Lut, danga niyu sida pagguluha ngatay pagdugmaa, dahil inayaw yi niku sa kanda ati pag daga, ag balaw niku kamu ayawan una lang diit pag bahagi nida daga.’

Diyuturunumiyu 2:9

magkun sa kangku ti Panginuun, ‘Danga niyu pagguluha ngatay pagdugmaa ti manga Muabita kay manga linahi ni Lut, dahil ipinakaun yi niku sa kanda ti Ar hampay ulianan nida, ag balaw niku kamu ayawan una lang diit pag bahagi nida daga.’ ”