Isayas 14:7 - Hanunuu

⁷ Sa uryan bumaliw diman may kahusayan ti kalibutan. Ag mangarantahan ti manga tawu sa kabayaan.

Isayas 14:7 Iomraidhean Croise

Kanta 47:1

Tanan pag manga nasyun, pagpalakpak kamu ag paghuyaw sa Diyus dahil sa kabayaan.

Kanta 98:1

Manganta kita bag-u pag kanta sa Panginuun, dahil nagbuwat siya makadululaw pag manga bagay! Sa panab-anan niya sadili kamaskihan ag kabisugan tinalu niya kanta manga kalaban.

Kabagawan 11:10

Maghuruyawan sa kabayaan ti manga mag-uli sa usa ka banwa nu pagpapaladan ti manga matadlung ag katunda diman nu magkaramatay ti manga daut pag tawu.

Isayas 21:2

Nakitan niku ti usa ka madala pag pangakakitun tungkul sa pagkamaradaya ag kadamhakan. Kamu manga taga Ilam ag taga Midya, sangputa niyu ti Babilunya ag giraha. Tapusun yi Diyus kay magpakuri sa iba pag manga nasyun.

Isayas 49:13

Kalangitan, pagkanta kawu sa kabayaan. Pagmasulung kawu, Kalibutan! Pagkanta kamu, kamu pag manga bantud. Dahil kaawaan ag pasulungun Panginuun kay manga nasakupan magkakurian.

Hirimyas 51:48

Ag nu mangyari tida, manhuyaw sa kabayaan ti langit ag ti daga hanggan ti tanan atay dahil sa pagkawayak Babilunya. Dahil girahun inda manga manugwayak ginan sa kanaway. Aku, ti Panginuun, ti magsabi inda.

Isikil 35:14

“Nakan aku, ti Panginuun Diyus magkun, makabaya ti buu kalibutan nu buwatun yi niku mapanglaw kanyu rugar,

Sakaryas 1:11

Magkun ti manga manugkabayu sa anghil Panginuun mapat-ungan sa may manga puun kayu mirtu, “Nalibut yi nimi ti buu kalibutan ag nakitan nimi inda may kahusayan.”

Ipinakakit 18:20

“Kawu duy pag langit pagbaya sa nangyari sa banwa Babilunya. Pagbaya kamu pag manga pinili Diyus, manga apustul hanggan manga purupita. Nasintinsiyahan yi Diyus ti banwa Babilunya sa kaparusahan dahil sa binwat niya sa kanyu.”