Isayas 14:6 - Hanunuu

⁶ Sa kanda pangagalit balaw may apas kanda magpakuri sa manga tawu, masyadu nu mag-unuunu sa manga nasyun.

Isayas 14:6 Iomraidhean Croise

2 Krunika 36:17

Ipinagira niya sida sa manga taga Babilunya. Pinanmatay manga taga Babilunya kanda manga kalay-awan lalaki una sa Balay Diyus. Unman gid sida may pangaawa una sa kantapu, lalaki man ngatay babayi, anak man ngatay gurangun, masakitun man ngatay bukun. Ipinabahala Diyus ti tanan niya nasakupan kan Nabukudunusur.

Hub 9:13

Balaw pag-amparahun Diyus kay pangagalit. Una ti manga kaawat daragun kay ngaran si Rahab magyuk-ub sa dala sa kanya.

Kabagawan 21:30

Unman may kadunungan, pan-intindi ngatay patigayun ti pumarihu sa Panginuun.

Kabagawan 28:15

Ti daut pag tawu magpanguna sa manga pugri bilang wadi mag-ngurub liyun ngatay usu maghanap kay turukbun.

Isayas 10:14

Bin-ul niku ti kayamanan manga nasyun, ga magpunpun lang aku itlug sa pugadan tinayakan niya ina. Unman may pakpak magkabkabaw ngatay uni nadnugan.’ ”

Isayas 14:5

Tinapus yi Panginuun ti kapangyarihan manga daut pag manga takinan.

Isayas 33:1

Kaawaawa kamu pag manga manugwayak udwaya nakalakaw pagkawayak. Kaawaawa kamu pag manga madaya, udwaya nakalakaw dinaya. Nu tapus yi kanyu magpanwayak hanggan magpandaya, kamu waydi ti wayakun ag dayaun.

Hirimyas 25:26

ti manga nasyun sa kanaway, ararayu man ngatay ararani, hanggan ti tanan kaharian sa buu kalibutan. Ag ti uryan painman, ti Babilunya.

Hirimyas 25:9

ipagira niku kamu sa manga sundalu ginan sa kanaway pagpangunahan niku manugsirbi ni Hari Nabukudunusur sa Babilunya. Girahun niya inda pag daga ag ti manga nasakupan inda, hanggan ti tanan nasyun sa kay sangput. Rurisun niku kamu lubus, madiklahan gid ti manga tawu sa malakawan niyu, puyaan kamu iba dahil lubus kamu rangga hanggan aban.

Hirimyas 48:17

Paglumi kamu, kamu tanan pag kakampi Muab! Sabihun niyu, ‘Udyi ti Muab! Nabari yi kay sugkud, ti sugkud tanda sa pagkamakapangyarihan ag kabantugan niya.’

Hirimyas 50:31

“Aku, ti Panginuun Makamaskihan, magsabi kalaban niku kawu, Babilunya marapadayaw! Rinmas-ug yi ti sirang parusahan niku kawu.

Karukuan 1:21

Nadnugan manga tawu kang mag-arunghung, dapat unman gid may magpabisug sa kangku una di. Nadnugan tanan niku manga kalaban kang kakurian, ag nagbaya sida sa kanmu binuwat sa kangku. Mana rumas-ug yi ti sirang kanmu itinaratu parusahan nimu sida hampay bumaliw parihu diman sida sa kangku.

Danyil 4:35

Ud may halaga ti manga tawu sa kalibutan nu ipaparihu sa kanya. Pagbuwatun niya kay gustu sa manga anghil sa langit hanggan sa manga tawu sa daga. Unman may makaampara ngatay makahadlang sa kanya.’

Habakuk 1:17

Nakan Panginuun, iparargu yi lang aw lugud nida kanda unman may pangaawa magbihag ag magruris sa manga nasyun?”

Habakuk 2:5

Sa kay tutuu, balaw masarigan ti kayamanan. Ag ti manga tawu magpadayaw-dayaw maramuun sa kayamanan pirmi magkaarimputu ag unman may kahusayan. Parihu sida sa kamatayan unman may kabusugan. Imaw ngani inda nakan pagbihagun nida ti mayamu pag manga nasyun.

Santiyagu 2:13

Udyi kaawaan Diyus sa kay magsintinsiya ti tawu unman madunung magkaawa. Dapat ti tawu nu madunung magkaawa, unman kailangan magkadala sa parusa Diyus.